Oil companies profit on petrol : లీటరు పెట్రోల్​పై చమురు సంస్థల లాభం ఎంతంటే..

Oil companies profit on petrol : లీటరు పెట్రోల్​పై చమురు సంస్థలు రూ. 10 లాభాలన్ని అర్జిస్తున్నాయి. అదే సమయంలో లీటరు డీజిల్​పై రూ. 6.5 నష్టపోతున్నాయి. ఈ మేరకు ఇటీవలే బయటకొచ్చిన ఓ నివేదిక ఈ వివరాలను వెల్లడించింది.

భారీ నష్టాల నుంచి తేరుకుని…!

చమురు విషయంలో భారత దేశం దిగుమతులపైనే ఎక్కువగా ఆధారపడుతోంది. దేశ చమురు అవసరాల్లో 85శాతం దిగుమతుల ద్వారానే సమకూరుతోంది. ఇక దేశంలోని చమురు మార్కెట్​లో.. ప్రభుత్వ ఆధారిత ఐఓసీ (ఇండియన్​ ఆయిల్​ కార్పొరేషన్​), బీపీసీఎల్​ (భారత్​ పెట్రోలియం కార్పొరేషన్​ లిమిటెడ్​), హెచ్​పీసీఎల్​ (హిందుస్థాన్​ పెట్రోలియం కార్పొరేషన్​ లిమిటెడ్​) వాటా 90శాతం వరకు ఉంటుంది.

Petrol and Diesel price today : కొవిడ్​ సంక్షోభం కారణంగా 2020లో అంతర్జాతీయంగా చమురు ధరలు భారీగా పతనయ్యాయి. కానీ రష్యా ఉక్రెయిన్​ యుద్ధం, ద్రవ్యోల్బణం కారణంగా చమురు ధరలు 2022లో దారుణంగా పెరిగాయి. 2022 మార్చ్​లో బ్యారెల్​ చమురు ధర 140 డాలర్లను తాకింది. ఇది 14ఏళ్ల గరిష్ఠం! ఆ తర్వాత నెమ్మదిగా దిగొస్తూ.. ఈ నెలలో బ్యారెల్​కు 78 డాలర్లను తాకింది.

కాగా.. 2021 నవంబర్​ వరకు దేశంలో చమురు ధరలు పెరుగుతూ వచ్చాయి. ఆ తర్వాత 15 నెలలు దాదాపు స్థిరంగా ఉన్నాయి. గత కొన్ని నెలలుగా చమురు సంస్థలు పెట్రోల్​, డీజిల్​ ధరలను సవరించడం లేదు. చివరిగా 2022 ఏప్రిల్​ 6న దేశంలో చమురు ధరల్లో మార్పు చోటుచేసుకుంది. ఈ పరిణామాలతో చమురు సంస్థలు ఫైనాన్షియల్స్​ తీవ్రంగా ప్రభావితమయ్యాయి. రీటైల్​ అమ్మకాల ధరల కన్నా ముడి సరకు ధరలు భారీగా ఉండటం కారణంగా.. చమురు సంస్థలు నష్టాల్లోకి జారుకున్నాయి. మొత్తం మీద ఏప్రిల్​- సెప్టెంబర్​ త్రైమాసికంలో రూ. 21,201.18కోట్ల నెట్​ లాస్​ను నమోదు చేశాయి. చమురు సంస్థల నష్టానికి పరిహారం చెల్లించేందుకు ప్రభుత్వం యోచిస్తున్న తెలుస్తోంది.

Petrol rates today : అయితే.. చమురు సంస్థలు ప్రస్తుతం లీటరు పెట్రోల్​పై రూ. 10 లాభాన్ని అర్జిస్తున్నట్టు తెలుస్తోంది. కానీ లీటరు డీజిల్​పై రూ. 6.5 నష్టపోతున్నట్టు సమాచారం.

"2022 జూన్​ 24తో ముగిసిన వారంలో.. చమురు సంస్థలు రికార్డు నష్టాన్ని చూశాయి. లీటరు పెట్రోల్​పై రూ. 17.4, లీటరు డీజిల్​పై రూ. 27.7 నష్టపోయాయి. ఇప్పుడు పరిస్థితుల్లో మార్పులు కనిపిస్తున్నాయి. 2022 అక్టోబర్​- డిసెంబర్​ త్రైమాసికంలో లీటరు పెట్రోల్​పై చమురు సంస్థలు రూ. 10 లాభాన్ని అర్జించాయి. డీజిల్​పై నష్టాలు కూడా దిగొచ్చాయి. డిసెంబర్​తో ముగిసిన త్రైమాసికంలో లీటరు డీజిల్​పై రూ. 6.5 నష్టాన్ని నమోదు చేశాయి," అని ఓ నివేదిక వెల్లడించింది. రానున్న కాలంలో చమురు సంస్థలు మళ్లీ లాభాల బాట పడతాయని అంచనాలు ఉన్నాయి.

Petrol and Diesel price in Hyderabad today : మొత్తం మీద 2022 ఏప్రిల్​ 6 నుంచి దేశవ్యాప్తంగా చమురు ధరలు స్థిరంగా ఉన్నాయి. ప్రస్తుతం హైదరాబాద్​లో లీటరు పెట్రోల్​ ధర రూ. 109.6గా ఉంది. ఇక లీటరు డీజిల్​ ధర రూ. 97.82గా ఉంది. ఢిల్లీలో లీటరు డీజిల్​ ధర రూ. 89.62గాను, లీటరు పెట్రోల్​ ధర రూ. 96.72గా కొనసాగుతోంది.