Nalgonda: రాములోరి రథానికి కరెంట్ షాక్.. ముగ్గురు మృతి

నల్గొండ జిల్లాలోని ఓ ఆలయంలో విషాదం నెలకొంది. నాంపల్లి మండలం కేతపల్లి రామాలయంలో రథాన్ని తరలిస్తుండగా ప్రమాదవశాత్తు విద్యుదాఘాతం సంభవించింది. రథానికి కరెంట్ వైర్లు తగిలి ముగ్గురు అక్కడికక్కడే ప్రాణాలు కోల్పోయారు. రాజబోయిన యాదయ్య, పొగాకు మోహణయ్య, దాసరి ఆంజనేయులను మృతులుగా గుర్తించారు. పోలీసులు కేసు నమోదు చేసుకుని దర్యాప్తు చేస్తున్నారు.  మరోవైపు గ్రామంలో విషాదఛాయలు అలుముకున్నాయి.