AP POLYCET 2024 : టెన్త్ విద్యార్థులకు అలర్ట్... ముగియనున్న ఏపీ పాలిసెట్ దరఖాస్తులు, వెంటనే అప్లయ్ చేసుకోండి

AP POLYCET 2024 Updates: ఏపీ పాలిసెట్(AP Polytechnic Common Entrance Test) దరఖాస్తుల గడువు ఇవాళ్టితో ముగియనుంది. షెడ్యూల్ ప్రకారం…. ఏప్రిల్ 5వ తేదీతో ఈ గడువు ముగిసినప్పటికీ అధికారులు… గడవును పెంచారు. ఐదు రోజులు పెంచగా… ఏప్రిల్ 10తో పూర్తి కానుంది. అర్హత గల అభ్యర్థులు ఇవాళ్టి వరకు అప్లికేషన్ సమర్పించుకోవచ్చు ఏప్రిల్ 27వ తేదీన రాష్ట్రవ్యాప్తంగా పాలిసెట్ ఎంట్రెన్స్ పరీక్ష జరగనుంది. ఇందుకోసం సాంకేతిక విద్యాశాఖ ఏర్పాట్లను సిద్ధం చేస్తోంది. ఈ ప్రవేశ పరీక్ష ద్వారా… ఏపీలోని  ప్రభుత్వ, ప్రైవేట్‌ పాలిటెక్నిక్‌ కాలేజీల్లో వివిధ డిప్లొమా కోర్సుల్లో అడ్మిషన్లను కల్పిస్తారు.

How to Apply AP Polycet 2024 : పాలిసెట్ కు ఇలా దరఖాస్తు చేసుకోండి

• అర్హత గల అభ్యర్థులు ముందుగా https://polycetap.nic.in/Default.aspx  వెబ్ సైట్ లోకి వెళ్లాలి.
• AP POLYCET 2024 ఆన్ లైన్ అప్లికేషన్ లింక్ పై క్లిక్ చేయాలి.
• ఇందులో మీ మొబైల్ నెంబర్ ను ఎంట్రీ చేసి ఓటీపీ వివరాలను ఎంట్రీ చేసి లాగిన్ కావాలి.
• అప్లికేషన్ నింపే ముందు… అప్లికేషన్ రుసుంను చెల్లించాలి. ఓసీ, బీసీ అభ్యర్థులు రూ. 400 చెల్లించాలి. ఎస్సీ, ఎస్టీ అభ్యర్థులు రూ. 100 చెల్లించాలి.
• ఆ తర్వాత అప్లికేషన్ ఫారమ్ ను నింపాలి. ఇందులో  ఫొటో, సంతకాన్ని అప్ లోడ్ చేయాల్సి ఉంటుంది. సరైన సమాచారాన్ని ఇవ్వాలి.
• ఫైనల్ గా  సబ్మిట్ బటన్ నొక్కితే అప్లికేషన్ ప్రాసెస్ పూర్తి అవుతుంది.
• మీకు  రిజిస్ట్రేషన్ నెంబర్ జనరేట్ అవుతుంది. ఈ నెంబర్ తో హాల్ టికెట్లను డౌన్లోడ్ చేసుకునే వీలు ఉంటుంది.
• దరఖాస్తు పూర్తి చేసిన ఫారమ్ ను ప్రింట్ లేడా డౌన్లోడ్ చేసుకొని కాపీని పొందవచ్చు.

మరోవైపు రాష్ట్రవ్యాప్తంగా ఉన్న ప్రభుత్వ పాలిటెక్నిక్ కాలేజీల్లో ఉచితంగా కోచింగ్(AP Polycet Free Coaching) ఇస్తున్నారు. ఈ తరగతులు ఏప్రిల్ 1వ తేదీ నుంచే ప్రారంభమయ్యాయి. . అన్ని ప్రభుత్వ పాలిటెక్నిక్ లలో ఏప్రిల్ 25 వరకు నిరవధికంగా క్లాసులు జరుగుతాయని ఏపీ సాంకేతిక విద్యాశాఖ ప్రకటించిన సంగతి తెలిసిందే. 87 ప్రభుత్వ పాలిటెక్నిక్స్, 182 ప్రైవేటు పాలిటెక్నిక్స్‌లలో ఈ క్లాసులు జరుగుతున్నాయి. తెలుగు, ఇంగ్లీషు మాధ్యమాలలో సిద్దం చేసిన ఉచిత పాలిసెట్ కోచింగ్ మాటీరియల్‌ను హాజరయ్యే ప్రతి ఒక్క విద్యార్దికి అందిస్తున్నారు.

 విద్యార్థులకు ఉచితంగా ఫ్రీ స్టడీ మెటీరియల్ అందుబాటులో ఉండేలా ఏర్పాట్లు చేసింది ఏపీ సాంకేతిక విద్యాశాఖ. ఇంగ్లీష్ మీడియంతో పాటు తెలుగు మీడియం విద్యార్థులు కూడా ఈ స్టడీ మెటీరియల్ (AP POLYCET Study Material 2024)కాపీని పొందవచ్చు. అయితే పాలిసెట్ కు ప్రిపేర్ అయ్యే అభ్యర్తులు… ఈ మెటిరీయల్ ను ఎలా పొందాలో ఇక్కడ చూడండి…

AP POLYCET Study Material 2024 Download - ఇలా డౌన్లోడ్ చేసుకోండి…

• ఏపీ పాలిసెట్ కు ప్రిపేర్ అయ్యే అభ్యర్థులు ఉచితంగా స్టడీ మెటరీయల్ పొందాలంటే ముందుగా https://polycetap.nic.in/Default.aspx  వెబ్ సైట్ లోకి వెళ్లాలి.
• హోంపేజీలో … AP POLYCET Study Material - 2024 ఆప్షన్ కనిపిస్తుంది.
• ఇందులోనే తెలుగు, ఇంగ్లీష్ మీడియం ఆప్షన్లు కనిపిస్తాయి. మీరు ఏ మీడియం మెటీరియల్ కావాలనుకుంటే… ఆ లింక్ పై క్లిక్ చేయాలి.
• మీకు పీడీఎఫ్ రూపంలో మెటీరియల్ డౌన్లోడ్ అవుతుంది.దీన్ని ప్రింట్ తీసుకోవచ్చు.