Hyundai Creta N Line : క్రేటా ఎన్ లైన్ రెండు వేరియంట్ల మధ్య డిఫరెన్స్ ఇదే!
16 March 2024, 11:56 IST
- Hyundai Creta N Line : హ్యుందాయ్ క్రేటా ఎన్ లైన్ కొనాలని చూస్తున్నారా? అయితే.. రెండు వేరియంట్ల మధ్య డిఫరెన్స్ని ఇక్కడ తెలుసుకోండి..
సరికొత్త హ్యుందాయ్ క్రేటా ఎన్లైన్..
Hyundai Creta N Line price in Hyderabad : హ్యుందాయ్ మోటార్ ఇండియా లిమిటెడ్.. భారత మార్కెట్లో క్రెటా ఎన్ లైన్ని ఇటీవలే లాంచ్ చేసింది. ఇది.. స్టాండర్డ్ క్రేటా కన్నా బోల్డ్గా, స్పోర్టీగా ఉంది. అయితే.. ఈ హ్యుందాయ్ క్రెటా ఎన్ లైన్లో రెండు వేరియంట్లు మాత్రమే ఉన్నాయి. అవి.. ఎన్8, ఎన్10. రెండు వేరియంట్లలోనూ ఒకటే (1.5-లీటర్ టర్బో పెట్రోల్) ఇంజిన్ ఉంది. 6-స్పీడ్ మేన్యువల్, 7-స్పీడ్ డీసీటీ ట్రాన్స్ మిషన్ ఆప్షన్స్ ఉన్నాయి. ఇక ఇప్పుడు.. ఈ రెండు వేరియంట్స్ మధ్య డిఫరెన్స్ని ఇక్కడ చూద్దాము..
Stock Market News: శనివారమైనా రేపు స్టాక్ మార్కెట్ పని చేస్తుంది.. కారణం ఏంటంటే..?
Personal loan for business : వ్యాపారం కోసం పర్సనల్ లోన్ తీసుకుంటున్నాారా? తప్పు చేసినట్టే!
Stocks to buy today : ట్రేడర్స్ అలర్ట్.. ఈ రూ. 390 స్టాక్ని ట్రాక్ చేయండి- భారీ లాభాలు!
Mahindra XUV 3XO : గంటలో 50వేల బుకింగ్స్.. ఇదీ మహీంగ్స్ ఎక్స్యూవీ 3ఎక్స్ఓ క్రేజ్!
హ్యుందాయ్ క్రెటా ఎన్ లైన్: సెక్యూరిటీ ఫీచర్లు
క్రెటా ఎన్ లైన్లో 6 ఎయిర్ బ్యాగ్స్, ఎలక్ట్రానిక్ స్టెబిలిటీ కంట్రోల్, వెహికల్ స్టెబిలిటీ మేనేజ్మెంట్, హిల్ స్టార్ట్ అసిస్ట్, టైర్ ప్రెజర్ మానిటరింగ్ సిస్టమ్, ఆల్-4 డిస్క్ బ్రేక్స్, ఎమర్జెన్సీ స్టాప్ సిగ్నల్ వంటి భద్రతా ఫీచర్లు ఉన్నాయి. ఆటోమేటిక్ హెడ్ ల్యాంప్స్, పాడల్ ల్యాంప్స్, సెన్సార్లతో కూడిన రియర్ పార్కింగ్ కెమెరా, డ్రైవర్ రియర్ వ్యూ మానిటర్ సైతం ఉన్నాయి.
ఎన్8 వేరియంట్లో డ్యూయెల్ కెమెరాతో డాష్కామ్, ఎన్10 వేరియంట్లో ఫ్రంట్ పార్కింగ్ సెన్సార్లు, ఆటో డిమ్మింగ్ ఐఆర్వీఎం, హ్యుందాయ్ స్మార్ట్సెన్స్ అనే అడ్వాన్స్డ్ డ్రైవర్ ఎయిడ్స్ సిస్టమ్ వంటివి ఉన్నాయి.
హ్యుందాయ్ క్రెటా ఎన్ లైన్ ఎన్ 8: ఎక్స్టీరియర్
Hyundai Creta N Line variants : హ్యుందాయ్ క్రెటా ఎన్ లైన్.. ఎన్ లోగోతో 18-ఇంచ్ డైమండ్ కట్ అల్లాయ్ వీల్స్ తో వస్తుంది, రెడ్ యాక్సెంట్తో పాటు బంపర్లు మరియు సైడ్లో ఎన్ లైన్ లోగో వంటివి స్టాండర్డ్గా వస్తున్నాయి. ఈ ఎస్యూవీలో ఉన్న లైటింగ్ ఎలిమెంట్స్ అన్నీ ఎల్ఈడీ యూనిట్లే. వెనుక భాగంలో ట్విన్-టిప్ ఎగ్జాస్ట్ యూనిట్, రియర్ స్పాయిలర్ వస్తున్నాయి.
హ్యుందాయ్ క్రెటా ఎన్ లైన్ ఎన్ 8: ఇంటీరియర్
హ్యుందాయ్ క్రెటా ఎన్ లైన్లో.. రెడ్ యాక్సెంట్ ఆల్-బ్లాక్ ఇంటీరియర్ స్టాండర్డ్గా ఉంటుంది. లెథరెట్ సీట్లు, కొత్త గేర్ లివర్, ఎన్ సింబల్తో కొత్త త్రీ-స్పోక్ స్టీరింగ్ వీల్ ఉన్నాయి. స్పోర్టీ అప్పీల్ను పెంచడానికి, హ్యుందాయ్ మెటాలిక్ పెడల్స్ను అందిస్తోంది. రియర్ విండో సన్ షేడ్స్, రియర్ పార్శిల్ ట్రే, హైట్ అడ్జెస్టెబుల్ హెడ్ రెస్ట్లు, 2-స్టెప్స్ రియర్ సీట్ రెక్లైన్, వెనుక సీటు కోసం 60:40 డివైడ్ కూడా ఇందులో ఉన్నాయి.
హ్యుందాయ్ క్రెటా ఎన్ లైన్ ఎన్ 10: ఇంటీరియర్
Hyundai Creta N Line : హ్యుందాయ్ క్రేటా ఎన్ లైన్ ఎన్ 10 ఎస్యూవీ ట్రిమ్లో రెడ్ యాంబియంట్ లైటింగ్, హెడ్ రెస్ట్ కోసం రియర్ కుషన్స్, డ్రైవర్ సీటు కోసం ఎలక్ట్రికల్ అడ్జెస్టెబుల్ వంటివి ఉన్నాయి. వాయిస్ ఎనేబుల్డ్ పనోరమిక్ సన్ రూఫ్, వెంటిలేటెడ్ ఫ్రంట్ సీట్లు కూడా ఉన్నాయి. హ్యుందాయ్ ఆండ్రాయిడ్ ఆటో, ఆపిల్ కార్ ప్లే, బోస్ స్పీకర్ సిస్టమ్తో కూడిన పెద్ద 10.25-ఇంచ్ టచ్ స్క్రీన్ ఇన్ఫోటైన్మెంట్ సిస్టమ్ను కూడా అందిస్తోంది. ఇన్స్టుమెంట్ క్లస్టర్, ఓటీఏ అప్డేట్స్, బ్లూలింక్ కనెక్టెడ్ కార్ టెక్నాలజీ కోసం 10.25 ఇంచ్ డిజిటల్ స్క్రీన్ కూడా ఉంది.