Best bike under 1Lakh : రూ. 1లక్ష బడ్జెట్​లో బెస్ట్​ బైక్​ ఇదే! కొత్త ఫీచర్స్​తో హోండా ఎస్​పీ125 లాంచ్​..

కొత్త హోండా ఎస్​పీ125 భారత మార్కెట్లో రూ .91,771 (ఎక్స్-షోరూమ్) ప్రారంభ ధరతో లాంచ్​ అయ్యింది. హోండా ఎస్​పీ125 ఇప్పుడు రాబోయే ఓబీడీ2బీ నిబంధనలకు అనుగుణంగా అప్డేట్ అయ్యింది. ఈ ద్విచక్రవాహనం రిఫ్రెష్డ్ డిజైన్, కొత్తగా యాడ్​ చేసిన ఆధునిక ఫీచర్లను కలిగి ఉంది. ఇది దాని ప్రత్యర్థులకు పోటీగా బలంగా ఉండటానికి సహాయపడుతుంది. ఈ నేపథ్యంలో ఈ బైక్​ విశేషాలను ఇక్కడ తెలుసుకోండి..

హోండా ఎస్​పీ125..

భారతీయ మార్కెట్లలో సంస్థ అందిస్తున్న ఎంట్రీ లెవల్ 125సీసీ కమ్యూటర్ బైక్స్​లో హోండా ఎస్​పీ125 ఒకటి. ఇది తయారీదారుల లైనప్​లో హోండా షైన్125 కంటే కొంచెం పైన ఉంది. దానితో పోల్చితే ఈ బైక్​లో ఎక్కువ ప్రీమియం స్టైలింగ్, ఫీచర్లు ఉన్నాయి.

హోండా ఎస్​పీ125: డిజైన్ అప్డేట్స్..

ఈ మోటార్ సైకిల్ రిఫ్రెష్ డిజైన్​ని కలిగి ఉంది. ఇందులో ఆల్-ఎల్ఈడీ హెడ్​ల్యాంప్, టెయిల్​ల్యాంప్, ఫ్యూయల్ ట్యాంక్ చుట్టూ మరింత అగ్రెసివ్​ ట్యాంక్ ష్రౌడ్స్​ ఉన్నాయి. ఎగ్జాస్ట్ మఫ్లర్​కు ఇప్పుడు క్రోమ్ కవర్ లభిస్తుంది. బైక్​లోని గ్రాఫిక్స్ కూడా రిఫ్రెష్ అయ్యాయి.

హోండా ఎస్​పీ125: ఫీచర్లు..

హోండా ఎస్​పీ125 అప్డేటెడ్ వర్షెన్​లో బ్లూటూత్ కనెక్టివిటీతో కూడిన 4.2 ఇంచ్​ టీఎఫ్​టీ డిస్​ప్లే, అదనపు సౌలభ్యం కోసం యూఎస్​బీ టైప్-సీ ఛార్జింగ్ పోర్టు ఉన్నాయి. అదనంగా, ద్విచక్ర వాహనం కొత్త వర్షెన్ నావిగేషన్- వాయిస్ అసిస్ట్ ఫీచర్ల కోసం హోండా రోడ్​సింక్ యాప్ కంపాటబిలిటీని కూడా పొందుతుంది.

హోండా ఎస్​పీ125: ఇంజిన్..

ఈ బైక్​లో 124సీసీ, సింగిల్ సిలిండర్, ఫ్యూయల్ ఇంజెక్టెడ్ ఇంజిన్ ఉంది. ఇది కూడా ఓబీడీ2బీ కంప్లైంట్. ఈ ఇంజిన్ 10.7బీహెచ్​పీ పవర్, 10.9ఎన్ఎమ్ టార్క్​ని ప్రొడ్యూస్ చేస్తుంది. ఈ వాహనం ఇంధన సామర్థ్యాన్ని పెంచడానికి ఐడ్లింగ్ స్టాప్ సిస్టమ్ కూడా ఉంది.

హోండా ఎస్​పీ125: వేరియంట్లు, కలర్స్​..

పర్ల్ ఇగ్నియస్ బ్లాక్, మ్యాట్ యాక్సిస్ గ్రే మెటాలిక్, పర్ల్ సైరన్ బ్లూ, ఇంపీరియల్ రెడ్ మెటాలిక్, మ్యాట్ మార్వెల్ బ్లూ మెటాలిక్ అనే ఐదు కలర్ ఆప్షన్లతో డ్రమ్- డిస్క్ వేరియంట్లలో ఈ హోండా బైక్​ లభిస్తుంది.

హోండా ఎస్​పీ125: ధర, లభ్యత..

హోండా ఎస్​పీ125 ఎంట్రీ-స్పెక్ డ్రమ్ బ్రేక్ వేరియంట్ ధర రూ .91,771 (ఎక్స్-షోరూమ్), టాప్-స్పెక్ డిస్క్ బ్రేక్ వేరియంట్ ధర రూ .1,00,284 (ఎక్స్-షోరూమ్). ఇది భారతదేశం అంతటా హోండా మోటార్ సైకిల్ అండ్​ స్కూటర్ డీలర్​షిప్​లలో కొనుగోలు చేయడానికి అందుబాటులో ఉంది.