Hansika Love Shaadi Drama Streaming Date: హన్సిక లవ్ షాదీ డ్రామా స్ట్రీమింగ్ డేట్ ఇదే
09 February 2023, 17:08 IST
- Hansika Love Shaadi Drama Streaming Date: హన్సిక లవ్ షాదీ డ్రామా స్ట్రీమింగ్ డేట్ వచ్చేసింది. ఈ టాలీవుడ్, బాలీవుడ్ నటి గతేడాది డిసెంబర్ లో పెళ్లి చేసుకున్న విషయం తెలిసిందే.
సోహైల్ కథూరియా, హన్సిక మోత్వానీ
Hansika Love Shaadi Drama Streaming Date: సెలబ్రిటీల పెళ్లిళ్లంటే మామూలు విషయం కాదు. దానికి చాలా హంగామా ఉంటుంది. అదే రేంజ్ లో ఆ పెళ్లిళ్ల వీడియోలు, ఫొటోలకు కూడా ఫుల్ డిమాండ్. వాటిని కూడా క్యాష్ చేసుకోవడానికి సెలబ్రిటీలు వెనుకంజ వేయరు. తాజాగా హన్సికా మోత్వానీ కూడా తన పెళ్లి తతంగాన్ని ఓ రియాల్టీ షోగా తీసుకురాబోతోంది.
గతేడాది డిసెంబర్ 4న ఆమె వ్యాపారవేత్త సోహైల్ కథూరియాను పెళ్లి చేసుకున్న విషయం తెలిసిందే. ఈ పెళ్లి స్ట్రీమింగ్ హక్కులను ఓ ఓటీటీ భారీ ధరకు దక్కించుకున్నట్లు అప్పుడే వార్తలు వచ్చాయి. ఆ ఓటీటీ పేరు డిస్నీ ప్లస్ హాట్ స్టార్. ఇప్పుడా ఓటీటీ ఈ పెళ్లిని హన్సికాస్ లవ్ షాదీ డ్రామా (Hansika's Love Shaadi Drama) పేరుతో స్ట్రీమింగ్ చేయనుంది.
ఈ షో ట్రైలర్ గత మంగళవారం (ఫిబ్రవరి 7) రిలీజైంది. ఇక ఈ షో శుక్రవారం (ఫిబ్రవరి 10) నుంచే స్ట్రీమింగ్ కానుంది. హన్సిక తన అఫైర్ గురించి చెప్పడం నుంచి పెళ్లి తంతు ముగిసే వరకూ ఈ షో ట్రైలర్ అన్ని ఎమోషన్స్ ను చూపించింది. దీంతో దీని కోసం ఫ్యాన్స్ ఆసక్తిగా ఎదురు చూస్తున్నారు. రాజస్థాన్ లోని ముండోతా ఫోర్ట్ లో వీళ్ల పెళ్లి ఘనంగా జరిగింది.
ఆ పెళ్లికి ముందు జరిగిన గందరగోళం, వివాదాలను కూడా ఈ ట్రైలర్ లో చూపించారు. పెళ్లి రోజు పెళ్లి కూతురు ఏ డ్రెస్ వేసుకోవాలన్నదానిపై కూడా ఫ్యామిలీ సీరియస్ గా చర్చించుకోవడం చూడొచ్చు. ఈ ట్రైలర్ వీడియోను హన్సిక కూడా షేర్ చేసింది. మచ్ అవేటెడ్ లవ్ షాదీ డ్రామా ఫిబ్రవరి 10 నుంచి డిస్నీ ప్లస్ హాట్ స్టార్ లో రాబోతోందని ఆమె చెప్పింది.