2023 Dhanu Rasi Phalalu: 2023లో ధనూ రాశి వారు డబ్బుల విషయంలో జాగ్రత్తగా ఉండండి

2023 Dhanu Rasi Phalalu : చిలకమర్తి పంచాంగ రీత్యా ధృక్ సిద్ధాంత పంచాంగ గణితం ఆధారంగా ధనూరాశి వారికి అన్నీ విధాలుగా అనుకూలంగా ఉందని అని ప్రముఖ ఆధ్యాత్మికవేత్త, చిలకమర్తి పంచాంగకర్త బ్రహ్మశ్రీ చిలకమర్తి ప్రభాకర చక్రవర్తి శర్మ తెలిపారు. ధనూరాశి వారికి 2023వ సంవత్సరంలో బృహస్పతి ఏప్రిల్ వరకు 4వ స్థానమునందు తదుపరి పంచమ స్థానమునందు సంచరించుట చేత, శని ఏప్రిల్ వరకు 2వ స్థానము మే నుంచి 3వ స్థానము నందు సంచరించుట చేత ధనూరాశి వారికి ఈ సంవత్సరం అన్ని విధాలుగా కలసివస్తుంది. ధనూరాశి వారు ధనపరమైనటువంటి విషయాల యందు జాగ్రత్తలు వహించడం మంచిది.

ధనూరాశి వారికి 2023 సంవత్సరంలో శని తృతీయ స్థానమునందు సంచరించుట వలన ఉద్యోగ వ్యాపారస్తులకు శుభ ఫలితాలు ఏర్పడును. ధనూరాశి వారికి 2023వ సంవత్సరం ఏప్రిల్ వరకు మధ్యస్థ ఫలితాలు మే నుండి డిశంబరు వరకు శుభ ఫలితాలున్నాయి. ధనూరాశి ఉద్యోగస్తులకు అన్ని విధాలుగా కలసి వస్తుంది. ఉద్యోగస్తులకు ప్రమోషన్లు ట్రాన్స్ఫర్లు లభిస్తాయి. ధనూరాశి వ్యాపారస్తులకు వ్యాపారము మధ్యస్థముగా ఉంటాయి. ఖర్చులు ఎక్కువగా ఉంటాయి. విద్యార్థులకు అనుకులమైనటువంటి సంవత్సరం. స్త్రీలకు 2023 సంవత్సరం అనుకూలంగా ఉంది. ఆరోగ్య విషయములయందు స్త్రీలు జాగ్రత్తలు వహించాలి.

2023 సంవత్సరం ధనూరాశి వారికి కలసి వచ్చే సంవత్సరం. ధనూరాశి వారికి ఈ సంవత్సరం ధన సంబంధిత విషయాలు లాభదాయకముగా ఉండును. గత కొంతకాలముగా పరిష్కారము కాని సమస్యలు అన్నీ పరిష్కరమవుతాయి. ధనూరాశి వ్యాపారస్తులకు అనుకూలమైన ఫలితాలున్నాయి. విదేశీ ప్రయాణములు అనుకూలించును. ధనూరాశి వారు ఆరోగ్య విషయముల యందు జాగ్రత్త వహించాలి. 2023వ సంవత్సరంలో కుటుంబ వ్యవహారాలు, కుటుంబ విషయాల యందు కొంత చికాకులు కలుగును. మొత్తం మీద 2023 ధనూరాశి వారికి ధనపరంగా వృత్తి ఉద్యోగ వ్యాపారపరంగా అనుకూలముగా ఉన్నది. ధనూరాశి విద్యార్థులకు ఈ సంవత్సరం శుభ ఫలితాలు కలుగుతాయి.

ధనూరాశి వారు మరింత శుభఫలితాలు పొందడం కోసం సోమవారం శివుని ఆరాధించడం, శుక్రవారం లక్ష్మీదేవిని పూజించడం వలన మరింత శుభఫలితాలు కలుగుతాయి. ధనూరాశి వారు కనక పుష్యరాగం ధరించడం వలన వారికి అనుకూలమైన టువంటి ఫలితములు కలుగును. ధనూరాశి వారు 5 ముఖములు గల రుద్రాక్షను ధరించడం మంచిది అని ప్రముఖ ఆధ్యాత్మికవేత్త, చిలకమర్తి పంచాంగకర్త బ్రహ్మశ్రీ చిలకమర్తి ప్రభాకర చక్రవర్తి శర్మ తెలిపారు.