Mahindra EV's : మూడేళ్లు.. 5 ఈవీలు- మహీంద్రా అండ్​ మహీంద్రా క్రేజీ ప్లాన్​!

Mahindra EV's : ఇండియా ఆటోమొబైల్​ మార్కెట్​లోని ఎలక్ట్రిక్​ వాహనాల సెగ్మెంట్​పై దండయాత్ర చేసేందుకు మహీంద్రా అండ్​ మహీంద్రా సిద్ధమవుతోంది! మూడేళ్లల్లో 5 ఈవీలను లాంచ్​ చేసే విధంగా ప్రణాళికలు రచిస్తోంది ఈ సంస్థ. పూర్తి వివరాల్లోకి వెళితే..

మూడేళ్లు.. 5 మోడల్స్​..!

ఈవీ సెగ్మెంట్​పై మహీంద్రా అండ్​ మహీంద్రా ఫోకస్​ పెంచింది. ప్రస్తుతం ఆ సంస్థ నుంచి ఒక్కటే మోడల్​ (మహీంద్రా ఎక్స్​యూవీ400) మార్కెట్​లో ఉంది. ఈ నెంబర్​ను పెంచుకునే దిశగా అడుగులు వేయడం మొదలుపెట్టింది. ఇందులో భాగంగా.. రూ.10వేల కోట్లు విలువ చేసే పెట్టుబడులు పెట్టింది.

Mahindra and Mahindra EV lineup : ఇక ఇప్పుడు 2026 అక్టోబర్​ నాటికి 5 ఈవీలను ఇండియాలో లాంచ్​ చేయాలని టార్గెట్​ పెట్టుకుంది ఈ దిగ్గజ ఆటోమొబైల్​ సంస్థ. మొదటి లాంచ్​ 2024 డిసెంబర్​లో ఉంటుందని తెలుస్తోంది. ఈ ఈ-ఎస్​యూవీలన్నింటీనీ ఐఎన్​జీఎల్​ఓ ప్లాట్​ఫార్మ్​పై రూపొందిస్తోంది. ఈ ప్లాట్​ఫార్మ్​పై సింగిల్​- డ్యూయెల్​ మోటార్​, ఫ్రెంట్​ వీల్​ డ్రైవ్​, రేర్​ వీల్​ డ్రైవ్​, ఆల్​ వీల్​ డ్రైవ్​ వంటి మోడల్స్​ను తయారు చేసే వెసులుబాటు ఉండం విశేషం.

ఇదీ చూడండి:- 5 డోర్​ మహీంద్రా థార్​ లాంచ్​ డేట్​ ఫిక్స్​..!

ఇప్పటికే పలు ఈవీలకు చెందిన ఫ్యూచరిస్టిక్​ డిజైన్స్​ను ప్రదర్శించింది. అవన్నీ కస్టమర్లను ఆకర్షించే విధంగానే ఉన్నాయని చెప్పుకోవాలి. 2024 డిసెంబర్​లో ఎక్స్​యూవీ.ఈ8 లాంచ్​ అవుతుందని తెలుస్తోంది. 2025 ఏప్రిల్​లో ఎక్స్​యూవీ.ఈ9 వస్తుంది, ఆ తర్వాత అక్టోబర్​ నాటికి బీఈ.05 రాల్​-ఈ కూడా మార్కెట్​లో అడుగుపెడుతుందని సమాచారం. ఇక 2026 అక్టోబర్​ నాటికి బీఈ.07 మోడల్​ కూడా రిలీజ్​ అవుతుంది!

మహీంద్రా ఎక్స్​యూవీ700 ఆధారంగా ఎక్స్​యూవీ.ఈ8ను రూపొందిస్తోంది ఆటోమొబైల్​ సంస్థ. ఇందులో 80కేడబ్ల్యూహెచ్​ బ్యాటరీ ఉండొచ్చు.

మహీంద్రా థార్​ కూడా..!

Mahindra Thar EV latest news : మహీంద్రా అండ్​ మహీంద్రా ఈవీ లైనప్​లో థార్​ కూడా ఉంది! ఈ విషయాన్ని ఇటీవలే ప్రకటించింది సంస్థ. మహీంద్రా థార్​ ఈవీకి సంబంధించిన కాన్సెప్ట్​ను ఈ నెల 15న ఆవిష్కరించనున్నట్టు తెలుస్తోంది.

Mahindra Thar EV concept : ఆటోమొబైల్​ మార్కెట్​లో మహీంద్రా థార్​కు ప్రత్యేక ఫాన్​ బ్యేస్​ ఉంటుంది. ఏ వేరియంట్​​ లాంచ్​ చేసినా, ఈ ఆఫ్​రోడ్​ ఎస్​యూవీకి మంచి డిమాండ్​ కనిపిస్తుంది. ఇక ఇప్పుడు థార్​ ఈవీ వస్తోందంటే కస్టమర్లలు చాలా ఎగ్జైట్​ అవుతున్నారు. దీనికి 'థార్​.ఈ'అని పేరు పెట్టింది సంస్థ. పూర్తి వివరాల కోసం ఇక్కడ క్లిక్​ చేయండి.