Term insurance : ఈ తప్పులు చేస్తే మీ టర్మ్ ఇన్ష్యూరెన్స్ క్లెయిమ్ రిజెక్ట్ అవుతుంది.. జాగ్రత్త!
06 May 2023, 20:05 IST
- Term insurance plan : మంచి టర్మ్ ఇన్ష్యూరెన్స్ తీసుకుంటే సరిపోదు. అన్ని వివరాలు సరిగ్గా వెల్లడించాలి. లేకపోతే.. క్లెయిమ్ రిజెక్ట్ అయ్యే అవకాశాలు ఉంటాయి. అప్పుడు ప్రశ్నించేందుకు మీరు కూడా ఉండరు! అందుకే.. టర్మ్ ఇన్ష్యూరన్స్ తీసుకునేటప్పుడు చేయకూడదని తప్పుల గురించి ఇక్కడ తెలుసుకోండి.
ఈ తప్పులు చేస్తే మీ టర్మ్ ఇన్ష్యూరెన్స్ రిజెక్ట్ అవుతుంది..
Term insurance plan : జీవితంలో ఎప్పుడేం జరుగుతుందో చెప్పడం కష్టం. అప్పటివరకు సంతోషంగా ఉన్న జీవితం.. ఒక్కసారిగా తలకిందులు అయిపోవచ్చు. ఈ సమయంలో కుటుంబం గుర్తొస్తుంది. వారికి ఆర్థికంగా ఏదైనా చేసి ఉండేదని అనిపిస్తుంది. అందుకే మనకి 'టర్మ్ ఇన్ష్యూరెన్స్'లు ఉన్నాయి. ఈ టర్మ్ ఇన్ష్యూరెన్స్ పాలసీతో మనం ప్రశాంతంగా జీవించవచ్చు. అయితే.. కొన్ని సందర్భాల్లో టర్మ్ ఇన్ష్యూరెన్స్ క్లెయిమ్ రిజెక్ట్ అవుతుంది. అలా జరగకూడదంటే.. మనం ఎలాంటి జాగ్రత్తలు తీసుకోవాలి?
వ్యాధుల గురించి చెప్పకపోవడం..
టర్మ్ ఇన్ష్యూరెన్స్ ప్లాన్ తీసుకుంటున్నప్పుడు.. మీరు పూర్తి వివరాలను వెల్లడించాల్సి ఉంటుంది. దేనిని దాచకూడదు. మీ ఆరోగ్యం, మీకు ఉన్న వ్యాధులు, లైఫ్స్టైల్ వంటివి కచ్చితంగా, సరిగ్గా చెప్పాలి. ప్రీమియం తగ్గుతుంది అనుకుని తప్పులు చెబితే.. భవిష్యత్తులో టర్మ్ ఇన్ష్యూరెన్స్ రిజెక్ట్ అవుతుంది. ప్రశ్నించేందుకు మీరు ఉండరు కూడా!
Term insurance rejections reasons : "ఇన్ష్యూరెన్స్ తీసుకున్న కస్టమర్.. తన ఆరోగ్య పరమైన వివరాలను సరిగ్గా ఇవ్వకపోత.. సంబంధిత వ్యక్తి బీమా పాలసీ రిజెక్ట్ అవుతుంది. కస్టమర్ ఇచ్చే వివరాలపై ఇషన్ష్యూరెన్స్ పాలసీలు ఆధారపడి ఉంటాయి. ప్రమాదకరమైన వృత్తిలో ఉన్నా చెప్పాల్సి ఉంటుంది. లేకపోతే కస్టమర్ తర్వాత కుటుంబసభ్యులు ఇబ్బందులు ఎదుర్కోవాల్సి వస్తుంది," అని కొటాక్ మహీంద్రా లైఫ్ ఇన్ష్యూరెన్స్లోని చీఫ్ రిస్క్ ఆఫీసర్ సునీల్ శర్మ తెలిపారు.
ప్రిమియంలు సరిగ్గా కట్టకపోతే..
