Extra Ordinary Man: నితిన్ కెరీర్‌లో బిగ్ రిస్క్ - ఎక్స్‌ట్రా ఆర్డిన‌రీ మ్యాన్ బ్రేక్ ఈవెన్ టార్గెట్ ఎంతంటే?

Extra Ordinary Man: ఎక్స్‌ట్రా ఆర్డిన‌రీ మ్యాన్‌తో కెరీర్‌లోనే బిగ్గెస్ట్ రిస్క్ చేయ‌బోతున్నాడు నితిన్‌. క‌మ‌ర్షియ‌ల్ యాక్ష‌న్ ఎంట‌ర్‌టైన‌ర్‌గా రూపొందుతోన్న ఈ సినిమాకు వ‌క్కంతం వంశీ ద‌ర్శ‌క‌త్వం వ‌హిస్తోన్నాడు. డిసెంబ‌ర్ 8న ఎక్స్‌ట్రా ఆర్డిన‌రీ మ్యాన్ ప్రేక్ష‌కుల ముందుకు రాబోతోంది. కాగా నితిన్ కెరీర్‌లోనే హ‌య్యెస్ట్ ప్రీ రిలీజ్ చేసిన మూవీగా ఎక్స్‌ట్రా ఆర్డిన‌రీ మ్యాన్ నిలిచింది. వ‌ర‌ల్డ్ వైడ్‌గా ఈ సినిమా 24 కోట్ల వ‌ర‌కు ప్రీ రిలీజ్ బిజినెస్ చేసిన‌ట్లు స‌మాచారం. 25 కోట్ల బ్రేక్ ఈవెన్ టార్గెట్‌తో ఎక్స్‌ట్రా ఆర్డిన‌రీ మ్యాన్ రిలీజ్ అవుతోంది.

ఆంధ్రాలో హయ్యెస్ట్…

ఆంధ్రాలో అత్య‌ధికంగా 9 కోట్ల వ‌ర‌కు థియేట్రిక‌ల్ బిజినెస్ జ‌రిగిన‌ట్లు స‌మాచారం. నైజాంలో దాదాపు ఏడు కోట్ల వ‌ర‌కు ఓన్‌గానే నితిన్ తండ్రి సుధాక‌ర్‌రెడ్డి ఈ సినిమాను రిలీజ్ చేయ‌బోతున్న‌ట్లు తెలిసింది. సీడెడ్‌లో మూడు కోట్లు, ఓవ‌ర్‌సీస్‌లో రెండున్న‌ర కోట్ల వ‌ర‌కు ప్రీ రిలీజ్ బిజినెస్ చేసిన‌ట్లు చెబుతోన్నారు. ఎక్స్‌ట్రా ఆర్డిన‌రీ మ్యాన్ కంటే ముందు నితిన్ కెరీర్‌లో రంగ్ దే ఒక్క‌టే ఇప్ప‌టివ‌ర‌కు 24 కోట్ల వ‌ర‌కు ప్రీ రిలీజ్ బిజినెస్ చేసింది. కానీ ఆ సినిమా డిజాస్ట‌ర్‌గా మిగిలింది. ప్ర‌స్తుతం నితిన్‌కు ఉన్న మార్కెట్ దృష్ట్యా ఎక్స్‌ట్రా ఆర్డిన‌రీ మ్యాన్‌తో నితిన్ రిస్క్ చేయ‌బోతున్న‌ట్లు ట్రేడ్ వ‌ర్గాలు చెబుతోన్నాయి.

నాని పోటీ…

నితిన్ మూవీకి పోటీగా నాని హాయ్ నాన్న కూడా ఈ వారం బాక్సాఫీస్ బ‌రిలో నిలిచింది. నాని ఫ్యామిలీ ఆడియెన్స్‌లో గ‌ట్టి ప‌ట్టు ఉండ‌టంతో నితిన్ యూత్ ప్రేక్ష‌కులపైనే ఎక్కువ‌గా ఆశ‌లు పెట్టుకున్నాడు. మ‌రోవైపు యానిమ‌ల్‌ హ‌వా ఇంకా కొన‌సాగుతూనే ఉంది. యానిమ‌ల్ యూత్‌ను ఎక్స్‌ట్రా ఆడుతోన్న‌ థియేట‌ర్ల‌కు ర‌ప్పించ‌డం అంటే ఛాలెంజ్ అనే బాక్సాఫీస్ వ‌ర్గాలు చెబుతోన్నాయి.

ఈ అడ్డంకుల‌ను దాటుకొని నితిన్ బ్రేక్ ఈవెన్ టార్గెట్‌కు చేరువ అవుతాడా? లేదా? అన్న‌ది ఆస‌క్తిక‌రంగా మారింది. ఎక్స్‌టా ఆర్డిన‌రీ మ్యాన్ సినిమాలో శ్రీలీల హీరోయిన్‌గా న‌టిస్తోంది. రాజ‌శేఖ‌ర్ కీల‌క పాత్ర‌ను పోషిస్తున్నాడు. నా పేరు సూర్య నా ఇల్లు ఇండియా త‌ర్వాత వ‌క్కంతం వంశీ ద‌ర్శ‌క‌త్వం వ‌హిస్తోన్న సెకండ్ మూవీ ఇది.