Honda new bike : హోండా నుంచి సరికొత్త బైక్​.. లాంచ్​ ఎప్పుడంటే..!

Honda new bike : సరికొత్త బైక్​ను ఇండియాలో లాంచ్​ చేసేందుకు ఏర్పాట్లు చేసుకుంటోంది దిగ్గజ ఆటోమొబైల్​ సంస్థ హోండా మోటార్​సైకిల్​ అండ్​ స్కూటర్​ ఇండియా (హెచ్​ఎంఎస్​ఐ). వచ్చే నెలలోనే ఈ లాంచ్​ ఈవెంట్​ ఉండనుంది. ఈ మోడల్​పై ప్రస్తుతం పెద్దగా సమాచారం లేదు. అయితే.. ఇది 160సీసీ- 180సీసీ సెగ్మెంట్​ మధ్యలో ఉంటుందని ఊహాగానాలు సాగుతున్నాయి. 'ప్లే ఇట్​ బోల్డ్​' అన్న క్యాప్షన్​తో.. లాంచ్​ ఈవెంట్​కు మీడియాకు ఆహ్వానం పంపించింది హోండా సంస్థ.

కొత్త బైక్​ ఎలా ఉంటుంది..?

ప్రస్తుతం హోండా 160-180 సీసీ సెగ్మెంట్​లో యూనికార్న్​ 160, హార్నెట్​ 2.0 మోడల్స్​ ఉన్నాయి. కొత్తది కూడా ఇందులోనే యాడ్​ అయ్యే అవకాశం ఉంది. యూనికార్న్​ 160 బైక్​ హోండాకు బెస్ట్​ సెల్లింగ్​ మోడల్​గా ఉంది. కానీ హార్నెట్​ 2.0 పెద్దగా క్లిక్​ అవ్వలేదు.

ఇక ప్రీమియం సెగ్మెంట్​ బైక్స్​లో బజాజ్​, హీరో, టీవీఎస్​ మోడల్స్​ దూసుకెళుతున్నాయి. రానున్న రోజుల్లో లాంచ్​ అయ్యే హోండా బైక్​.. వీటికి గట్టిపోటీనిచ్చే విధంగా ఉంటుందా? లేదా? అన్నది చూడాలి.

Honda new bike launch : ఇండియా మార్కెట్​పై హోండా సంస్థ గట్టిగానే ఫోకస్​ చేసినట్టు కనిపిస్తోంది. ఈ ఏడాదిలో ఇప్పటికే షైన్​ 100, డియో 125, యాక్టివ్​, యాక్టివ్​ 125, గ్రేషియా 125 వంటి మోడల్స్​కు అప్డేటెడ్​ వర్షెన్​లను విడుదల చేసింది. ఈ మిగిలిన నెలల్లో ప్రీమియం సెగ్మెంట్​లో మోడల్స్​ను లాంచ్​ చేసే సూచనలు కనిపిస్తున్నాయి. ఫలితంగా కస్టమర్లలో హోండాపై ఆసక్తి పెరిగింది. ఈ నేపథ్యంలో హోండా కొత్త బైక్​కు సంబంధించిన వివరాలు.. లాంచ్​ టైమ్​ దగ్గరపడే కొద్ది తెలిసే అవకాశం ఉంది.

ఎలక్ట్రిక్​ స్కూటర్లు కూడా..!

Honda electric scooter : ఇండియా 2 వీలర్​ సెగ్మెంట్​లో మార్కెట్​ షేరును పెంచుకునేందుకు విపరీతంగా కృషిచేస్తోంది హోండా. సీబీఆర్​250ఆర్​ఆర్​, సీఎల్​300లకు ఇటీవలే పేటెంట్​ పొందిన ఈ ఆటోమొబైల్​ కంపెనీ.. ఇప్పుడు ఎలక్ట్రిక్​ స్కూటర్లపైనా ఫోకస్​ పెంచింది. ఈ క్రమంలోనే కొత్తగా రెండు స్కూటర్లకు పేటెంట్​లు ఫైల్​ చేసింది.

హోండా ఇటీవలే పేటెంట్​ పొందిన ఈ ఎలక్ట్రిక్​ స్కూటర్ల పేర్లు డాక్స్​ ఈ, జూమర్​ ఈ అని తెలుస్తోంది. ఈ ఎలక్ట్రిక్​ స్కూటర్ల వర్షెన్​లు మాడెర్న్​గా ఉంటాయని సమాచారం. సైజు పరంగా రెండు చిన్నవే! అయితే వీటిల్లో బాష్​ హబ్​ మోటార్​ ఉంటుందని తెలుస్తోంది. ఇదే నిజమైతే వీటిని ఒక్కసారి ఛార్జ్​ చేస్తే 80కి.మీల రేంజ్​ రావొచ్చు. 25కేఎంపీహెచ్​ టాప్​ స్పీడ్​ ఉండొచ్చు. హోండా డాక్స్​ ఈ, జూమర్​ ఈలో ఎల్​ఈడీ హెడ్​ల్యాంప్​, ఎల్​ఈసీ ఇన్​స్ట్రుమెంట్​ స్క్రీన్​, ఫ్రెంట్​- రేర్​లో డిస్క్​ బ్రేక్స్​ వంటివి ఫీచర్స్​గా ఉండే అవకాశం ఉంది. పూర్తి వివరాల కోసం ఇక్కడ క్లిక్​ చేయండి.