Indian Car Of The Year 2023 : కియా కారెన్స్​కు.. 'ఇండియన్​ కార్​ ఆఫ్​ ది ఇయర్​' అవార్డు!-kia carens gets prestigious indian car of the year 2023 award see full details here ,బిజినెస్ న్యూస్
తెలుగు న్యూస్  /  బిజినెస్  /  Indian Car Of The Year 2023 : కియా కారెన్స్​కు.. 'ఇండియన్​ కార్​ ఆఫ్​ ది ఇయర్​' అవార్డు!

Indian Car Of The Year 2023 : కియా కారెన్స్​కు.. 'ఇండియన్​ కార్​ ఆఫ్​ ది ఇయర్​' అవార్డు!

Chitturi Eswara Karthikeya Sharath HT Telugu
Jan 13, 2023 11:12 AM IST

Indian Car Of The Year 2023 : కియా కారెన్స్​కు ప్రతిష్ఠాత్మక ఇండియన్​ కార్​ ఆఫ్​ ది ఇయర్​ 2023 అవార్డు దక్కింది. కియా ఈవీ6ని గ్రీన్​ కార్​ ఆఫ్​ ది ఇయర్​ 2023 అవార్డు వరించింది.

కియా కారెన్స్​
కియా కారెన్స్​

Kia Carens Indian Car Of The Year 2023 : కియా మోటార్స్​.. ఇండియా మార్కెట్​లోనే కాకుండా అవార్డుల విషయంలోనూ దూసుకెళుతోంది! ఏడాది కాలంగా భారత విపణిలో అత్యధిక సేల్స్​ సాధిస్తున్న కియా మోటార్స్​.. ఇప్పుడు ఓ ప్రతిష్ఠాత్మక అవార్డును తన సొంతం చేసుకుంది. కియా కారెన్స్​కు ప్రతిష్ఠాత్మక “ఇడియన్​ కార్​ ఆఫ్​ ది ఇయర్​ 2023” అవార్డు దక్కింది.

దమ్మురేపిన కియా కారెన్స్​..!

ఓ ఎంపీవీకి ఈ అవార్డు దక్కడం ఇదే తొలిసారి! కియా నుంచి మూడో మోడల్​గా ఇండియాకు వచ్చిన ఈ కియా కారెన్స్​.. అటు కస్టమర్ల నుంచి, ఇటు పరిశ్రమ నుంచి ఇంతటి ఆధరణ లభిస్తుండటం.. ఈ కొరియన్​ ఆటో సంస్థకు మరింత జోష్​ను ఇచ్చే విషయం.

Indian Car Of The Year 2023 : మహీంద్రా స్కార్పియో ఎన్​, మారుతీ గ్రాండ్​ విటారా, స్కోడా స్లావియా వంటి వెహికిల్స్​ నుంచి తీవ్ర పోటీ ఎదురైనప్పటికీ.. ఈ ఇండియన్​ కార్​ ఆఫ్​ ది ఇయర్​ 2023 అవార్డును కియా కారెన్స్​ దక్కించుకోగలిగింది.

2022లో కియా కారెన్స్​ ఇండియా మార్కెట్​లో లాంచ్​ అయ్యింది. విశాలవంతంగా, లుక్స్​ పరంగా మంచి అనుభూతిని కల్గించే వాహనాన్ని కొనుగోలు చేయాలని చూస్తున్న వారందరికి ఈ కియా కారెన్స్​ మంచి ఆప్షన్​గా కనిపిస్తోంది. అందుకే డిమాండ్​ కూడా రోజురోజుకు పెరుగుతోంది.

Kia Carens on road price in India : కియా కారెన్స్​లో డీజిల్​, పెట్రోల్​ వేరియంట్స్​ ఉన్నాయి. మేన్యువల్​, ఆటోమెటిక్​ ట్రాన్స్​మిషన్​ ఆప్షన్స్​ కూడా ఉన్నాయి. మార్కెట్​ల కియా కారెన్స్​ ఎక్స్​షోరూం ధర రూ. 10.20- రూ. 18.45లక్షల మధ్యలో ఉంది.

ప్రిమీయం కార్​ ఆఫ్​ ది ఇయర్​ 2023..

ఇండియన్​ కార్​ ఆఫ్​ ది ఇయర్​తో పాటు ప్రీమియం కార్​ ఆఫ్​ ది ఇయర్​, గ్రీన్​ కార్​ ఆఫ్​ ది ఇయర్​ను కూడా ప్రకటించారు. ప్రీమియం కార్​ ఆఫ్​ ది ఇయర్​ 2023 అవార్డు.. మెర్సిడెస్​ ఈక్యూఎస్​ 580కి దక్కింది. దీని ఎక్స్​షోరూం ధర రూ. 1.55కోట్లు. ఈ ఈవీని ఒక్కసారి ఛార్జ్​ చేస్తే.. 850కి.మీల దూరం ప్రయాణిస్తుంది. న్యూ రేంజ్​ రోవర్​, బీఎండబ్ల్యూ ఐ4, ఫెరారీ 286 జీటీబీని ఓడించి.. ఈ ఆవార్డును దక్కించుకుంది ఈ లగ్జరీ వెహికిల్​.

Green car of the year 2023 : ఇక గ్రీన్​ కార్​ ఆఫ్​ ది ఇయర్​ 2023 అవార్డును కియా ఈవీ6 దక్కించుకుంది. దీని ఎక్స్​షోరూం ధర రూ. 60.95లక్షల నుంచి ప్రారంభమవుతుంది. ఒక్కసారి ఛార్జ్​ చేస్తే ఈ కియా ఈవీ6.. 500కి.మీల దూరం ప్రయాణిస్తుంది. హోండా సిటీ హైబ్రీడ్​, వోల్వో ఎక్స్​సీ40 రీఛార్జ్​, బీఎండబ్ల్యూ ఐఎక్స్​ వంటి లగ్జరీ వాహనాలను ఓడించి.. ఈ ఆవార్డును దక్కించుకుంది కియా ఈవీ.

Kia EV6 on road price in Hyderabad : ఈ అవార్డులను 18మంది ప్రముఖ ఆటోమోటివ్​ జర్నలిస్ట్​లు నిర్ణయిస్తారు. అత్యధిక ఓట్లు పడిన వాహనాలకు అవార్డులు దక్కుతాయి.

WhatsApp channel