Lord Ram Movies in OTT: లవకుశ నుంచి ఆదిపురుష్ వరకు.. అయోధ్య ప్రాణ ప్రతిష్ట వేళ రామాయణంపై వచ్చిన ఈ సినిమాలు చూడండి
22 January 2024, 9:19 IST
- Telugu Movies on Lord Ram: అయోధ్యలో బాల రాముడి ప్రాణ ప్రతిష్ట జరుగుతున్న వేళ తెలుగులో రాముడిపై వచ్చిన లవకుశ నుంచి ఆదిపురుష్ వరకు సినిమాలు చూస్తూ రామనామ స్మరణలో మునిగి తేలండి.
తెలుగులో రాముడిపై వచ్చిన సినిమాలు
Telugu Movies on Lord Ram: అయోధ్యలో బాల రాముడి ప్రాణ ప్రతిష్ట సోమవారం (జనవరి 22) జరగబోతోంది. ఈ నేపథ్యంలో దేశమంతా రామనామ స్మరణతో మార్మోగిపోతోంది. ఎంత విన్నా, చూసినా తరగని రామాయణంపై తెలుగులో ఇప్పటికే ఎన్నో సినిమాలు ప్రేక్షకులను అలరించాయి.
Malayalam Movie: వామ్మో ఇదేం టైటిల్ -ఈ కొత్త మ‌ల‌యాళం మూవీ పేరు చెప్ప‌డానికి నోరు తిర‌గ‌డం క‌ష్ట‌మే!
NNS May 17th Episode: మళ్లీ భూలోకానికి అరుంధతి.. ఈసారి యముడు కూడా.. అమర్కి తలంటిన భాగీ.. పిల్లలను రెచ్చగొట్టిన మనోహరి
Brahmamudi May 17th Episode: బ్రహ్మముడి- అనామికకు కల్యాణ్ విడాకులు- లేచిపోదామన్న అప్పు- తాతయ్య వార్నింగ్- కావ్యకు 2 డేస్
Ntr Prashanth Neel Movie: ఎన్టీఆర్, ప్ర‌శాంత్ నీల్ మూవీ టైటిల్ ఇదేనా? - కేజీఎఫ్‌కు మించి యాక్ష‌న్‌…ఎలివేష‌న్స్?
ఈ మరుపురాని వేళ ఈ సినిమాలు చూస్తూ మీరు కూడా రామనామ స్మరణ చేసుకోండి. తెలుగులో గత ఆరు దశాబ్దాల కాలంలో శ్రీరాముడు, రామాయణం ఆధారంగా ఎన్నో సినిమాలు తెరకెక్కాయి. ఆ మూవీస్ ఇప్పుడు ఓటీటీల్లో అందుబాటులో ఉన్నాయి.
లవకుశ (1963) - అమెజాన్ ప్రైమ్ వీడియో
ఎన్టీఆర్, అంజలీ దేవి నటించిన ఈ లవకుశ మూవీ తెలుగు ప్రేక్షకుల మదిలో చిరస్థాయిగా నిలిచిపోతుందనడటంలో సందేహం లేదు. ఈ సినిమా ప్రస్తుతం అమెజాన్ ప్రైమ్ వీడియోలో అందుబాటులో ఉంది.
సంపూర్ణ రామాయణం (1958, 1961, 1971)
వాల్మీకి రామాయణం ఆధారంగా సంపూర్ణ రామాయణం పేరుతో తెలుగులో మూడు సినిమాలు రూపొందాయి. తొలి సినిమా 1958లో ఎన్టీఆర్ నటించాడు. ఈ సినిమా యూట్యూబ్ లో అందుబాటులో ఉంది.
ఇక 1961లో బాలీవుడ్ లో సంపూర్ణ రామాయణం పేరుతో రూపొందిన సినిమా తెలుగులోనూ వచ్చింది. ఈ మూవీ కూడా యూట్యూబ్ లో చూడొచ్చు. 1971లో శోభన్ బాబు, బాపు కాంబినేషన్ లో మరో సంపూర్ణ రామాయణం రూపొందింది. ఈ సినిమాను యూట్యూబ్ లో ఫ్రీగా చూడొచ్చు.
శ్రీరామరాజ్యం (2011) - ప్రైమ్ వీడియో, ఆహా
2011లో బాలకృష్ణ నటించిన ఈ శ్రీ రామరాజ్యం సినిమాను బాపు డైరెక్ట్ చేశాడు. ఈ మూవీ ప్రస్తుతం ప్రైమ్ వీడియో, ఆహాల్లో స్ట్రీమింగ్ అవుతోంది. ఇందులో నయనతార సీతగా నటించింది.
బాల రామాయణం (1996) - యూట్యూబ్
జూనియర్ ఎన్టీఆర్ బాల రాముడిగా కనిపించిన ఈ బాల రామాయణం మూవీ 1996లో వచ్చింది. ప్రస్తుతం ఈ సినిమా యూట్యూబ్ లో ఫ్రీగా అందుబాటులో ఉంది.
సీతా కల్యాణం (1976) - యూట్యూబ్
బాపు డైరెక్షన్ లో జయప్రద నటించిన సీతా కల్యాణం మూవీ కూడా అప్పట్లో ఓ పెద్ద హిట్ సాధించింది. రామాయణాన్ని కొత్తగా చూపించిన సినిమా ఇది. ఈ మూవీని యూట్యూబ్ లో చూడొచ్చు.
భూకైలాస్ (1958) - ప్రైమ్ వీడియో, యూట్యూబ్
రామాయణాన్ని రావణుడి దృక్పథంలో చెప్పిన సినిమా భూకైలాస్. ఇందులో ఎన్టీఆర్ రావణాసురుడిగా నటించాడు. కర్ణాటకలోని గోకర్ణ స్థలపురాణం ఆధారంగా ఈ సినిమా తెరకెక్కింది. ఈ మూవీ ప్రైమ్ వీడియో, యూట్యూబ్ లలో అందుబాటులో ఉంది.
ఆదిపురుష్ (2023) - ప్రైమ్ వీడియో
గతేడాది ప్రభాస్, కృతిసనన్ నటించిన ఆదిపురుష్ మూవీ కూడా రామాయణంలోని యుద్ధకాండ ఆధారంగా తెరకెక్కింది. ఈ సినిమాపై దారుణమైన విమర్శలు వచ్చినా.. రామాయణాన్ని ఈ కాలం పిల్లలకు తగినట్లుగా రూపొందించానని దర్శకుడు ఓంరౌత్ సమర్థించుకున్నాడు. ఈ సినిమా ప్రైమ్ వీడియోలో అందుబాటులో ఉంది.
ఇవే కాకుండా శ్రీరామాంజనేయ యుద్ధం, శ్రీరామ పట్టాభిషేకం, మణిరత్నం రావణ్ మూవీస్ కూడా ఉన్నాయి.