Petrol price in Hyderabad : దేశంలో పెట్రోల్, డీజిల్ ధరలు పెరిగాయా?
27 March 2023, 8:44 IST
Petrol price in Hyderabad : హైదరాబాద్లో లీటరు పెట్రోల్ ధర రూ. 109.66గా ఉంది. లీటరు డీజిల్ ధర రూ. 97.82గా ఉంది.
దేశంలో పెట్రోల్, డీజిల్ ధరలు పెరిగాయా?
Petrol and Diesel price in India : దేశవ్యాప్తంగా పెట్రోల్, డీజిల్ ధరలు సోమవారం స్థిరంగా ఉన్నాయి. వరుసగా 9 నెలల పాటు ఇంధన ధరల్లో మార్పులు చోటుచేసుకోలేదు. దేశ రాజధాని ఢిల్లీలో లీటరు పెట్రోల్ ధర రూ. 96.72గా ఉంది. లీటరు డీజిల్ ధర రూ. 89.62గా ఉంది. ఇక ముంబైలో పెట్రోల్ ధర లీటరుకు రూ. 106.31 పలుకుతోంది. లీటరు డీజిల్ ధర రూ. 94.27గా ఉంది.
హైదరాబాద్లో పెట్రోల్, డీజిల్ ధరలు ఇలా..
కోల్కతాలో లీటరు పెట్రోల్ ధర రూ. 106.03గాను, లీటరు డీజిల్ ధర రూ. 92.76గాను ఉంది. చెన్నైలో లీటరు పెట్రోల్, డీజిల్ ధరలు వరుసగా రూ. 102.63, రూ. 94.24గా ఉన్నాయి.
ఇక తెలంగాణ హైదరాబాద్లో లీటరు పెట్రోల్ ధర రూ. 109.66గాను, డీజిల్ ధర రూ. 97.82గాను ఉంది. ఆంధ్రప్రదేశ్ విజయవాడలో లీటరు పెట్రోల్ ధర రూ. 111.76గా ఉండగా.. లీటరు డీజిల్ ధర రూ. 99.51గా ఉంది.
వివిధ నగరాల్లో పెట్రోల్, డీజిల్ ధరలు ఇలా..
2022 మేలో చివరిసారిగా..
కేంద్రప్రభుత్వం.. దేశంలో ఇంధన ధరలను చివరిసారిగా 2022 మేలో సవరించింది. పెట్రోల్, డీజిల్పై ఎక్సైజ్ సుంకాలను లీటరుకు రూ. 8, రూ. 6 తగ్గించింది. ఫలితంగా పెట్రోల్, డీజిల్ ధరలు వరుసగా రూ. 9.5, రూ. 7 తగ్గాయి. మహారాష్ట్ర ప్రభుత్వం ఇంధన ధరలపై వ్యాట్ను తగ్గించింది. ఫలితంగా ఆ ప్రాంతంలో లీటరు పెట్రోల్, లీటరు డీజిల్పై రూ. 5, రూ. 3 తగ్గాయి.
పెట్రోల్ ధరలు ఒక్కో రాష్ట్రంలో ఒక్కో విధంగా ఉంటాయి. వివిధ రాష్ట్రాల్లో పన్నులు వేరువేరుగా ఉండటమే ఇందుకు కారణం.