పెళ్లిలో విషాదం.. జీలకర్ర బెల్లం పెట్టే సమయంలో కుప్పకూలిన వధువు

విశాఖపట్నం మధురవాడలో ఓ పెళ్లిలో విషాదం జరిగింది. పెళ్లిపీటలపైనే వధువు స్పృహ కోల్పోయింది. సరిగ్గా జీలకర్ర బెల్లం పెట్టే సమయంలో వధువు కుప్పకూలింది. ఆస్పత్రికి తరలించిగా చికిత్స పొందుతూ పరిస్థితి విషమించి ప్రాణాలు కోల్పోయింది.

బుధవారం రాత్రి 7 గంటలకు శివాజీ, సృజనల వివాహం జరగాల్సి ఉంది. ఈ క్రమంలో నిన్న భారీ స్థాయిలో ఏర్పాటు చేశారు. అనుకున్నట్లే పెళ్లి జరుగుతుండగా పెళ్లికుమార్తె కుప్పకూలింది. బంధువులు ఆస్పత్రికి తరలించగా చికిత్స పొందుతూ గురువారం తెల్లవారుజామున మృతిచెందినట్లు తెలుస్తోంది. అయితే సృజన మృతికి గల కారణాలు పూర్తిస్థాయిలో తెలియాల్సి ఉంది. ఈ ఘటనతో ఇరువైపు బంధువులు పుట్టెడు దుఖంలో ఉన్నారు.