Telugu News  /  Business  /  List Of 5 Cars Expected To Launch In November In India
నవంబర్​లో లాంచ్​ అయ్యే కార్స్​ ఇవే..!
నవంబర్​లో లాంచ్​ అయ్యే కార్స్​ ఇవే..!

November car launches : నవంబర్​లో కార్స్​ లాంచ్​ లిస్ట్​.. మామూలుగా లేదుగా!

22 October 2022, 10:37 ISTSharath Chitturi
22 October 2022, 10:37 IST

November car launches in India : నవంబర్​లో పలు ఆటో సంస్థలు.. కొత్త కార్లు, కొత్త వేరియంట్లతో ముందుకు రానున్నాయి. వాటి వివరాలను ఓసారి చూద్దాం..

November car launches in India : పండుగ సీజన్​లో ఆటో సంస్థలకు అదిరిపోయే గిరాకీ లభించిందని వార్తలు వస్తున్నాయి. ఆఫర్లు, డిస్కౌంట్లతో కస్టమర్లను వివిధ ఆటో సంస్థలు ఆకట్టుకున్నట్టు మార్కెట్​లో అంచనాలు ఉన్నాయి. ఇక ఇంకొన్ని రోజుల్లో దేశంలో పండుగ సీజన్​ ముగుస్తుంది. కానీ ఆటో సంస్థలు మాత్రం 'తగ్గేదే లే!' అన్న రీతిలో ఉన్నాయి. ఇయర్​ ఎండింగ్​ వరకు కొత్త కార్లు, సరికొత్త వేరియంట్లతో కస్టమర్ల ముందుకు వచ్చేందుకు ప్రణాళికలు రచించాయి. ఇందులో భాగంగా.. వచ్చే నెలలో దేశంలో విడుదలయ్యే కొత్త కార్లను ఓసారి పరిశీలిద్దాం..

ట్రెండింగ్ వార్తలు

ఎంజీ హెక్టార్​ 2022

MG Hector 2022 : న్యూ జనరేషన్​ హెక్టార్​ ఎస్​యూవీని నవంబర్​లో లాంచ్​ చేస్తున్నట్టు ఎంజీ మోటార్​ ఇప్పటికే ప్రకటించేసింది. కొత్త వాహనానికి సంబంధించిన అనేక ఫీచర్లను సైతం టీజర్ల రూపంలో బయటకు తీసుకొచ్చింది. నవంబర్​ మధ్యలో కొత్త కార్​ లాంచ్​ అయ్యే సూచనలు కనిపిస్తున్నాయి. అతిపెద్ద ఇన్​ఫోటైన్​మెంట్​ స్క్రీన్​ ఈ కారులో ఉండనుంది. 14ఇంచ్​ టచ్​ స్క్రీన్​ ఇందులో ఉంటుంది. ఎంజీ నెక్స్ట్​ జనరేషన్​ ఐస్మార్ట్​ టెక్నాలజీ, ఆండ్రాయిడ్​ ఆటో, యాపిల్​ కార్​ప్లే వంటి ఫీచర్స్​ ఇందులో ఉండనున్నట్టు తెలుస్తోంది.

జీప్​ గ్రాండ్​ చెరోకీ..

Jeep Grand Cherokee : ఫిప్త్​ జనరేషన్​ జీప్​ గ్రాండ్​ చెరోకి.. ఇండియా మార్కెట్​లో వచ్చే నెలలో రానుంది! ఇందుకు సంబంధించిన టీజర్​ను ఇప్పటికే విడుదల చేసింది జీప్​ ఇండియా. అంతర్జాతీయంగా గ్రాండ్​ చెరోకీలో 5.7లీటర్​ వీఇంజిన్​ ఉంటుంది. జీప్​ గ్రాండ్​ చెరోకీకి సంబంధించిన పూర్తి వివరాల కోసం ఇక్కడ క్లిక్​ చేయండి.

బీవైడీ అట్టో 3..

BYD Atto 3 : చైనాకు చెందిన ఈవీ కార్​ మేకర్​ బీవైడీ ఇండియా మార్కెట్​లోకి ప్రవేశిస్తున్నట్టు కొంతకాలం క్రితం ప్రకటించింది. ఇందులో భాగంగా తొలి ఎలక్ట్రిక్​ ఎస్​యూవీ అట్టో 3ని లాంచ్​ చేయనుంది. ఇందుకు సంబంధించిన బుకింగ్స్​ ఇప్పటికే మొదలైపోయాయి. వచ్చే ఏడాది తొలినాళ్లల్లో డెలివరీ షురూ అవుతుంది. నవంబర్​ చివర్లో.. ఈ వాహనానికి సంబంధించిన పూర్తి వివరాలను అధికారికంగా ప్రకటిస్తుంది బీవైడీ. లెవల్​ 2 ఏడీఏఎస్​ ఫీచర్స్​ ఫీచర్​ ఈ కారులో ఉంది. సేఫ్టీ విషయంలో యూరో ఎన్​సీఏపీ క్రాష్​ టెస్ట్​లో.. వాహనానికి 5స్టార్​ రేటింగ్​ లభించింది. ఒక్కసారి ఛార్జ్​ చేస్తే ఈ ఎస్​యూవీ 400కి.మీల దూరం ప్రయాణిస్తుందని సంస్థ చెప్పింది.

టయోటా ఇన్నోవా హైక్రాస్​..

Toyota Innova HyCross : ఇన్నోవా హైక్రాస్​ను ఇండియాలో లాంచ్​ చేసేందుకు టయోటా సన్నద్ధమవుతోంది. నివేదికల ప్రకారం.. ఈ కారు వచ్చే నెలలో లాంచ్​ అవుతుంది. ఇండియా రోడ్లు మీద ఈ కారు టెస్టింగ్​ ఇటీవలే ముగిసింది.

మారుతీ సుజుకీ బలెనో సీఎన్​జీ..

Maruti Suzuki Baleno CNG : న్యూ జనరేషన్​ బలెనోను ఈ ఏడాదిలో లాంచ్​ చేసింది మారుతీ సుజుకీ. ఇక ఇప్పుడు దాని సీఎన్​జీ వర్షెన్​ని లాంచ్​ చేసేందుకు చూస్తోంది. అయితే దీనిపై మారుతీ సుజుకీ ఇంకా ఎలాంటి అధికారిక ప్రకటన చేయలేదు. కానీ మార్కెట్​లో మాత్రం.. వచ్చే నెలలో ఇది లాంచ్​ అవుతుందని అంచనాలు ఉన్నాయి. మారుతీ సుజుకీకి ఇప్పటికే.. వాగన్​ఆర్​, సెలెరోలో సీఎన్​జీ వర్షెన్​లు ఉన్నాయి. లాంచ్​ అయ్యాక.. మారుతీ సుజుకీ బలెనో సీఎన్​జీ.. టాటా టియాగో సీఎన్​జీకి గట్టి పోటీనిస్తుందని అంచనాలు ఉన్నాయి.