Wrestlers protest : విధుల్లో చేరిన రెజ్లర్లు.. మరి నిరసనల పరిస్థితేంటి?
05 June 2023, 16:16 IST
- Wrestlers protest : బ్రిజ్ భూషణ్కు వ్యతిరేకంగా జరుగుతున్న నిరసనల్లో కీలక పాత్ర పోషిస్తున్న పలువురు రెజ్లర్లు.. తిరిగి ఉద్యోగాల్లో చేరారు. మరోవైపు.. రెజ్లర్లు అమిత్ షాను కలిసినట్టు తెలుస్తోంది.
విధుల్లో చేరిన రెజ్లర్లు.. మరి నిరసనల పరిస్థితేంటి?
Wrestlers protest : రెజ్లర్ల నిరసన నేపథ్యంలో కీలక పరిణామాలు చోటుచేసుకున్నాయి. రెజ్లింగ్ ఫెడరేషన్ చీఫ్ బ్రిజ్ భూషణ్ శరణ్ సింగ్కు వ్యతిరేకంగా సాగుతున్న ఆందోళనల్లో కీలక పాత్ర పోషిస్తున్న రెజ్లర్లు సాక్షి మాలిక్, వినేశ్ ఫోగట్, బజరంగ్ పునియాలు.. తిరిగి ఉద్యోగాల్లో చేరినట్టు తెలుస్తోంది. మరోవైపు బ్రిజ్ భూషణ్పై రెజ్లర్లు శనివారం రాత్రి అమిత్ షాతో భేటీ అయినట్టు సమాచారం!
విధుల్లో చేరారు కానీ..
మహిళా రెజ్లర్లు, మైనర్లపై బ్రిజ్ భూషణ్ లైంగిక దాడికి పాల్పడినట్టు రెజ్లర్లు ఆరోపిస్తున్నారు. జనవరిలో నిరసనలు చేసి కొన్ని రోజుల తర్వాత విరమించుకున్నారు. కానీ ఏప్రిల్ నెలల ఆందోళనలను ఉద్ధృతం చేశారు. బ్రిజ్ భూషణ్పై ఎఫ్ఐఆర్ నమోదు చేయాలని, అరెస్ట్ చేయాలని డిమాండ్ చేస్తూ వచ్చారు. అప్పటి వరకు కదలమంటూ ఢిల్లీ జంతర్మంతర్ వద్ద క్యాంప్ను ఏర్పాటు చేసుకున్నారు. కాగా.. మే నెల చివర్లో ఈ క్యాంప్ను పోలీసులు తొలగించారు. ఈ ఘటన జరిగిన కొన్ని రోజులకు, అంటే మే 31.. సాక్షి మాలిక్, వినేశ్ ఫోగట్, బజరంగ్ పునియాలు తమ తమ రైల్వే ఉద్యోగాల్లో చేరారు.
అయితే.. విధుల్లో చేరినంత మాత్రాన తాము నిరసనలకు దూరం జరిగినట్టు కాదని రెజ్లర్లు చెబుతున్నారు.
ఇదీ చూడండి:- Wrestler's FIR: రెజ్లర్లపై లైంగిక వేధింపులు, అసభ్య ప్రవర్తన, బెదిరింపులు.. బ్రిజ్ భూషణ్ పై నమోదైన ఎఫ్ఐఆర్ లో ఆరోపణలు
Wrestlers protest latest news : "అవును. రైల్వేశాఖ ఉద్యోగాల్లో తిరిగి చేరాము. అంతమాత్రాన వెనకడుగు వేస్తున్నట్టు కాదు. మా భవిష్యత్తు కార్యచరణను రచిస్తున్నాము. మేము న్యాయం కోసం పోరాడుతూనే ఉంటాము," అని సాక్షి మాలిక్ వెల్లడించారు.
అమిత్ షాతో భేటీ..
ఆందోళనకు దిగిన రెజ్లర్లు గత శనివారం రాత్రి కేంద్ర హోంమంత్రి అమిత్ షాతో భేటీ అయినట్టు తెలుస్తోంది. బ్రిజ్ భూషణ్పై నిస్పక్షపాత దర్యాప్తు జరగాలని విజ్ఞప్తి చేసినట్టు సమాచారం. 'చట్టం అందరికి ఒకే విధంగా ఉంటుంది. చట్టం దాని పని దానిని చేసుకోనివ్వండి,' అని రెజ్లర్లకు అమిత్ షా చెప్పినట్టు తెలుస్తోంది. అయితే.. అమిత్ షా స్పందనపై రెజ్లర్లు అసంతృప్తితో ఉన్నట్టు సమాచారం.
Wrestlers meet Amit Shah : “శనివారం రాత్రి అమిత్ షాతో భేటీ అయ్యాము. ఆయన నుంచి సరైన స్పందన రాలేదు. అందుకే మేము సమావేశం నుంచి బయటకి వచ్చేశాము. నిరసనల్లో భాగంగా భవిష్యత్తు కార్యచరణను రచిస్తున్నాము,” అని సాక్షి మాలిక్ భర్త, రెజ్లర్ సత్యవ్రత్ కడియన్ తెలిపారు.