Chandramukhi 2 OTT Release Date: చంద్రముఖి 2 ఓటీటీ రిలీజ్ డేట్ ఫిక్స్ - స్ట్రీమింగ్ ఎందులో అంటే?
17 October 2023, 6:25 IST
Chandramukhi 2 OTT Release Date: కంగనా రనౌత్ చంద్రముఖి 2 ఓటీటీలోకి వచ్చేది ఎప్పుడన్నది క్లారిటీ వచ్చేసింది. నెట్ఫ్లిక్స్లో ఈ మూవీ స్ట్రీమింగ్ కానుంది.
చంద్రముఖి 2
Chandramukhi 2 OTT Release Date: కంగనా రనౌత్, లారెన్స్ హీరోహీరోయిన్లుగా నటించిన చంద్రముఖి 2 ఓటీటీ ప్రేక్షకుల ముందుకు రాబోతోంది. అక్టోబర్ 27 నుంచి నెట్ఫ్లిక్స్లో (Netflix) ఈ మూవీ స్ట్రీమింగ్ అవుతోన్నట్లు సమాచారం. తమిళం, తెలుగుతో పాటు మలయాళం, కన్నడ, హిందీ భాషల్లో చంద్రముఖి 2 రిలీజ్ కానున్నట్లు తెలిసింది. రజనీకాంత్ (Rajinikanth) కల్ట్ క్లాసిక్ మూవీ చంద్రముఖికి సీక్వెల్గా రూపొందిన ఈ సినిమాకు పి.వాసు దర్శకత్వం వహించాడు.
కంగనా రనౌత్ హీరోయిన్గా నటించడం, కీరవాణి(Keeravani) మ్యూజిక్, లైకా ప్రొడక్షన్స్ నిర్మాణంలో భారీ అంచనాల నడుమ సెప్టెంబర్ 28న పాన్ ఇండియన్ లెవెల్లో రిలీజైన ఈ సీక్వెల్ చంద్రముఖి మ్యాజిక్ను రిపీట్ చేయలేపోయింది. దాదాపు 60కోట్లకుపైగా బడ్జెట్తో రూపొందిన ఈ సినిమా నలభై కోట్లలోపే వసూళ్లను రాబట్టి నిర్మాతలకు 20 కోట్ల వరకు నష్టాలను మిగిల్చింది.
తెలుగు వెర్షన్ డిజాస్టర్గా నిలిచింది. రజనీకాంత్ చంద్రముఖి తరహాలో హారర్, థ్రిల్లింగ్ అంశాలు ఈ సీక్వెల్లో మిస్సయ్యాయనే విమర్శలొచ్చాయి. చంద్రముఖి 2 సినిమాలో మహిమా నంబియార్, లక్ష్మీ మీనన్, సుభీక్ష ప్రధాన పాత్రలు పోషించారు.
చంద్రముఖి 2 కథేమిటంటే?
చంద్రముఖి ప్యాలెస్ నుంచి చాలా ఏళ్ల క్రితం వెళ్లిపోయిన ఆత్మ మళ్లీ తిరిగొస్తుంది. మదన్ (లారెన్స్) కుటుంబాన్ని ఇబ్బందిపెడుతుంది. చంద్రముఖి ఆత్మ బారి నుంచి మదన్ తన కుటుంబాన్ని ఎలా కాపాడుకున్నాడన్నదే ఈ సినిమా కథ.
రిలీజ్కు ముందే లీక్...
ఓటీటీ రిలీజ్కు ముందే చంద్రముఖి 2 సినిమా ఆన్లైన్లో లీకైంది. తమిళ వెర్షన్కు సంబంధించి హెచ్డీ ప్రింట్ పైరసీ సైట్తో పాటు కొన్ని సోషల్ మీడియా ప్లాట్ఫామ్స్లో కనిపించడం ఆసక్తికరంగా మారింది.
టాపిక్