How to know UAN number : మీ యూఏఎన్​ నెంబర్​ తెలియదా? ఇలా తెలుసుకోండి..

How to know UAN number : యూనివర్సల్ అకౌంట్ నంబర్ (యూఏఎన్​) అనేది.. ఈపీఎఫ్​ఓ (ఎంప్లాయీస్ ప్రావిడెంట్ ఫండ్ ఆర్గనైజేషన్) చందాదారులందరికీ లభించే ఒక గుర్తింపు సంఖ్య. ఆదాయపు పన్ను చెల్లింపుదారులకు పాన్ ఎలాగో.. ఉద్యోగులకు ఈ యూఏఎన్​ అలాగ!

బహుళ యజమానులను కలిగి ఉన్న ఈపీఎఫ్ చందాదారుల కోసం ఒక సాధారణ గుర్తింపు ఐడీలగా పనిచేస్తుంది ఈ యూఏఎన్. చందాదారులు అనేక మంది యజమానులు ఇచ్చిన అనేక సభ్య ఐడీలను కలిగి ఉండవచ్చు కాని ఒక యూఏఎన్ మాత్రమే ఉంటుంది.

ఈపీఎఫ్ వెబ్​సైట్​లో యూఏఎన్ నంబర్ ఎంటర్ చేయడం ద్వారా తమ ఖాతాకు సంబంధించిన సమస్త సమాచారాన్ని యాక్సెస్ చేసుకోవచ్చు.

ఈ నంబర్ సహాయంతో వారు ఉపసంహరణకు దరఖాస్తు చేసుకోవచ్చు. వారి దరఖాస్తు స్థితిని చెక్​ చేసుకోవచ్చు.

యూఏఎన్ నెంబర్​ తెలుసుకోవాలంటే..

How to find UAN number : 1. ముందుగా యూఆర్ఎల్​తో కూడిన మెంబర్ ఇంటర్​ఫేస్​ ఈపీఎఫ్ వెబ్​సైట్​కి వెళ్లాలి.

2. ఇక్కడ 'ఇంపార్టెంట్ లింక్స్'లోకి వెళ్లి 'నో యువర్ యూఏఎన్' ఆప్షన్​పై క్లిక్ చేయాలి.

3. కింది చిత్రంలో చూపించిన విధంగా సిస్టమ్ ఇప్పుడు మీ ‘మొబైల్ నంబర్’, 'క్యాప్చా' అడుగుతుంది.

4. ఈ దశలో, సిస్టమ్ మీ పేరు, పుట్టిన తేదీ, ఆధార్ / పాన్ / మెంబర్ ఐడీ క్యాప్చా చూపించమని అడుగుతుంది.

5. ఇప్పుడు మీ యూఏఎన్​ని వెల్లడించడానికి 'షో మై యూఏఎన్' క్లిక్ చేయాలి.

మీ యుఏఎన్​ను యాక్టివేట్ చేయండి..

UAN number activate : మీ యూఏఎన్ ఇంకా యాక్టివేట్ కాకపోతే దానిని యాక్టివేట్ చేయాల్సిన అవసరం ఉందని గుర్తుంచుకోవడం చాలా ముఖ్యం. దీని కోసం మీరు ఇదే ఈపీఎఫ్ యూజర్ ఇంటర్ఫేస్ వెబ్​సైట్​కు వెళ్లాలి.

ఇక్కడ 'యాక్టివేట్ యువర్ యూఏఎన్' అనే ఆప్షన్​పై క్లిక్ చేయాలి.

యూఏఎన్, మెంబర్ ఐడీ, ఆధార్, పేరు, పుట్టిన తేదీ, మొబైల్ నంబర్, క్యాప్చా వంటి ఇతర వివరాలను అడుగుతుంది. ఇప్పుడు సిస్టమ్ ఆథరైజేషన్ పిన్​ని జనరేట్ చేస్తుంది.

UAN number activatation process : యూఏఎన్ యాక్టివేట్ చేయడానికి పిన్ ఎంటర్ చేస్తే చాలు.

అయితే ఈపీఎఫ్ఓ రికార్డుల్లో యూఏఎన్, ఆధార్ నెంబర్, పేరు, పుట్టిన తేదీ తప్పనిసరిగా ఉండాలి. యూఐడీఏఐ రికార్డుల ప్రకారం సభ్యులు ఆధార్ నంబర్​తో చెల్లుబాటు అయ్యే మొబైల్​ కలిగి ఉండాలి.

అలాగే, సభ్యుల ఆధార్ నంబర్, పేరు, పుట్టిన తేదీ, సభ్యుల ఆధార్ వివరాలతో సమానంగా ఉండాలి.