Mahindra XUV e9 : ఈ ఎలక్ట్రిక్​ ఎస్​యూవీలో 3 భారీ టచ్​స్క్రీన్​లు! సూపర్​ స్టైలిష్​గా..

ఇండియా ఆటోమొబైల్​ మార్కెట్​లోని ఎలక్ట్రిక్​ వాహనాల సెగ్మెంట్​లోకి వరుస లాంచ్​లకు మహీంద్రా అండ్​ మహీంద్రా ఏర్పాట్లు చేసుకుంటోంది. వీటిల్లో ఎక్స్​యూవీ ఈ9 ఎలక్ట్రిక్​ ఎస్​యూవీపై ప్రజల్లో మంచి ఆసక్తి ఉంది. ఇప్పుడు ఆ ఆసక్తిని రెట్టింపు చేసే విధంగా ఒక వార్త బయటకు వచ్చింది! ఈ మహీంద్రా ఎక్స్​యూవీ ఈ9 ఎలక్ట్రిక్ వెహికిల్​ డ్యాష్​బోర్డ్​పై 3 భారీ డిస్​ప్లే స్క్రీన్​లు ఉండొచ్చు! ఈ ఎలక్ట్రిక్ కూపే ఎస్​యూవీ తాజా స్పై షాట్ టెస్ట్ మ్యూల్ లోపల మూడు భార టచ్​స్క్రీన్​ యూనిట్లు కనిపించాయ. స్పై షాట్ మహీంద్రా నుంచి రాబోయే ఎలక్ట్రిక్ వాహనానికి సంబంధించిన ఇతర కీలక ఇంటీరియర్ వివరాలను కూడా వెల్లడించింది. వచ్చే ఏడాది ఏప్రిల్​లో లాంచ్ కానున్న ఈ మహీంద్రా ఎక్స్​యూవీ ఈ9 ఎలక్ట్రిక్ ఎస్​యూవీని గత కొన్ని నెలలుగా విస్తృతంగా రోడ్ టెస్ట్ చేస్తోంది.

మహీంద్రా ఎక్స్​యూవీ ఈ9 కార్ల తయారీదారు నుంచి పూర్తి ఎలక్ట్రిక్ ఇంజిన్​తో వస్తున్న మొదటి కూపే ఎస్​యూవీ. అంతకుముందు, టాటా మోటార్స్ కర్వ్ ఈవీని విడుదల చేసింది. ఇది మాస్ మార్కెట్ సెగ్మెంట్​లో భారతదేశపు మొట్టమొదటి ఎలక్ట్రిక్ కూపే ఎస్​యూవీ. ఎక్స్​యూవీ ఈ9 లాంచ్ అయినప్పుడు కర్వ్ ఈవీతో పాటు టాటా హారియర్ ఈవీ, హ్యుందాయ్ క్రెటా ఈవీ వంటి ఎలక్ట్రిక్ కార్లకు గట్టి పోటీ ఇవ్వనుంది.

మహీంద్రా ఎక్స్​యూవీ ఈ9: కీలక ఫీచర్లు..

బెంగళూరులో ఇటీవలే కనిపించిన మహీంద్రా ఎక్స్​యూవీ ఈ9 లేటెస్ట్ స్పై షాట్​లో మోడల్ డిజైన్ ఎలిమెంట్స్ వెలుగులోకి వచ్చాయి. మునుపటి టెస్ట్ యూనిట్లలో కూడా కనిపించిన వర్టికల్​ ఎల్​ఈడీ హెడ్​లైట్, డీఆర్ఎల్ డిజైన్​ని టెస్ట్ మ్యూల్ ధృవీకరిస్తుంది. కర్వ్ డిజైన్ ఫీచర్ దాని స్లోయింగ్ రూఫ్​లైన్, దాని సీ-పిల్లర్ బూట్ క్లోజింగ్​ని ప్రతిబింబిస్తుంది.

ఈ ఎస్​యూవీ లోపల మూడు స్క్రీన్ల సెటప్ అతిపెద్ద ఆవిష్కరణ! ఎక్స్​యూవీ ఈ9 టెస్ట్ మ్యూల్ ముందు భాగంలో ప్యాసింజర్ కోసం ప్రత్యేక స్క్రీన్​ను కలిగి ఉంది. ఇది లగ్జరీ కార్ సెగ్మెంట్​లో మాత్రమే కనిపించే ఫీచర్! ఇన్ఫోటైన్మెంట్ యూనిట్, పరిమాణంలో దాదాపు సమానంగా ఉంటుంది. ఇది చాలా ఫీచర్ కంట్రోల్స్​ని కలిగి ఉంటుందని అంచనాలు ఉన్నాయి. స్టీరింగ్ వీల్ వెనుక ఉన్న డ్రైవర్ డిస్​ప్లే కూడా మహీంద్రా కార్ల లోపల కనిపించే వాటి కంటే పెద్దదిగా కనిపిస్తుంది. ఇప్పటికే ఎక్స్​యూవీ700 వంటి ఫ్లాగ్​షిప్ మోడళ్లలో కనిపించే అడ్రినోఎక్స్ కనెక్ట్ టెక్నాలజీని ఉపయోగించాలని కంపెనీ భావిస్తోంది.

స్పై షాట్ వాతావరణ నియంత్రణ, ఇతర విధుల కోసం ప్రత్యేక కన్సోల్​ని కూడా వెల్లడిస్తుంది. చిత్రాలలో కనిపించే విధంగా యూనిట్ ఫిజికల్ బటన్లతో వస్తుంది. ఏసీ వెంట్​ల కింద యూనిట్​పై రెండు రోటరీ నాబ్ లను అమర్చారు. డ్రైవ్ మోడ్లు, వైర్లెస్ ఫోన్ ఛార్జర్ వంటి ఇతర ఫీచర్లను ఎంచుకునే రోటరీ నాబ్​ని కూడా ఈ సెంటర్ కన్సోల్ కలిగి ఉంటుంది.

మహీంద్రా ఎక్స్​యూవీ ఈ9: బ్యాటరీ..

మహీంద్రా ఎక్స్​యూవీ ఈ9 ఎలక్ట్రిక్ ఎస్​యూవీ తన.. ప్రత్యేకంగా అభివృద్ధి చేసిన కొత్త ఐఎన్​జీఎల్​ఓ ప్లాట్​ఫామ్​పై ఆధారపడి ఉంటుంది. దీనిని ఎలక్ట్రిక్​ వాహనాల కోసం ప్రత్యేకంగా రూపొందించింది మహీంద్రా అండ్​ మహీంద్రా. ఈ ప్లాట్​ఫామ్​ ఫ్లాట్ బ్యాటరీ ప్యాక్​ని అందిస్తుంది. 60 కిలోవాట్ల నుంచి 80 కిలోవాట్ల మధ్య పరిమాణం కలిగిన బ్యాటరీలకు మద్దతు ఇస్తుంది. ఎక్స్​యూవీ ఈ9లో 175 కిలోవాట్ల వరకు ఫాస్ట్ ఛార్జింగ్ సామర్థ్యం ఉన్న పెద్ద బ్యాటరీ ఉండనుంది. ఒక్కసారి ఛార్జ్ చేస్తే దీని పరిధి 500 కిలోమీటర్లు ఉంటుందని అంచనా.