Wipro share value: ఐదు సార్లు బోనస్ షేర్లు ఇచ్చిన ఐటీ సంస్థ

భారతీయ ఐటీ కంపెనీల్లో విప్రో ది ప్రముఖ స్థానం. నిజానికి విప్రో సంస్థ కేవలం ఐటీ కే పరిమితం కాలేదు. ఎఫ్ఎంసీజీ సహా వివిధ రంగాల్లో ఈ సంస్థ కార్యకలాపాలు నిర్వహిస్తోంది.

Wipro share value: ఫేవరెట్ స్టాక్

మదుపరులు, ముఖ్యంగా భారతీయ మదుపరులు దీర్ఘకాలిక పెట్టుబడుల కోసం చూసే సంస్థల్లో ముఖ్యమైనది విప్రో. ఈ సంస్థ క్రమం తప్పకుండా డివిడెండ్లను ప్రకటిస్తూ ఉంటుంది. అయితే, ప్రస్తుతం విప్రో షేరు ధర లో పెరుగుదల కనిపించడం లేదు.

Wipro share value: ఐదుసార్లు

షేరు హోల్డర్లకు ఐదు సార్లు బోనస్ షేర్లు ప్రకటించిన సంస్థగా విప్రో కు రికార్డు ఉంది. చివరగా 2019 మార్చిలో 1:3 ప్రకారం షేర్ హోల్డర్లకు బోనస్ షేర్లను విప్రో ప్రకటించింది. అంటే షేర్ హోల్డర్ వద్ద మూడు షేర్లు ఉంటే, ఒక షేరును బోనస్ గా అందించింది. అంతకుముందు జూన్ 2017లో 1:1 రేషియోలో, జూన్ 2010లో 2:3 రేషియోలో, ఆగస్ట్ 2005లో 1:1 రేషియోలో, జూన్ 2004 లో 2:1 రేషియోలో బోనస్ షేర్లను విప్రో తమ షేర్ హోల్డర్లకు అందించింది.

Wipro share value: ఆదాయంతగ్గుతోంది

భారతీయ ఐటీ కంపెనీల్లో విప్రో కు ప్రత్యేక స్థానం ఉంది. కానీ గత కొంత కాలంగా వివిధ కారణాల వల్ల ఈ సంస్థ ఆదాయం తగ్గుతోంది. షేర్ వాల్యూ కూడా క్రమంగా తగ్గుతోంది. 2022లో విప్రో షేర్ వాల్యూ గత సంవత్సరం కన్నా 28% తగ్గింది. 2022 తొలి త్రైమాసికంలో, గత సంవత్సరం అదే కాలానితో పోలిస్తే.. నెట్ ప్రాఫిట్ రూ. 3,232 కోట్ల నుంచి రూ. 2,563 కోట్లకు అంటే, 20.7% తగ్గింది. విప్రో ప్రధాన ఆదాయం ఐటీ సర్వీసెస్ నుంచే వస్తుంది.