వివాహానికి ఆలస్యంగా వెళ్లిన వరుడు.. వేరే వ్యక్తిని పెళ్లిచేసుకున్న వధువు..!
29 April 2022, 12:54 IST
- మహారాష్ట్రలో ఓ వింత ఘటన వెలుగులోకి వచ్చింది. పెళ్లి చేసుకుంటున్నాను అన్న ఆనందంలో ఓ వరుడు ఫుల్గా తాగేసి డ్యాన్స్ చేస్తూ ఉండిపోయాడు. తన పెళ్లికి తానే ఆలస్యంగా వెళ్లాడు. కోపం తెచ్చుకున్న వధువు తండ్రి.. తన బిడ్డను వేరే వ్యక్తికి ఇచ్చిపెళ్లి చేశాడు.
పెళ్లికి ఆలస్యంగా వెళ్లిన వరుడుకు షాక్..!
Bride marries another man at wedding | మద్యం మత్తులో తూలుతూ ఉండిపోయిన ఓ వరుడు.. తన పెళ్లికి ఆలస్యంగా వెళ్లాడు. కానీ ఆ పెళ్లి జరగలేదు. అలా అని పెళ్లి ఆగిపోలేదు కూడా. వధువు వేరే వ్యక్తిని పెళ్లిచేసుకుంది!
బంధువుతో వధువు పెళ్లి ఫిక్స్..
మహారాష్ట్ర బుల్దానా జిల్లా మల్కాపూర్ పంగ్ర గ్రామంలో ఈ నెల 22న జరిగింది ఈ ఘటన. సాయంత్రం 4 గంటలకు వివాహం జరగాల్సి ఉంది. సమయం దాటిపోయినా.. వరుడు పెళ్లి మండపం వద్దకు వెళ్లలేదు. ఫుల్గా తాగేసి, కుటుంబసభ్యులు, స్నేహితులతో కలిసి డ్యాన్స్ చేస్తూ ఉండిపోయాడు.
మద్యం మత్తు నుంచి బయటపడి.. వరుడు మండపానికి వెళ్లేసరికి రాత్రి 8 అయ్యింది. కానీ అతడికి ఊహించను షాక్ తగిలింది.
వరుడు కోసం వేచి చూసి చిరాకు, కోపం తెచ్చుకున్న వధువు తండ్రి.. తన బిడ్డను అతనికి ఇచ్చి పెళ్లి చేయకూడదని నిర్ణయించుకున్నాడు. ఈ విషయాన్ని వరుడుకు తేల్చిచెప్పాడు.
అదే సమయంలో పెళ్లిని ఆపేయడం కూడా వధువు తండ్రికి ఇష్టం లేదు. అందుకే.. పెళ్లి వేడుకకు హాజరైన వారిలో తన బిడ్డకు తగిన వ్యక్తిని వెతకడం మొదలుపెట్టాడు. కొద్ది సేపటికి తన బంధువుల్లోనే మరో వ్యక్తిని ఆ తండ్రి చూశాడు. ఇక ఆలస్యం చేయకుండా తన బిడ్డకు, ఆ వ్యక్తికి పెళ్లి చేసేశాడు.
టాపిక్