Jeep Grand Cherokee : జీప్​ గ్రాండ్​ చెరోకీ.. ఇండియాలో లాంచ్​కి సిద్ధం

Jeep Grand Cherokee India launch : జీప్​ గ్రాండ్​ చెరోకీ ఎస్​యూవీ.. ఇండియాలో లాంచ్ కానుంది. ఈ విషయాన్ని జీప్​ ఇండియా సోమవారం ప్రకటించింది. ఈ మేరకు ఫిఫ్త్​ జనరేషన్​ గ్రాండ్​ చెరోకీ ఎస్​యూవీకి సంబంధించిన టీజర్​ను విడుదల చేసింది. వచ్చే నెలలో ఇది ఇండియాలో లాంచ్​ అవుతుందని తెలుస్తోంది. జీప్​ ఇండియా లైనప్​లో గ్రాండ్​ చెరోకీ.. నాలుగో ఎస్​యూవీ.​

‘ది బెస్ట్​ ఎస్​యూవీ’

కంపాస్​, వ్రాంగ్​లర్​, మెరీడియన్​ పేర్లతో జీప్​ ఇండియాకు చెందిన మూడు ఎస్​యూవీలు దేశంలో ఉన్నాయి. మెరీడియన్​ని ఇటీవలే లాంచ్​ చేశారు. ఈ మూడు.. టయోటా ఫార్చునర్​కి తీవ్ర పోటీనిస్తున్నాయి.

Jeep Grand Cherokee : అయితే.. వీటన్నింటిలోకి.. జీప్​ గ్రాండ్​ చెరోకీ అత్యంత ప్రత్యేకంగా ఉంటుందని అంచనాలు ఉన్నాయి. ఈ గ్రాండ్​ చెరోకీని.. అంతర్జాతీయ మార్కెట్​లో తొలిసారిగా 1992లో లాంచ్​ చేశారు. అనేక ఏళ్ల పాటు.. బెస్ట్​ ఎస్​యూవీగా ఇది గుర్తింపు తెచ్చుకుంది. ఇక ఇందులోని లేటెస్ట్​ ఎడిషన్​.. గతేడాది మార్కెట్​లోకి వచ్చింది. అంతర్జాతీయ మార్కెట్​లో ఇది హైబ్రీడ్​ ఆప్షన్​లో కూడా లభిస్తోంది. మరి ఇండియాలో హైబ్రీడ్​ వర్షెన్​ లాంచ్​ అవుతుందా? లేదా? అన్నది వేచిచూడాలి.

అంతర్జాతీయ మార్కెట్​లో.. జీప్ గ్రాండ్ చెరోకీలో 5.7లీటర్​ వీ8 ఇంజిన్​ ఉంది. ఇది 357 బీహెచ్​పీతో 528 ఎన్​ఎం టార్క్​ను జనరేట్​ చేయగలదు. 2.0 లీటర్​ టర్బోఛార్జ్​ పెట్రోల్​ మోటార్​ ఆప్షన్​ కూడా ఇందులో ఉంది. ఇది 375 బీహెచ్​పీతో 637 ఎన్​ఎం టార్క్​ను జనరేట్​ చేయగలదు. అంతేకాకుండా 3.6లీటర్​ వీ6 పెట్రోల్​ మోటార్​లో 294హెచ్​పీతో 348ఎన్​ఎం టార్క్​ జనరేట్​ ఉత్పత్తి చేస్తుంది.

జీప్​ గ్రాండ్​ చెరోకీ ఫీచర్స్​..

Jeep India : జీప్​ గ్రాండ్​ చెరోకీ కొత్త వర్షెన్​.. పాత వాటితో పోలి ఉంటుంది. కానీ ఇందులో అపియరెన్స్​ చాలా మెరుగ్గా ఉంటుంది. ఫ్రంట్​ గ్రిల్​ని అప్డేట్​ చేశారు. ఎల్​ఈడీ హెడ్​ లైట్​ యూనిట్స్​ మరింత ఆకర్షణీయంగా తీర్చిదిద్దారు.

ఇక జీప్ గ్రాండ్ చెరోకీ లోపలి భాగం మరింత లేటెస్ట్​గా ఉంది. టూ రో వర్షెన్​ కన్నా త్రీ రో వర్షెన్​ పెద్దగా కనిపిస్తుంది. 10.25ఇంచ్​ స్క్రీన్​, యాపిల్​కార్​ ప్లే, ఆండ్రాయిడ్​ ఆటో వంటి ఫీచర్స్​ ఇందులో ఉన్నాయి. వెనకాల కూర్చునే వారి కోసం ప్రత్యేకంగా స్క్రీన్​లు పెట్టారు. స్ట్రీమింగ్​ సైట్స్​ కూడా ప్లే అయ్యే విధంగా.. ఈ కారులో 4జీ ఇన్​బిల్ట్​గా వస్తుంది. 19స్పీకర్​ సౌండ్​ సిస్టెమ్​ కూడా ఇందులో ఉండటం విశేషం.

ఇండియాలో జీప్ గ్రాండ్ చెరోకీ ధరకు సంబంధించిన వివరాలను సంస్థ ఇంకా వెల్లడించలేదు.