Ola new electric scooter : ఓలా నుంచి కొత్త ఎలక్ట్రిక్​ స్కూటర్​.. సీఈఓ ట్వీట్​కు అర్థం ఇదేనా?

Ola new electric scooter : ఇండియా ఎలక్ట్రిక్​ 2 వీలర్​ సెగ్మెంట్​లో దూసుకెళుతున్న ఓలా.. మరో ప్రాడక్ట్​ లాంచ్​కు సిద్ధమవుతున్నట్టు కనిపిస్తోంది. ఈ మేరకు ఓలా ఎలక్ట్రిక్​ సీఈఓ భవిష్​ అగర్వాల్​ చేసిని ఓ ట్వీట్​ ఆసక్తికరంగాగా మారింది. జులైలో కొత్త ప్రాడక్ట్​ లాంచ్​ ఉంటుంది అన్నట్టుగా ఆయన ట్వీట్​ చేశారు.

"జులైలో జరిగే ఈవెంట్​లో ఓ కొత్త ప్రాడక్ట్​ను ప్రకటిస్తాము. ఈ ఈవెట్​ను #endICEAge షో అని పిలుస్తున్నాము. ఇది పార్ట్​ 1 మాత్రమే. ఈ షోతో స్కూటర్లలో ఐసీఈ ఏజ్​ స్కూటర్లకు ముగింపు పడుతుంది! ఎస్​1 ప్రో, ఎస్​ 1 ఎయిర్​తో పాటు మరెన్నో..," అని భవిష్​ అగర్వాల్​ ట్వీట్​ చేశారు.

ఐసీఈ అంటే.. ఇంటర్నల్​ కంబషన్​ ఇంజిన్​తో కూడిన స్కూటర్లు. వీటిని తగ్గించేందుకు ప్రపంచం కృషిచేస్తోంది. ఇందులో భాగంగా ఎలక్ట్రిక్​ వాహనాలకు డిమాండ్​ పెరుగుతోంది. ఈ నేపథ్యంలో భవిష్​ అగర్వాల్​ ట్వీట్​ ఇప్పుడు వైరల్​గా మారింది. క్రిప్టిక్​గా ఉన్న ఈ ట్వీట్​ కింద నెటిజన్లు విపరీతంగా కామెంట్లు పెడుతున్నారు. 'యెస్​ కొత్త ఎలక్ట్రిక్​ స్కూటర్​ వస్తోంది. మోర్​ పవర్​, మోర్​ రేంజ్​' అని ఓ వ్యక్తి కామెంట్​ చేయగా.. ‘వెయిటింగ్​. చాలా థ్రిల్లింగా ఉంది,’ అని ఇంకొ నెటిజన్​ రాసుకొచ్చారు. 'కొత్త లాంచ్​లు సరే.. కానీ సర్వీస్​ మాటేంటి? మీ సర్వీస్​ బాగాలేదు,' అని ఇంకొందరు కామెంట్లు పెడుతుండటం గమనార్హం.

ఇదీ చూడండి:- Best electric scooters in India : మార్కెట్​లో ఉన్న ది బెస్ట్​ ఎలక్ట్రిక్​ స్కూటర్లు ఇవే!

ప్రస్తుతం ఓలా ఎలక్ట్రిక్​ పోర్ట్​ఫోలియోలో.. ఓలా ఎస్​1, ఓలా ఎస్​1 ప్రో, ఓలా ఎస్​1 ఎయిర్​ వంటి ప్రాడక్ట్స్​ ఉన్నాయి. వీటి ఎక్స్​షోరూం ధరలు వరుసగా రూ. 1.30లక్షలు, రూ. 1.40లక్షలు, రూ. 99,999గా ఉన్నాయి. మరి నెటిజన్లు అనుకుంటున్నట్టుగా.. ఓలా ఎలక్ట్రిక్​ నుంచి మరో కొత్త స్కూటర్​ వస్తే, సంస్థ పోర్ట్​ఫోలియో మరింత శక్తివంతంగా మారుతుందనడంలో సందేహం లేదు. ఎలక్ట్రిక్​ స్కూటర్​ సెగ్మెంట్​లో ఓలాకు ఇప్పటికే మంచి గుర్తింపు ఉందన్న విషయం తెలిసిందే.

మరి జులైలో కొత్త ప్రాడక్ట్​ను చూపిస్తారా.. లేక ఈవెంట్​ ఎప్పుడు జరుగుతుంది? అన్న విషయాన్ని వచ్చే నెలలో చెబుతారా? అన్నది వేచిచూడాలి.

చౌకైన వడ్డీతో స్కూటర్​ పొందండి..

తమ వినియోగదారులకు లాభదాయకమైన ఫైనాన్సింగ్ ఆప్షన్‌లను ఇటీవలే తీసుకువచ్చింది ఓలా ఎలక్ట్రిక్​. ఐడీఎఫ్​సీ ఫస్ట్ బ్యాంక్, ఎల్​ అండ్​ టీ ఫైనాన్షియల్ సర్వీసెస్‌ సహా ప్రముఖ ఫైనాన్సింగ్ సంస్థల భాగస్వామ్యంతో.. జీరో డౌన్ పేమెంట్‌తో 60 నెలల కాలవ్యవధికి కేవలం 6.99శాతం వడ్డీ రేటుతో ఓలా స్కూటర్​ని ఇంటికి తీసుకువెళ్లే సదుపాయం కల్పిస్తోంది. దీనితో, అతి తక్కువ నెలవారీ ఈఎంఐలతో, జీరో డౌన్ పేమెంట్‌తో ఓలా స్కూటర్​కి యజమాని అయ్యే అవకాశాన్ని సంస్థ కల్పిస్తోంది.

ఈ ఫైనాన్సింగ్ ఎంపికలతో ఈవీని సొంతం చేసుకునేందుకు అయ్యే ఖర్చు.. ఇప్పుడు వేరే ఏదైనా వాహనాన్ని కొనడానికి అయ్యే ఖర్చుతో పోలిస్తే సగమేనని సంస్థ చెబుతోంది. ఓలా యాప్ ద్వారా ఈ ఫైనాన్సింగ్ ఆప్షన్ల పూర్తి వివరాలను తెలుసుకోవచ్చని పేర్కొంది. ఈ ఫైనాన్సింగ్ ఆప్షన్స్​ను ఆన్​లైన్​ లేదా ఆఫ్‌లైన్‌లో కూడా ఎంపిక చేసుకోవచ్చని వివరించింది.