IndusInd Bank dividend: స్టాక్ మార్కెట్లో ఇండస్ ఇండ్ బ్యాంక్ దూకుడు; షేర్ హోల్డర్లకు డివిడెండ్ కూడా..

మే 24, బుధవారం ఇండస్ఇండ్ బ్యాంక్ (indusind bank) షేర్లు రూ. 1245.25 వద్ద ట్రేడ్ అవడం ప్రారంభమైంది. ఉదయం నుంచి ఈ షేర్ల ర్యాలీ కొనసాగింది. ఇంట్రా డే హై రూ. 1275 కి చేరాయి.అలాగే, 52 వారాల గరిష్టానికి చేరువయ్యాయి. చివరకు రూ. 1271.75 వద్ద ముగిశాయి. బ్యాంక్ బోర్డ్ ఆఫ్ డైరెక్టర్స్ చేసిన డివిడెండ్ ప్రకటనతో ఈ షేర్ల ర్యాలీ మరింత వేగంగా కొనసాగింది.

IndusInd Bank results: రూ. 14 డివిడెండ్

Q4FY23 ఫలితాలతో పాటు బ్యాంక్ షేర్ హోల్డర్లకు ఒక్కో ఈక్విటీ షేర్ పై రూ. 14 ల ఫైనల్ డివిడెండ్ ను కూడా ఇండస్ ఇండ్ బ్యాంక్ ప్రకటించింది. ఈ డివిడెండ్ చెల్లింపునకు రికార్డ్ డేట్ గా జూన్ 2 వ తేదీని ప్రకటించింది. Q4FY23 లో ఇండస్ ఇండ్ బ్యాంక్ రూ. 2,040.51 కోట్ల నికర లాభాలను ఆర్జించింది. ఇవి Q4FY22 లో బ్యాంక్ సాధించిన రూ. 1,361.37 నికర లాభాల కన్నా సుమారు 50% అధికం. అలాగే Q4FY23 లో ఇండస్ ఇండ్ బ్యాంక్ రూ. 4,669.46 కోట్ల నికర వడ్డీ ఆదాయం (Net interest income) పొందింది. Q4FY22 కన్నా ఇది 17% అధికం. Q4FY23 లో ఇండస్ ఇండ్ బ్యాంక్ మొత్తం ఆదాయం రూ. 6,823 కోట్లు. బ్యాంక్ ఎన్పీఏ (NPA) విలువ కూడా Q3FY23 లో ఉన్న 0.62% నుంచి కొంత తగ్గి 0.59 శాతానికి చేరాయి.