Waltair Veerayya Title Song : వాల్తేరు వీరయ్య టైటిల్ సాంగ్ రిలీజ్.. డీఎస్పీ ట్యూన్ అదుర్స్
26 December 2022, 21:15 IST
- Waltair Veerayya Title Song Released : మెగాస్టార్ చిరంజీవి 'వాల్తేరు వీరయ్య' సినిమా కోసం ఫ్యాన్స్ ఎంతగానో ఎదురుచూస్తున్నారు. ఇప్పటికే విడుదలైన రెండు పాటలు ఆకట్టుకుంటున్నాయి. మూడో పాట వాల్తేరు వీరయ్య టైటిల్ సాంగ్ రిలీజ్ అయింది.
వాల్తేరు వీరయ్య టైటిల్ సాంగ్
మెగాస్టార్ చిరంజీవి(Megastar Chiranjeevi) వరుస సినిమాలతో బిజిబిజిగా ఉన్నాడు. ఆచార్య, గాడ్ ఫాదర్ తో ఈ ఏడాది సందడి చేశాడు. జనవరి 13 వాల్తేరు వీరయ్య(waltair veerayya)తో ప్రేక్షకుల ముందుకు రానున్నాడు. ఫస్ట్లుక్ పోస్టర్, టీజర్తో సినిమా మీద అంచనాలు భారీగా పెరిగాయి. ఇప్పటికే ఈ సినిమాకు సంబంధించి విడుదల చేసిన రెండు పాటలతో ఫ్యాన్స్ ఎంజాయ్ చేస్తున్నారు. తాజాగా విడుదల చేసిన వాల్తేరు వీరయ్య టైటిల్ సాంగ్(waltair veerayya Title Song) సైతం అదరగొట్టాడు డీఎస్పీ.
బగ బగ బగ మండే.. మగ మగ మగ మగాడురా వీడే అంటూ పాట సాగుతోంది. పవర్ ఫుల్ బీజీఎమ్తో ఉన్న ఈ పాట ఫ్యాన్స్కు పూనకాలు తెప్పించేలా ఉంది. చంద్రబోస్ లిరిక్స్ అందించగా.. అనురాగ్ కులకర్ణి చాలా అద్భుతంగా పాడారు. సంగీత దర్శకుడు దేవిశ్రీ ప్రసాద్ పవర్ ఫుల్ ట్యూన్ ఇచ్చాడు. యాక్షన్ సీక్వెన్స్ లో ఈ పాట వచ్చేలా ఉందని అర్థం అవుతోంది. ఆన్ లైన్ లో మెుదట పాటను విడుదల చేశారు. కాసేపటికి యూట్యూబ్ లోనూ అప్ లోడ్ చేశారు. ముందుగా చిరంజీవి ఫొటోను చిత్ర యూనిట్ విడుదల చేసింది. చిరు మాస్ లుక్లో సూపర్ గా కనిపిస్తున్నాడు.
మెగాస్టార్ చిరు(Megastar Chiru), శ్రుతిహసన్ పై మంచు కొండల్లో నువ్వు శ్రీదేవైతే.. పాటను షూట్ చేశారు. ఇటీవలే ఈ రెండో పాటను విడుదల చేసింది చిత్రబృందం. శ్రీదేవి చిరంజీవి సాంగ్(Sridevi Chiranjeevi) మీద.. గతంలో మెగాస్టార్ లీక్ ఇచ్చాడు. ఈ పాట తీసిన లొకేషన్ల గురించి., అక్కడ ఉన్న చలి, మంచులోయ అందాలు, మైనస్ 8 డిగ్రీల ఉష్ణోగ్రత గురించి చెప్పుకొచ్చాడు. దీంతో ఈ పాట మీద అందరికీ ఆసక్తి ఏర్పడింది. మెుదట విడుదలైన బాస్ పార్టీ పాట సైతం ఆకట్టుకుంది.
మైత్రీ మూవీ మేకర్స్(Mythri Movie Makers) నిర్మించిన వాల్తేరు వీరయ్య సినిమాలో చిరంజీవి తమ్ముడి పాత్రలో మాస్ మహారాజా రవితేజ(Ravi Teja) నటిస్తున్నాడు. దర్శకుడు బాబీ సినిమాను ప్రేక్షకులు మెచ్చేలా రూపొందిస్తున్నారు. సంక్రాంతి సందర్భంగా జనవరి 13న వాల్తేరు వీరయ్య విడుదల కానుంది. సంక్రాంతికి బాలకృష్ణ వీరసింహారెడ్డి, వాల్తేర్ వీరయ్య పోటీపడబోతున్నాయి. రెండు సినిమాలనూ మైత్రీ మూవీ మేకర్స్ నిర్మిస్తుండటం గమనార్హం.