'బేబీ బెర్త్'.. పసిబిడ్డల కోసం భారతీయ రైల్వే ప్రత్యేక ఏర్పాట్లు!
10 May 2022, 11:14 IST
- రైలు ప్రయాణాల్లో తల్లులు చాలా ఇబ్బంది పడుతూ ఉంటారు. చిన్న పిల్లలతో కలిసి బెర్త్లో పడుకోవాల్సి వస్తుంది. దీనికి చెక్ పెట్టి, తల్లులు మరింత సౌకర్యంగా ప్రయాణించేందుకు 'బేబీ బేర్త్'ను ప్రయోగించింది భారతీయ రైల్వే. ఆ వివరాలు..
బేబీ బెర్త్.. సూపర్ ఐడియా!
Baby berth Indian railway | పసిబిడ్డలు, చిన్న పిల్లలతో ప్రయాణం అంత సులభం కాదు. ముఖ్యంగా రైళ్లల్లో తల్లుల పక్కనే వారు పడుకోవాల్సి వస్తుంది. ఫలితంగా తల్లులు ప్రయాణం మొత్తం మీద తీవ్ర ఇబ్బందులు పడుతూనే ఉంటారు. తాజాగా.. ఈ సమస్యకు చెక్ పెట్టేందుకు భారతీయ రైల్వే ఓ వినూత్న ఆలోచనను అమలుచేసింది. లోయర్ బెర్త్ పక్కనే ఓ 'బేబీ బెర్త్'ను ఏర్పాటు చేసింది.
Crime news : దారుణం.. తల్లి, భార్యను చంపి- పిల్లల్ని మేడ మీద నుంచి పడేసి.. చివరికి..!
Prajwal Revanna case : ప్రజ్వల్ రేవన్నపై ఫిర్యాదు చేసిన బీజేపీ నేత అరెస్ట్- మరో మహిళపై..
Weather update : ఇంకొన్ని రోజుల పాటు ఎండల నుంచి ఉపశమనం.. ఈ రాష్ట్రాల్లో భారీ వర్షాలు!
UGC NET June 2024: యూజీసీ నెట్ కు దరఖాస్తు చేసుకునే గడువు మరో 5 రోజులు పొడిగింపు
'వాట్ ఆన్ ఐడియా సర్జీ..'
ప్రయాణికుల సౌకర్యం కోసమే ఈ ప్రత్యేక బెర్త్ను తీసుకొచ్చింది భారతీయ రైల్వేకు చెందిన లక్నో డివిజన్(నార్త్ జోన్). దీనిని బేబీ బెర్త్గా పిలుస్తున్నారు. ఏర్పాట్లను చూస్తే.. చిన్న పిల్లలు కిందకి పడిపోతారేమో అన్న భయం కూడా ఉండదు. భద్రతకు అధిక ప్రాధాన్యతనిస్తూ.. బేబీ బెర్త్కు స్టాపర్లను ఫిక్స్ చేశారు.
"లక్నో మెయిల్ 194129లోని బీ4 కోచ్లో 12,60లో బేబీ బెర్త్ను ఏర్పాటు చేశాము. తల్లులు తమ పిల్లలను బేబీ బెర్త్లో పెట్టుకోవచ్చు. ప్రయాణం వేళ వారికి సౌకర్యంగా ఉంటుంది. అవసరం లేనప్పుడు.. ఆ బేబీ బెర్త్ను ఫోల్డ్ కూడా చేసుకోవచ్చు," అని నార్త్ జోన్లోని లక్నో డివిజన్కు చెందిన డీఆర్ఎం ట్వీట్ చేశారు.
ఫోల్డ్ చేయడంతో పాటు.. బేబీ బెర్త్ హైట్ను కూడా ప్రయాణికులకు అనుగుణంగా మార్చుకోవచ్చు! లోయర్ సీట్లకు మాత్రమే ఈ బేబీ బెర్త్ ఉంటుంది.
ప్రస్తుతం ప్రయోగంలో భాగంగా ఒక కోచ్కే ఈ బేబీ బెర్త్ను జోడించారు. ప్రయాణికుల ఫీడ్బ్యాక్ తీసుకుని, ప్రయోగం సక్సెస్ అయితే.. మరిన్ని కోచ్లలో ఈ బేబీ బెర్త్లను ఏర్పాటు చేసే అవకాశం ఉంది.