Blu Bold N2 । తక్కువ ధరకే ప్రీమియం రేంజ్ ఫీచర్లతో వచ్చిన బ్లూ స్మార్ట్ఫోన్!
16 August 2022, 21:22 IST
- రూ. 20 వేల బడ్జెట్ ధరలో Blu Bold N2 స్మార్ట్ఫోన్ విడుదలయింది.ఈ ఫోన్లో అన్నీ ప్రీమియం ఫీచర్లు ఉన్నాయి. పూర్తి వివరాల కోసం ఈ స్టోరీ చదవండి..
Blu Bold N2
అమెరికాకు చెందిన మొబైల్ తయారీదారు BLU నుంచి Blu Bold N2 అనే స్మార్ట్ఫోన్ విడుదలయింది. సరసమైన ధరలోనే లభించే స్మార్ట్‌ఫోన్‌లో అనేక ప్రీమియం ఫీచర్లు ఉన్నాయి. AMOLED డిస్‌ప్లే, భారీ ర్యామ్ కెపాసిటీ, మెరుగైన ఇంటర్నల్ స్టోరేజ్ సామర్థ్యంతో పాటు వెనకవైపు నాలుగు కెమెరా సెన్సార్లతో క్వాడ్ కెమెరా సెటప్ కూడా ఉంది.
Chana Masala Recipe : శనగలతో ఇలా రెసిపీ చేస్తే.. చపాతీ, రైస్‌లోకి లాగించేయెుచ్చు
Cucumber Eating Mistakes : దోసకాయ తినేటప్పుడు అందరూ ఈ తప్పు చేసి ప్రయోజనాలు కోల్పోతారు
Chanakya Tips In Telugu : ఈ 6 గుణాలపై మీకు నియంత్రణ లేకుంటే జీవితంలో ఓడిపోతారు
Jeera Rice : ఉదయం అల్పాహారంగా జీలకర్ర రైస్ ఇలా చేసుకోండి.. 10 నిమిషాల్లో రెడీ..
డిస్‌ప్లేకు రక్షణగా స్క్రీన్ కార్నింగ్ గొరిల్లా గ్లాస్ లేయర్ ఇచ్చారు. అన్‌లాక్ చేయడానికి ఇన్- డిస్‌ప్లే, ఫింగర్ ప్రింట్ స్కానర్ అలాగే AI ఫేస్ ID వంటి అధునాతన ఫీచర్లు ఉన్నాయి. ఈ ఫోన్ 5Gకి కూడా సపోర్ట్ చేస్తుంది. ఇన్ని ఫీచర్లు కలిగిన ఈ ఫోన్ సుమారు రూ. 20 వేల బడ్జెట్ ధరలోనే లభిస్తుండటం విశేషం.
ఇంకా Blu Bold N2 స్మార్ట్‌ఫోన్‌లో ఎలాంటి ఫీచర్లు, స్పెసిఫికేషన్లు ఉన్నాయి తదితర విశేషాలను ఈ కింద తెలుసుకోండి.
Blu Bold N2 స్మార్ట్ఫోన్ ఫీచర్స్, స్పెసిఫికేషన్స్
- 6.6 అంగుళాల AMOLED FHD+ డిస్‌ప్లే
- 8GB RAM, 256 GB ఇంటర్నల్ స్టోరేజ్ సామర్థ్యం
- ఆక్టా-కోర్ MediaTek డైమెన్సిటీ 810 ప్రాసెసర్
- వెనకవైపు 64MP + 5MP + 2MP+2MP క్వాడ్ కెమెరా, ముందు భాగంలో 16+2 MP సెల్ఫీ షూటర్‌
- ఆండ్రాయిడ్ 11 ఆపరేటింగ్ సిస్టమ్
- 4200 mAh బ్యాటరీ సామర్థ్యం
కనెక్టివిటీ పరంగా ఈ ఫోన్లో 5G, 4G LTE, బ్లూటూత్ v5.1, Wi-Fi, USB టైప్-సి పోర్ట్‌ వంటి ఫీచర్లు ఉన్నాయి.
బ్లూ బోల్డ్ N2 సైప్రస్ టీల్ అనే ఏకైక కలర్ ఆప్షన్‌లో లభిస్తుంది. ప్రస్తుతం ఈ స్మార్ట్ఫోన్ అమెరికాలో అమెజాన్‌లో అందుబాటులో ఉంది.
ధర $249 (దాదాపు రూ. 19,800). భారత్ సహా ఇతర దేశాల మార్కెట్లలో ఈ ఫోన్ లభ్యత గురించి కంపెనీ వెల్లడించలేదు.