Mahindra XUV300 new variant : ఎక్స్​యూవీ300లో కొత్త వేరియంట్​.. ధర ఎంతంటే!

Mahindra XUV300 new variant : మహీంద్రా ఎక్స్​యూవీ300 ఎస్​యూవీ కొత్త వేరియంట్​ ఇండియాలో అడుగుపెట్టింది. ఇదొక ఎంట్రీ లెవల్​ మోడల్​​. దీని పేరు "డబ్ల్యూ2". దీని ఎక్స్​షోరూం ధర రూ. 7.99లక్షలు. ఇప్పటివరకు బేస్​ వేరియంట్​గా ఉన్న డబ్ల్యూ4 కన్నా దీని ధర రూ. 66,000 తక్కువగా ఉంది. అంతేకాకుండా.. డబ్ల్యూ4 లైనప్​కు పెట్రోల్​ టర్బోస్పోర్ట్​ టీఎం వేరియంట్​ను సైతం యాడ్​ చేసింది. దీని ఎక్స్​షోరూం ధర రూ. 9.29లక్షలు.

ఎంట్రీ లెవల్​ వేరియంట్​..

కొత్త ఎంట్రీ లెవల్ డబ్ల్యూ-2​ వేరియంట్​తో ఎక్స్​యూవీ300 ధర రూ. 8.65లక్షల నుంచి రూ. 7.99లక్షలకు తగ్గింది. ప్రస్తుతం ఇందులోని టాప్​ ఎండ్​ మోడల్​ ధర రూ. 14.59లక్షల వరకు ఉంది.

Mahindra XUV300 on road price Hyderabad : ఇక కొత్త వేరియంట్​ లాంచ్​తో పాటు డబ్ల్యూ4కు కొన్ని అప్డేట్స్​ చేసింది మహీంద్రా అండ్​ మహీంద్రా సంస్థ. ఇందులో ఎలక్ట్రిక్​ సన్​రూఫ్​ ఫీచర్​ను యాడ్​ చేసింది. ఇప్పటివరకు డబ్ల్యూ6 మోడల్​ నుంచే ఈ ఫీచర్​ లభించేది.

ఈ ఎస్​యూవీలో 1.2 లీటర్​ టర్బో పెట్రోల్​ ఇంజిన్​ ఉంటుంది. ఇది 108 హెచ్​పీ పవర్​ను, 200 ఎన్​ఎం టార్క్​ను జనరేట్​ చేస్తుంది. ఇక 1.2 లీటర్​ టీ-జీడీఐ టర్బో పెట్రోల్​ ఇంజిన్​.. 130 హెచ్​పీ పవర్​ను, 250 ఎన్​ఎం టార్క్​ను జనరేట్​ చేస్తుంది. 1.5 లీటర్​ డీజిల్​ ఇంజిన్​.. 115 హెచ్​పీ పవర్​ను, 300 ఎన్​ఎం టార్క్​ను జనరేట్​ చేస్తుంది.

ఇదీ చూడండి:- Mahindra XUV400 : మహీంద్రా ఎక్స్​యూవీ400లో కొత్త ఫీచర్స్​..

మహీంద్రా ఎక్స్​యూవీ300 ఉన్న సెగ్మెంట్​లో పోటీ అత్యంత తీవ్రంగా ఉంటుంది. కియా సోనెట్​, హ్యుందాయ్​ వెన్యూ, మారుతీ సుజుకీ బ్రెజా, టాటా నెక్సాన్​ వంటి బెస్ట్​ సెల్లింగ్​ మోడల్స్​తో ఎక్స్​యూవీ300 పోటీపడుతోంది. కాగా.. ఈ మోడల్​కు కస్టమర్ల నుంచి మంచి డిమాండ్​ లభిస్తోందని సంస్థ చెబుతోంది.

ఎక్స్​యూవీ500 ఏరో వస్తోందా..?

వరుస లాంచ్​లకు మహీంద్రా అండ్​ మహీంద్రా సంస్థ సిద్ధమవుతున్న నేపథ్యంలో ఎక్స్​యూవీ500 ఏరోకు సంబంధించిన ఓ వార్త బయటకొచ్చింది. ఈ ఎస్​యూవీ-కూపే మోడల్​ టెస్టింగ్​ దశలో ఉన్నట్టు తెలుస్తోంది. ఈ మోడల్​ తొలిసారి ఇండియా రోడ్లపై దర్శనమిచ్చిందని సమాచారం. ఈ నేపథ్యంలో రానున్న నెలల్లో ఈ ఎక్స్​యూవీ500 ఏరోకు సంబంధించి మరిన్ని వివరాలు అందుబాటులోకి వచ్చే అవకాశం ఉంది.

వీటితో పాటు పలు ఈవీలను సైతం లాంచ్​ చేసేందుకు దిగ్గజ ఆటోమొబైల్​ సంస్థ ప్రణాళికలు రచిస్తోంది. ఆ వివరాల కోసం ఇక్కడ క్లిక్​ చేయండి.