Kane Williamson: కేన్ విలియమ్సన్ కు కరోనా...రెండో టెస్ట్ కు దూరం

క్రికెట్ వర్గాలను కరోనా కలవరపాటుకు గురిచేస్తోంది. ఐపీఎల్ లో పలువురు ఫారిన్ క్రికెటర్లు కరోనా బారిన పడ్డారు. తాజాగా కొవిడ్ ప్రభావం ఇంగ్లాండ్, న్యూజిలాండ్ సిరీస్ పై పడింది. న్యూజిలాండ్ కెప్టెన్ కేన్ విలియమ్సన్ కు కొవిడ్ పాజిటివ్ గా తేలింది.

ఇంగ్లాండ్, న్యూజిలాండ్ మధ్య శుక్రవారం నుంచి రెండో టెస్ట్ ప్రారంభం కానుంది. మ్యాచ్ కు ముందురోజు నిర్వహించిన పరీక్షల్లో కేన్ విలియమ్సన్ కు పాజిటివ్ గా ఫలితం వచ్చినట్లు న్యూజిలాండ్ కోచ్ గ్యారీ స్టెడ్ పేర్కొన్నాడు. రెండో టెస్ట్ కు కేన్ విలియమ్సన్ దూరంగా ఉండనున్నట్లు పేర్కొన్నాడు. కేన్ విలియమ్సన్ ఐదు రోజులు ఐసోలేషన్ లో ఉండనున్నారు. రెండో టెస్ట్ కు కేన్ విలియమ్సన్ దూరం కావడంతో కెప్టెన్ గా టామ్ లాథమ్ వ్యవహరించబోతున్నారు. విలియమ్సన్ స్థానంలో హమీష్ రూథర్ ఫర్డ్ ను ఎంపికచేశారు.

కీలకమైన మ్యాచ్ లో విలియమ్సన్ దూరం కావడం జట్టుకు ఇబ్బంది కరమేనని కోచ్ పేర్కొన్నాడు. మూడు మ్యాచ్ ల టెస్ట్ సిరీస్ లో ఇంగ్లాండ్ 1 0 ఆధిక్యంలో ఉంది. లార్డ్స్ లో జరిగిన తొలి టెస్ట్ లో న్యూజిలాండ్ ఓటమి పాలైంది. శుక్రవారం నుంచి రెండో టెస్ట్ జరుగనున్నది.