Hyundai Aura Hy CNG: అందుబాటు ధరలో స్పేషియస్ హ్యుందాయ్ హైబ్రిడ్ సీఎన్జీ కారు

హ్యుందాయ్ మోటార్ ఇండియా లిమిటెడ్ ఆరా సిఎన్‌జి హై-సిఎన్‌జిని రూ. 7.49 లక్షల ఎక్స్-షోరూమ్ ధర వద్ద విడుదల చేసింది. హ్యుందాయ్ ఆరా హై-సిఎన్‌జిని కేవలం బేస్ 'ఇ' వేరియంట్‌లో మాత్రమే విక్రయిస్తుంది. ఎక్స్‌టర్, గ్రాండ్ ఐ10 నియోస్‌లు డ్యూయల్ సిలిండర్ టెక్నాలజీని పొందినప్పటికీ, ఆరా హై-సీఎన్‌జీ కి అవి లేవు. ఇప్పటి వరకు, 2 లక్షల హ్యుందాయ్ ఆరా యూనిట్లు భారతీయ మార్కెట్లో అమ్ముడయ్యాయి.

హ్యుందాయ్ ఆరా CNG E: ఫీచర్లు

CNGతో కూడిన హ్యుందాయ్ ఆరాలో ఫ్రంట్ పవర్ విండోస్, డ్రైవర్ సీట్ ఎత్తు సర్దుబాటు, అడ్జస్టబుల్ రియర్ సీట్ హెడ్‌రెస్ట్‌లు, మల్టీ-ఇన్ఫర్మేషన్ డిస్‌ప్లేతో కూడిన 8.89 సెం.మీ (3.5”) స్పీడోమీటర్ ఉంటాయి. సెడాన్ Z- ఆకారపు LED టెయిల్‌ల్యాంప్‌లను కూడా కలిగి ఉంది.

హ్యుందాయ్ ఆరా CNG E: భద్రతా లక్షణాలు

హ్యుందాయ్ ఆరాలో 6 ఎయిర్‌బ్యాగ్‌లు, 3-పాయింట్ సీట్ బెల్ట్‌లు (అన్ని సీట్లు), సీట్‌ బెల్ట్ రిమైండర్‌లు (అన్ని సీట్లు), EBDతో కూడిన ABS, ఇమ్మొబిలైజర్, ఎమర్జెన్సీ స్టాప్ సిగ్నల్, స్పీడ్ అలర్ట్ సిస్టమ్ మరియు వెనుక పార్కింగ్ సెన్సార్‌లతో వస్తుంది.

హ్యుందాయ్ ఆరా CNG E: స్పెక్స్

హ్యుందాయ్ (hyundai) ఆరా హై సీఎన్జీ ఈ ట్రిమ్ (Aura Hy-CNG E) 1.2L బై ఫ్యుయెల్ పెట్రోల్‌తో 5-స్పీడ్ మాన్యువల్ ట్రాన్స్‌మిషన్‌తో జత చేయబడిన CNG ఇంజన్‌తో 6000 ఆర్పీఎం వద్ద 69 బీహెచ్పీ గరిష్ట శక్తిని, 4,000 ఆర్పీఎం వద్ద 95.2 ఎన్ఎం టార్క్‌ను అందిస్తుంది. పెట్రోల్‌పై నడుస్తున్నప్పుడు, గణాంకాలు 82 బీహెచ్పీ, 113 ఎన్ఎం వరకు పెరుగుతాయి. కస్టమర్ల అవసరాలకు అనుగుణంగా ఉత్పత్తులను ఆవిష్కరించడానికి నిరంతరం కృషి చేస్తున్నామని, హ్యుందాయ్ ఆరా హై- సీఎన్జీ ఈ ట్రిమ్ అనేది స్టైల్, సేఫ్టీ ,పెర్ఫార్మెన్స్‌లో రాజీ పడకుండా రూపొందించామని హ్యుందాయ్ మోటార్ ఇండియా లిమిటెడ్ హోల్ టైమ్ డైరెక్టర్ & చీఫ్ ఆపరేటింగ్ ఆఫీసర్ తరుణ్ గార్గ్ తెలిపారు.