బాలికపై తండ్రి, సోదరుడు, తాత, మామ అత్యాచారం..!
19 March 2022, 16:07 IST
- Crime | మహారాష్ట్రలో అత్యంత దారుణ ఘటన వెలుగులోకి వచ్చింది. ఓ మైనర్ బాలికపై ఆమె తండ్రి, సోదరుడు, తాత, మామ అత్యాచారానికి పాల్పడ్డారు. ఐదేళ్లుగా ఆ బాలిక నరకం అనుభవిస్తోంది.
ఐదేళ్లుగా నరకం అనుభవిస్తున్న బాలిక
Girl raped | మహారాష్ట్ర పుణెలో.. మానవజాతి తలదించుకునే ఘటన ఒకటి వెలుగులోకి వచ్చింది. ఓ బాలికపై ఆమె తండ్రి, సోదరుడు, తాత, మామ.. గత ఐదేళ్లుగా అత్యాచారానికి పాల్పడుతున్నారు.
ఇంత దారుణమా..!
బాధితురాలి కుటుంబం బిహార్కు చెందినది. పుణెలో ప్రస్తుతం వారు నివాసముంటున్నారు. 2017లో కుటుంబం బిహార్లో ఉన్నప్పటి నుంచే బాలికపై తండ్రి అఘాయిత్యానికి పాల్పడుతున్నాడు. 2020 నవంబర్లో బాలిక సోదరుడు సైతం అత్యాచారానికి ఒడిగట్టాడు. ఆ తర్వాత.. బాలిక తాత, మామ.. పలుమార్లు ఆమెపై అభ్యంతరకర రీతిలో ప్రవర్తించారు.
Pune crime news | ఐదేళ్లుగా బాలిక నరకం అనుభవిస్తోంది. తాజాగా.. ఆమె స్కూలులో జరిగిన ఓ కార్యక్రమంలో బాలిక ఈ విషయాలను బయటపెట్టింది. స్కూలు సిబ్బంది పోలీసులకు సమాచారం అందించారు.
రంగంలోకి దిగిన పోలీసులు దర్యాప్తు చేపట్టారు. 45ఏళ్ల తండ్రి, 11ఏళ్ల సోదరుడిపై సెక్షన్ 376 కింద కేసు నమోదు చేశారు. 60ఏళ్ల తాత, 25ఏళ్ల దూరపు చుట్టమైన మామపై సెక్షన్ 354 కింద లైంగిక వేధింపుల కేసు వేశారు. కాగా.. ఇప్పటివరకు ఎవరిని అరెస్ట్ చేయలేదు.
అయితే.. ఇది సామూహిక అత్యాచారం కాదని పోలీసులు చెబుతున్నారు. వేరువేరుగా ఘటనలు జరిగాయని, బాలికపై అత్యాచారానికి పాల్పడుతున్నట్టు.. ఒకరి గురించి మరొకరికి తెలిసి ఉండదని అభిప్రాయపడుతున్నారు.