Amazon Great Indian Festival : ఓలా, చేతక్​తో పాటు ఈ 2 వీలర్స్​పై అమెజాన్​ సేల్​లో భారీ డిస్కౌంట్స్​..

పండుగ సీజన్ నేపథ్యంలో అమెజాన్ గ్రేట్ ఇండియన్ ఫెస్టివల్ సేల్​ లైవ్​ అయ్యింది. అమెజాన్ ఉత్పత్తులపై భారీ డిస్కౌంట్లను అందించే ఆన్​లైన్ సేల్ ఇది. అయితే ఇప్పుడు అమెజాన్ ద్విచక్ర వాహనాలపై కూడా భారీ డిస్కౌంట్లను అందించడం ప్రారంభించింది. ఈ నేపథ్యంలో బైక్స్​, స్కూటర్స్​పై అమెజాన్​లో లభిస్తున్న డీల్స్​ గురించి ఇక్కడ తెలుసుకుందాము..

హీరో ఎక్స్​ట్రీమ్ 125ఆర్..

హీరో ఎక్స్​ట్రీమ్ 125ఆర్ కొత్త కమ్యూటర్ బైక్​కి మంచి డిమాండ్​ కనిపిస్తోంది. ఇది కమ్యూటర్ మోటార్ సైకిళ్ల సాంప్రదాయ డిజైన్ లాంగ్వేజ్​ని అనుసరించదు కాబట్టి ఇది యువతను మరింత ఆకట్టుకుంటోంది. ఎక్స్​ట్రీమ్ 125ఆర్ ఏబీఎస్ వేరియంట్ ధర అమెజాన్​లో రూ.86,750గా ఉంది.

ఓలా ఎస్ 1 ప్రో..

ఓలా ఎలక్ట్రిక్ ప్రస్తుతం ఎస్ 1 ఎలక్ట్రిక్ స్కూటర్ల శ్రేణితో ఎలక్ట్రిక్ ద్విచక్ర వాహన మార్కెట్​లో ముందంజలో ఉంది. టాప్-ఆఫ్-లైన్ ఎలక్ట్రిక్ స్కూటర్ ఎస్ 1 ప్రో, దీనిని ప్రస్తుతం అమెజాన్ రూ .1,16,399 కు విక్రయిస్తోంది.

బజాజ్ ప్లాటినా 110 ఈఎస్ డ్రమ్..

సాధారణ కమ్యూటర్ బైక్​ కంటే కొంచెం ఎక్కువ సౌకర్యాన్ని ఇష్టపడేవారికి బజాజ్ ప్లాటినా 110 మంచి ఆప్షన్​ అవుతుంది. సాధారణంగా ఈ మోటార్ సైకిల్ ఎక్స్-షోరూమ్ ధర రూ .71,300. కానీ అమెజాన్ గ్రేట్ ఇండియన్ ఫెస్టివల్ సేల్​లో దీనిని రూ .66,305కు కొనుగోలు చేసుకోవచ్చు.

చేతక్​..

బజాజ్ ఆటో చేతక్ నేమ్ ప్లేట్​ను పూర్తిగా ఎలక్ట్రిక్ అవతారంలో పునరుద్ధరించిన విషయం తెలిసిందే. అమెజాన్​ సేల్​లో ఈ స్కూటర్​ రూ.84,898 ధరకు అందిస్తోంది. చేతక్ ప్రస్తుతం భారత మార్కెట్​లో బజాజ్ విక్రయిస్తున్న ఏకైక ఎలక్ట్రిక్ స్కూటర్. అయితే భవిష్యత్తులో మరిన్ని ఎలక్ట్రిక్ వాహనాలను ప్రవేశపెట్టాలని సంస్థ యోచిస్తోంది.

హీరో ప్లెజర్ + ఎక్స్​టెక్​..

టీవీఎస్ జూపిటర్, హోండా యాక్టివా, సుజుకీ యాక్సెస్ వంటి మోడళ్లకు పోటీగా హీరో ప్లెజర్ ప్లస్ ఎక్స్​టెక్ 110సీసీ స్కూటర్​ను రూపొందించారు. మూడు రంగుల్లో లభించే ఈ స్కూటర్ లీటరుకు 50 కిలోమీటర్ల మైలేజ్ ఇస్తుంది. అమెజాన్​లో హీరో ప్లెజర్ ప్లస్ ఎక్స్​టెక్​ రూ.69,363 ధర వద్ద ఉంది.

ఓలా ఎస్1 ఎయిర్..

ఓలా ఎలక్ట్రిక్ లైనప్​లో అత్యంత సరసమైన ఎలక్ట్రిక్ స్కూటర్ ఎస్​1 ఎయిర్. దీని ఎక్స్-షోరూమ్ ధర రూ .1.07 లక్షలు కాగా, అమెజాన్ దీనిని రూ .91,999 కు విక్రయిస్తోంది. ఇది ఎస్ 1 ప్రో డిజైన్ లాంగ్వేజ్​ను నిలుపుకుంటుంది. కానీ తక్కువ ఖర్చుతో అందుబాటులోకి వచ్చింది.

హీరో ఎక్స్​ట్రీమ్ 160ఆర్ 4వీ..

సుజుకీ జిక్సర్, బజాజ్ పల్సర్ ఎన్ 160, బజాజ్ పల్సర్ ఎన్ 160, టీవీఎస్ అపాచీ ఆర్టిఆర్ 160 4వీలకు పోటీగా స్ట్రీట్ నేకెడ్ హీరో ఎక్స్​ట్రీమ్ 160ఆర్ 4వీ నిలిచింది. అమెజాన్ సేల్​లో ఎక్స్​ట్రీమ్ 160ఆర్ 4వీ ధర రూ.91,212గా ఉంది.

వీటితో పాటు బజాజ్​ పల్సర్​ ఎన్​ఎస్​400, బజాజ్​ పల్సర్​ 150, హీరో డెస్టినీ 125 వంటి మోడల్స్​పైనా మంచి డీల్స్​ లభిస్తున్నాయి.