Kerala Crime Files Teaser: సెక్స్ వర్కర్ మర్డర్ చుట్టూ తిరిగే క్రైమ్ థ్రిల్లర్.. కేరళ క్రైమ్ ఫైల్స్ టీజర్

Kerala Crime Files Teaser: డిస్నీ ప్లస్ హాట్‌స్టార్ అందిస్తున్న తొలి మలయాళ వెబ్ సిరీస్ కేరళ క్రైమ్ ఫైల్స్ టీజర్ సోమవారం (మే 15) రిలీజైంది. ఓ సెక్స్ వర్కర్ మర్డర్ చుట్టూ తిరిగే స్టోరీ ఇది. మధురం, జూన్ లాంటి సినిమాలు తీసిన డైరెక్టర్ అహ్మద్ కబీర్ ఈ సిరీస్ కు దర్శకత్వం వహించాడు. ఈ సిరీస్ టీజర్ చాలా ఇంట్రెస్టింగ్ గా ఉంది.

మలయాళ నటులు లాల్, అజూ వర్గీస్ ఇందులో ముఖ్యమైన పాత్రల్లో నటించారు. ఈ ఇన్వెస్టిగేటివ్ క్రైమ్ థ్రిల్లర్ మూవీ ఎంతో ఆసక్తి రేపుతోంది. సెక్స్ వర్కర్ ను హత్య చేసిన వ్యక్తిని పట్టుకునే ఇద్దరు పోలీసులు చుట్టూ ఈ కథ తిరుగుతుంది. షిజు పేరుతో ఓ తప్పుడు అడ్రెస్ మాత్రం ఈ కేసులో క్లూగా పోలీసులకు దొరుకుతుంది. మరీ ఈ మర్డర్ మిస్టరీని పోలీసులు ఛేదించారా లేదా అన్నది ఈ సిరీస్ లో చూడాల్సిందే.

ఈ ఏడాది మొదట్లోనే కేరళ క్రైమ్ ఫైల్స్ సిరీస్ షూటింగ్ పూర్తయింది. ఈ సిరీస్ ఆరు ఎపిసోడ్లు పాటు ఉండనున్నట్లు మేకర్స్ వెల్లడించారు. అయితే స్ట్రీమింగ్ తేదీని మాత్రం ఇంకా అనౌన్స్ చేయలేదు. టీజర్ లో కమింగ్ సూన్ అని మాత్రమే చెప్పారు. ఈ వెబ్ సిరీస్ లో అజు, లాల్ తోపాటు కొందరు కొత్త నటీనటులు కూడా కనిపించారు.

ఓటీటీల్లో ఎన్నో ఇంట్రెస్టింగ్ సినిమాలు, వెబ్ సిరీస్ లు మలయాళ ఇండస్ట్రీ నుంచి వచ్చాయి. తాజాగా ఈ కేరళ క్రైమ్ ఫైల్స్ కూడా అందులో ఒకటి. భిన్నమైన కథ, కథనాలతో ప్రేక్షకులను ఆకర్షిస్తుంటారు మలయాళ దర్శకులు. ఈ తాజా సిరీస్ టీజర్ చూస్తుంటే కూడా అలాగే అనిపిస్తోంది. నిజానికి ఈ కేరళ క్రైమ్ ఫైల్స్ కూడా వాస్తవ ఘటనల ఆధారంగా తెరకెక్కిందే.

ఈ వెబ్ సిరీస్ మలయాళంతోపాటు తెలుగు, హిందీ, కన్నడ, తమిళం, మరాఠీ భాషల్లోనూ స్ట్రీమింగ్ కానుంది. మలయాళ సినిమాలు, సిరీస్ లను ఇష్టపడే తెలుగు ప్రేక్షకులు ఈ సిరీస్ ను తెలుగులోనూ చూడొచ్చు.