Sara Ali Khan: రూ.1600 పెట్టి టవల్ కొంటావా.. తల్లిపై హీరోయిన్ ఫైర్

Sara Ali Khan: బాలీవుడ్ లో ఇప్పుడిప్పుడే తనకంటూ ఓ పేరు సంపాదించుకుంటున్న నటి సారా అలీ ఖాన్. బాలీవుడ్ నటుడు సైఫ్ అలీ ఖాన్ కూతురు ఈమె. అయితే ఈ మధ్య ఓ టవల్ ను రూ.1600 పెట్టి కొనుగోలు చేసిన తన తల్లిపై ఆమె సీరియస్ అయిందట. ఈ విషయాన్ని జరా హట్కే జరా బచ్‌కే మూవీ ప్రమోషన్లలో భాగంగా విక్కీ కౌశల్ చెప్పాడు.

ఓ ఇంటర్వ్యూలో మాట్లడిన విక్కీ.. సారా అలీ ఖాన్ గురించి ఎవరికీ తెలియని ఓ ఇంట్రెస్టింగ్ విషయం వెల్లడించాడు. షూటింగ్ సందర్భంగా సారా తల్లి అమృతా సింగ్ ఓ టవల్ రూ.1600 పెట్టి కొనుగోలు చేసిందట. అది చూసి ఆమె తన తల్లిపై గట్టిగా అరిచిందని విక్కీ ఓ ఇంటర్వ్యూలో వెల్లడించాడు.

"నేను ఒక రోజు ఆమె అమృతాసింగ్ మేడమ్ ను తిడుతుండటం చూశాను. ఏమైందని నేను ఆమెను అడిగాను. అప్పుడు ఆమె స్పందిస్తూ మా అమ్మకు అసలు సెన్స్ లేదు. ఆమె రూ.1600 పెట్టి ఒక టవల్ కొనుగోలు చేసింది. వానిటీ వాన్ లో రెండు, మూడు టవల్స్ ఎలాగూ ఉంటాయి. వాటిలో ఒక దానిని వాడుకోవచ్చు కదా. రూ.1600 పెట్టి ఎవరు టవల్ కొంటారు" అని సారా అన్నట్లు విక్కీ చెప్పాడు.

ఈ ఇద్దరూ కలిసి జరా హట్కే జరా బచ్కే అనే మూవీలో నటించారు. ఈ సినిమా గత శుక్రవారం (జూన్ 2) రిలీజైంది. దీనికి ప్రేక్షకుల నుంచి పాజిటివ్ రెస్పాన్స్ వచ్చింది. తొలి రోజు కలెక్షన్లు కూడా బాగున్నాయి. తొలి రోజు రూ.5.49 కోట్లు వసూలు చేసింది.