JioFinance app: జియోఫైనాన్స్ యాప్ లాంచ్; ఇందులో ఈ లోన్ ఫీచర్స్ చాలా యూజ్ ఫుల్

JioFinance app: రిలయన్స్ కు చెందిన జియో ఫైనాన్షియల్ సర్వీసెస్ లిమిటెడ్ తన కొత్త జియో ఫైనాన్స్ యాప్ ను ఆండ్రాయిడ్, ఐఓఎస్ వినియోగదారుల కోసం శుక్రవారం, అక్టోబర్ 11, 2024 న విడుదల చేసింది. మే 30, 2024 న బీటా వెర్షన్ లాంచ్ అయిన తరువాత, ఆరు మిలియన్లకు పైగా వినియోగదారులు దీనిని ఉపయోగించారు. వారి ఫీడ్ బ్యాక్ పంపారు.

జియోఫైనాన్స్ యాప్ లోని కొత్త సర్వీసులు

బీటా వర్షన్ లాంచ్ చేసినప్పటి నుండి జియో ఫైనాన్స్ యాప్ లో ఇప్పుడు అందుబాటులో ఉన్న కొత్త ఉత్పత్తులు, సేవలలో మ్యూచువల్ ఫండ్స్ పై రుణం, గృహ రుణాలు (బ్యాలెన్స్ బదిలీతో సహా), ప్రాపర్టీపై రుణం మొదలైనవి ఉన్నాయి. బయోమెట్రిక్ అథెంటికేషన్ తో పాటు ఫిజికల్ డెబిట్ కార్డుతో డిజిటల్ సేవింగ్స్ ఖాతా తెరిచే అవకాశం కూడా ఉంది. కేవలం ఐదు నిమిషాల్లోనే ఖాతాను డిజిటల్ గా తెరవవచ్చని కంపెనీ పేర్కొంది.

మొబైల్ రీచార్జ్ లు, క్రెడిట్ కార్డు బిల్లులు

యూపీఐ (UPI) పేమెంట్స్, మొబైల్ రీఛార్జ్ (mobile recharge), క్రెడిట్ కార్డ్ బిల్లులు చెల్లించే సామర్థ్యం వంటి ఇతర ఫీచర్లు కూడా ఇందులో ఉన్నాయి. వివిధ బ్యాంకు ఖాతాలు, మ్యూచువల్ ఫండ్ హోల్డింగ్స్ ద్వారా కస్టమర్లు తమ హోల్డింగ్స్ మొత్తం వీక్షించడానికి ఈ యాప్ వీలు కల్పిస్తుంది. లైఫ్, హెల్త్, టూ వీలర్, మోటార్ ఇన్సూరెన్స్ (insurance) సహా 24 ఇన్సూరెన్స్ ప్లాన్లను డిజిటల్ రూపంలో అందిస్తోంది. మరిన్ని పెట్టుబడి ఉత్పత్తులను తీసుకురావడానికి జాయింట్ వెంచర్ భాగస్వామి బ్లాక్ రాక్ తో కలిసి పనిచేస్తున్నట్లు కంపెనీ తెలిపింది. గూగుల్ (GOOGLE) ప్లే స్టోర్, యాపిల్ యాప్ స్టోర్, మైజియోలో ఈ యాప్ అందుబాటులో ఉంది.