Motorola Edge 40 vs Realme 11 Pro+ : ఈ రెండు ఫోన్స్​లో ఏది వాల్యూ ఫర్​ మనీ?

Motorola Edge 40 vs Realme 11 Pro+ : ఇండియాలో మోటోరోలా ఎడ్జ్​ 40 సేల్​ ప్రారంభమైంది. ఈ స్మార్ట్​ఫోన్​పై కస్టమర్లు ఆసక్తి చూపిస్తున్నట్టు తెలుస్తోంది. రియల్​మీ 11 ప్రో+ కు ఇది గట్టిపోటీనిస్తుందని అంచనాలు ఉన్నాయి. ఈ నేపథ్యంలో ఈ రెండింటినీ పోల్చి, ఏది బెస్ట్​? అన్నది తెలుసుకుందాము..

మోటోరోలా ఎడ్జ్​ 40 వర్సెస్​ రియల్​​మీ 11 ప్రో+ స్పెసిఫికేషన్స్​..

ఈ రెండు స్మార్ట్​ఫోన్స్​లో సెంట్రల్లీ అలైన్డ్​ పంచ్​ హోల్​ కటౌట్​ ఉంటుంది. రెండింట్లోనూ ఇన్​ డిస్​ప్లే ఫింగర్​ప్రింట్​ స్కానర్​ లభిస్తోంది.

ఇక రియల్​మీ 11 ప్రో+ లో రేర్​ డిజైన్​ అట్రాక్టివ్​గా ఉన్నప్పటికీ.. ఎడ్జ్​ 40లో ఉన్న అల్యుమీనియం ఫ్రేమ్​, ఐపీ68 రేటెడ్​ ప్రొటెక్షన్​ వంటివి ఉండటం లేదు.

ఫీచర్స్​లో ఏది బెస్ట్​..?

Motorola Edge 40 price in India : మోటారోలా ఎడ్జ్​ 40లో 144 హెచ్​జెడ్ రిఫ్రెష్​ రేట్​తో కూడిన​ 6.55 ఇంచ్​ ఫుల్​ హెచ్​డీ+ పీఓఎల్​డీ డిస్​ప్లే లభిస్తోంది. 50ఎంపీ ప్రైమరీ, 13ఎంపీ అల్ట్రా వైడ్​ కెమెరా సెటప్​ రేర్​లో ఉంటుంది. ఇక సెల్ఫీ కోసం ఫ్రెంట్​లో 32ఎంపీ కెమెరా వస్తోంది. ఇందులో డైమెన్సిటీ 8020 చిప్​సెట్​ ఉంటుంది. ఎల్​పీడడీఆర్​4ఎక్స్​ ర్యామ్​, యూఎఫ్​ఎస్​ 3.1 స్టోరేజ్​ ఫెసిలిటీ ఉంది. ఆండ్రాయిడ్​ 13 సాఫ్ట్​వేర్​తో ఇది పనిచేస్తుంది. 4,400 ఎంఏహెచ్​ బ్యాటరీ దీని సొంతం. 68 వాట్​ వయర్డ్​, 15వాట్​ వయర్​లెస్​ ఛార్జింగ్​ కెపాసిటీ ఇందులో ఉంది.

ఇదీ చూడండి:- Upcoming smartphones in June : జూన్​లో లాంచ్​ అవుతున్న స్మార్ట్​ఫోన్స్​ ఇవే..!

ఇక రియల్​మీ 11 ప్రో+ విషయానికొస్తే.. ఇందులో 120హెచ్​జెడ్​ రిఫ్రెష్​ రేట్​తో కూడిన 6.7ఇంచ్​ ఫుల్​ హెచ్​డీ+ అమోలెడ్​ ప్యానెల్​ ఉంది. రేర్​లో 200ఎంపీ ప్రైమరీ, 8ఎంపీ అల్ట్రా వైడ్​, 2ఎంపీ మాక్రో లెన్స్​లు వస్తున్నాయి. ఇక సెల్ఫీ కోసం 32ఎంపీ కెమెరా లభిస్తోంది. ఇందులో డైమెన్సిటీ 7050 చిప్​సెట్​ వస్తోంది. ఆడ్రాయిడ్​ 13 ఆధారిత యూఐ 4.0 సాఫ్ట్​వేర్​ ఇందులో ఉంటుంది. 5,000ఎంఏహెచ్​ బ్యాటరీ దీనిసొంతం. 100 వాట్​ ఫాస్ట్​ ఛార్జింగ్​ కెపాసిటీ సైతం వస్తోంది.

ధరలు ఎంత..?

మోటోరోలా ఎడ్జ్​ 40 8జీబీ ర్యామ్​- 256జీబీ స్టోరేజ్​ వేరియంట్​ ధర రూ. 29,999గా ఉంది. ఫ్లిప్​కార్ట్​లో దీనిని కొనుగోలు చేయవచ్చు.

Realme 11 Pro+ price in India : ఇక రియల్​మీ 11 ప్రో+ ఇండియాలో ఈ నెల 8న లాంచ్​ అవుతుందని తెలుస్తోంది. 8జీబీ ర్యామ్​- 256జీబీ స్టోరేజ్​, 12జబీ ర్యామ్​- 256జీబీ స్టోరేజ్​ వేరియంట్లు ఉండొచ్చు. వీటి ధరలు రూ. 28,000- 29,000గా ఉండే అవకాశం ఉంది.