పాలసీ లాప్స్ అయిపోతే ప్రయోజనం ఏం ఉండదు. కొన్నిసార్లు పాలసీ హోల్డర్లు ప్రీమియంలను సకాలంలో చెల్లించడం మర్చిపోతూ ఉంటారు. 30 రోజుల వరకు గ్రేస్ పీరియడ్ ఉంటుంది. అయినప్పటికీ ప్రీమియం కట్టకపోతే.. పాలసీ లాప్స్ అయిపోతుంది. అందుకే ఎప్పటికప్పుడు ప్రీమియంలను సకాలంలో కడుతూ ఉండాలి. పాలసీ లాప్స్ అయిన ఒక్క రోజు తర్వాత క్లైయిమ్ చేసినా.. అది రిజెక్ట్ అయ్యే ప్రమాదం ఉంటుంది.
ఇతర ఇన్ష్యూరెన్స్ పాలసీల వివరాలు..
Term insurance plan benefits : టర్మ్ ప్లాన్ తీసుకుంటున్నప్పుడు.. మీ వద్ద అప్పటికే ఉన్న ఇన్ష్యూరెన్స్ పాలసీల గురించి చెప్పాలి. ప్రస్తుతం, పాత పాలసీలను కూడా డిస్క్లోజ్ చేయాలి.
"మీ వద్ద అప్పటికే ఏమైనా పాలసీలు ఉంటే.. వాటి వివరాలు దాచకూడదు. అలా జరిగితే మీ టర్మ్ ప్లాన్ క్లెయిన్ రిజెక్ట్ అవుతుంది," అని పాలసీబజార్.కామ్ టర్మ్ లైఫ్ ఇన్ష్యూరెన్స్ హెడ్ రిషభ్ గర్గ్ తెలిపారు.
లైఫ్స్టైల్ వివరాలు దాచకూడదు..
Term insurance plan best : మీకు సిగరెట్, మద్యం, అనారోగ్యకరమైన తిండి అలవాట్లు ఉంటే.. వాటిని కచ్చితంగా చెప్పాలి. అంతేకాకుండా.. మీరు డీప్ సీ డైవింగ్, పారాగ్లైండింగ్ వంటి వాటిపై ఆసక్తి ఉన్నా చెప్పాల్సిందే. ఈ వివరాలతో కంపెనీ.. మీ వ్యక్తిగత ప్లాన్ను ఇవాల్యువేట్ చేస్తుంది.
నామినీ వివరాలు ఇవ్వాల్సిందే..
నామినీ వివరాలు వెల్లడించడం ఎందులోనైనా అత్యంత కీలకం. మీ తదనాంతరం ప్లాన్ సొమ్ము ఎవరికి దక్కాలి? అన్న విషయాన్ని చెప్పకోపోతే.. క్లైయిమ్ సెటిల్మెంట్ సమయంలో ఇబ్బందులు ఎదుర్కోవాల్సి వస్తుంది.
"నామినీ వివరాలు లేకపోయినా క్లెయిన్ రిజెక్ట్ అవుతుంది. నామినీ వివరాలను పాలసీదారుడు కచ్చితంగా చెప్పాలి. కొన్ని సందర్భాల్లో.. పాలసీ ఉందనే విషయమే నామినీకి తెలియదు. అంతా తెలిసిన తర్వాత.. క్లెయిమ్ చేసుకోవడానికి వెళ్లేసరికి లేటు అయిపోతుంది," అని రెన్యూబై కో-ఫౌండర్ ఇంద్రనీల్ ఛట్టర్జీ అన్నారు.
మోసాలు..
Term insurance best : మరణించిన వారి పేరు మీదో లేక తీవ్ర అనారోగ్యం పాలైన వారి పేరు మీదో మరో వ్యక్తి టర్మ్/ లైఫ్ ఇన్ష్యూరెన్స్ పాలసీ తీసుకున్న సందర్భాలూ ఉన్నాయి. మోసం చేయడానికి ఇలా చేస్తుంటారు. చెకింగ్లో మోసం జరుగుతోందని తేలితే.. టర్మ్ పాలసీ రిజెక్ట్ అవుతుంది.
పైన చెప్పిన విధంగా.. వివరాలను సరిగ్గా ఇచ్చి, మీరు టర్మ్ ఇన్ష్యూరెన్స్ తీసుకోండి. ఫలితంగా క్లెయిమ్ సమయంలో ఎలాంటి ఇబ్బందులు ఉండవు అన్న నమ్మకం మీకు కలుగుతుంది.