Mahindra Thar 2WD launch : తక్కువ ధరతో మహీంద్రా థార్​ కొత్త మోడల్​.. లాంచ్​ ఎప్పుడంటే!

Mahindra Thar 2WD launch : మహీంద్రా థార్​ సరికొత్త మోడల్​.. త్వరలో ఇండియా మార్కెట్​లోకి రాబోతోంది! ఈ వెహికిల్​ ఇప్పటికే పలు రాష్ట్రాల్లోని డీలర్​షిప్​ యార్డ్​ల​కు చేరుకుందని తెలుస్తోంది. నివేదికల ప్రకారం.. థార్​ మోడల్స్​లో ఇదే చౌకైన వాహనంగా ఉంటుందని తెలుస్తోంది.

ఈ మహీంద్రా థార్​ 2డబ్ల్యూడీ వాహనంలో 1.5లీటర్​ డీజిల్​ ఇంజిన్, 2.0 లీటర్​ టర్బో పెట్రోల్​ ఇంజిన్​ వేరియంట్లు ఉండే అవకాశం ఉంది. థార్​కు చెందిన ఇతర మోడల్స్​లో.. 2.2 లీటర్​ డీజిల్​, 2.0 లీటర్​ పెట్రోల్​ ఇంజిన్​ వేరియంట్స్​ ఇప్పటికే మార్కెట్​లో అందుబాటులో ఉన్నాయి.

Mahindra Thar 2WD price in India : మహీంద్రా థార్​ 2డబ్ల్యూడీలో ఫోర్​ వీల్​ డ్రైవ్​ సిస్టెమ్​ ఉండకపోవచ్చు. ఇది టూ వీల్​ డ్రైవ్​ వర్షెన్​లో వస్తోందని.. స్పై షాట్స్​ సూచిస్తున్నాయి. ఎక్స్​యూవీ300లో ఉపయోగించే ఇంజిన్​నే మహీంద్రా థార్​లో కూడా వాడుతున్నారు.!కాకపోతే.. ఇందులో ఆడ్​బ్లూ ఫ్లూయిడ్​ని కూడా వినియోగిస్తున్నారు. ఈ 1,497సీసీ 1.5లీటర్​ డీజిల్​ ఇంజిన్​.. 3500 ఆర్​పీఎం వద్ద 116బీహెచ్​పీ పవర్​ను, 1750-2500 ఆర్​పీఎం వద్ద 300ఎన్​ఎం పీక్​ టార్క్​ను జనరేట్​ చేస్తుంది. ఇతర మోడల్స్​తో పోల్చుకుంటే.. ఈ మహీంద్రా థార్​ 2డబ్ల్యూడీ పవర్​ ఔట్​పుట్​ 15బీహెచ్​పీ తగ్గింది. టార్క్​ ఔట్​పుట్​ మాత్రం మారలేదు. ఇందులో 5స్పీడ్​ మేన్యువల్​ గేర్​బాక్స్​ ఉంటుంది. ఆటోమెటిక్​ వర్షెన్​ను ఇవ్వడం లేదు.

థార్​ 4డబ్ల్యూడీతో పోల్చుకుంటే.. థార్​ 2డబ్ల్యూడీ బరువు కూడా తక్కువగా ఉంటుంది. 4డబ్ల్యూడీ సిస్టెమ్​ లేకపోవడం, ఇంజిన్​ బరవు తగ్గడమే ఇందుకు కారణం. ఫలితంగా పర్ఫార్మెన్స్​ పరంగా కొత్త మహీంద్రా థార్​లో అనేక మార్పులు చోటుచేసుకునే అవకాశం ఉంది.

Mahindra Thar 2WD vs 4WD : ఎంట్రీ లెవల్​ వేరియంట్​గా ఈ మహీంద్రా థార్​ 22డబ్ల్యూడీని తీసుకొస్తున్నారు. ఇందులో ఆటో స్టార్ట్​/ స్టాప్​, లాక్​/ అన్​లాక్​ బటన్​లు ఉంటాయి. మిగిలిన ఫీచర్స్​ అన్ని సేమ్​ ఉండొచ్చు. లుక్స్​ విషయంలోనూ.. ఈ మహీంద్రా థార్​ 2డబ్ల్యూడీ.. థార్​ 4డబ్ల్యూడీని పోలి ఉండొచ్చు. 4X4 బ్యాడ్జ్​ మిస్​ అవుతుంది. ఈ వెహికిల్​ ధర, ఫీచర్స్​​తో పాటు పూర్తి వివరాలను ఆటో సంస్థ ప్రకటించాల్సి ఉంది.

మీడియా కథనాల ప్రకారం.. మహీంద్రా థార్​ 2డబ్ల్యూడీ 1.5లీటర్​ డీజిల్​, 2.0 టర్బో పెట్రోల్​ ఇంజిన్​ వేరియంట్లు 2023 జనవరి రెండో భాగంలో లాంచ్​ అయ్యే అవకాశం ఉంది. అదే సమయంలో లాంచ్​ అవుతుంది మారుతీ సుజుకీ 5 డోర్​ జిమ్నీకి ఈ మహీంద్రా థార్​ 2డీడబ్ల్యూ గట్టిపోటీనిస్తుందని మార్కెట్​లో అంచనాలు ఉన్నాయి.

ట్యాక్స్​ కట్​తో..

Mahindra Thar 2WD : మహీంద్రా థార్​ ధర తగ్గడానికి ఒక ప్రధాన కారణంగా ఉంది. ఇటీవలే ముగిసిన జీఎస్​టీ మండలి భేటీలో.. ఎస్​యూవీ నిర్వచనాన్ని మార్చింది ప్రభుత్వం. ఫలితంగా ఈ మహీంద్రా థార్​ ఎస్​యూవీ సెగ్మెంట్​ నుంచి బయటకొచ్చింది. ఈ క్రమంలోనే మహీంద్రా థార్​పై ట్యాక్స్​ తగ్గింది.