Suriya Record: దళపతి విజయ్ రికార్డు బ్రేక్ చేసిన సూర్య

Suriya Record: కోలీవుడ్ స్టార్ హీరో సూర్య.. మరో స్టార్ దళపతి విజయ్ రికార్డు బ్రేక్ చేయడం ఇప్పుడు ఇండస్ట్రీలో హాట్ టాపిక్ గా మారింది. ప్రస్తుతం కంగువ మూవీ షూటింగ్ లో బిజీగా ఉన్న సూర్య.. ఈ మధ్యే తన సూర్య43 కూడా అనౌన్స్ చేసిన విషయం తెలిసిందే. ఈ అనౌన్స్‌మెంట్ వీడియోనే ఇప్పుడు సోషల్ మీడియా ఎక్స్ లో విజయ్ రికార్డు బ్రేక్ చేసింది.

సూర్య 43 మూవీని సుధ కొంగర డైరెక్ట్ చేస్తున్న విషయం తెలిసిందే. గతంలో ఈ ఇద్దరూ కలిసి తీసిన సూరారై పొట్రు (తెలుగులో ఆకాశమే నీ హద్దురా) నేషనల్ అవార్డు గెలిచిన విషయం తెలిసిందే. దీంతో మరోసారి ఈ కాంబినేషన్ లో వస్తున్న సినిమాపై విపరీతమైన ఆసక్తి నెలకొంది. ఆ ఆసక్తే సోషల్ మీడియా ఎక్స్ లో సూర్య షేర్ చేసిన అనౌన్స్‌మెంట్ వీడియోని ఎక్కువ వ్యూస్ వచ్చిన ఇండియా వీడియోగా నిలిపింది.

సూర్య 43ని అనౌన్స్ చేస్తూ అక్టోబర్ 26న సూర్య ఓ వీడియో పోస్ట్ చేశాడు. ఈ వీడియోకి ఇప్పటికే 2.65 కోట్ల వ్యూస్ రావడం విశేషం. ఈ ప్లాట్‌ఫామ్ పై ఎక్కువ వ్యూస్ వచ్చిన ఇండియన్ వీడియో ఇదే. ఇప్పటి వరకూ దళపతి విజయ్ పోస్ట్ చేసిన వీడియో పేరిట ఈ రికార్డు ఉండేది. ఆ వీడియోకు 2.62 కోట్ల వ్యూస్ వచ్చాయి. ఈ వీడియోను విజయ్ గతేడాది డిసెంబర్ లో పోస్ట్ చేశాడు.

అయితే సూర్య 43 అనౌన్స్‌మెంట్ వీడియో మాత్రం కేవలం రెండు వారాల్లోనే ఆ రికార్డును బ్రేక్ చేయడం విశేషం. ఈ సినిమాలో సూర్యతోపాటు దుల్కర్ సల్మాన్, విజయ్ వర్మ కూడా నటిస్తుండటం విశేషం. ఈ ముగ్గురూ సిల్వర్ స్క్రీన్ పై అగ్గి పుట్టించడం ఖాయమన్న అంచనాలు ఉన్నాయి.

మరోవైపు లియో బాక్సాఫీస్ సక్సెస్ ను ఎంజాయ్ చేస్తున్న దళపతి విజయ్.. తన నెక్ట్స్ మూవీ దళపతి 68 షూటింగ్ లో బిజీగా ఉన్నాడు. ఈ సినిమాను వెంకట్ ప్రభు డైరెక్ట్ చేస్తున్నాడు. మీనాక్షి చౌదరి ఈ మూవీలో ఫిమేల్ లీడ్ గా నటిస్తోంది.