MI Cape Town: సౌతాఫ్రికా టీ20 లీగ్‌లో ముంబయి ఇండియన్స్.. జట్టు ప్రకటన

ఇండియన్ ప్రీమియర్ లీగ్ ఆరంభంతో ప్రపంచవ్యాప్తంగా క్రికెట్ ఆడే దేశాల్లో స్థానిక టీ20లీగుల్లో విపరీతంగా పుట్టుకొచ్చాయి. కరేబియన్ ప్రీమియర్ లీగ్, బిగ్‌బాష్, పాకిస్థాన్ సూపర్ లీగ్ ఇలా ఒక్కటేమిటి చాలా వరకు టీ20 లీగులపై మక్కువ పెంచుకున్నారు. తాజాగా ఈ జాబితాలో దక్షిణాఫ్రికా కూడా చేరిపోయింది. క్రికెట్ సౌతాఫ్రికా బోర్డు.. ఐపీఎల్ తరహాలో టీ20 లీగును ఆరంభించనుంది. ఈ టీ20లీగులో ఐపీఎల్ ఫ్రాంచైజీ ముంబయి ఇండియన్స్(MI) యాజామన్యం కూడా భాగమైంది. ఎంఐ కేప్‌ టౌన్ అనే పేరుతో ఫ్రాంచైజీని ఏర్పాటు చేసింది. తాజాగా ఈ జట్టులో ఆడేందుకు ఐదుగురు ఫస్ట్ గ్రూప్ ఆటగాళ్లను ప్రకటించింది.

క్రికెట్ సౌతాఫ్రికా టీ20 లీగ్ ఆరంభ సీజన్‌లో ముంబయి కేప్ టౌన్ జట్టు తన మొదటి ఐదుగురు ఆటగాళ్లెవరో ప్రకటించింది. #onefamily పేరుతో ఆటగాళ్ల వివరాలను షేర్ చేసింది. అభిమానులను గుర్తించేందుకు వీలుగా బ్లూ అండ్ కలర్స్‌లో లోగోను ఆవిష్కరించింది. ఈ ఐదుగురు ఆటగాళ్లలో ముగ్గురు విదేశీ ఆటగాళ్లు కాగా.. ఓ సౌతాఫ్రికా క్యాప్‌డ్ ప్లేయర్, మరోకరు సౌతాఫ్రికా అన్‌క్యాప్‌డ్ ప్లేయర్‌ను తన జట్టులో భాగం చేసింది.

ఈ జట్టులో కగిసో రబాడా(దక్షిణాఫ్రికా), డేవాల్డ్ బ్రెవీస్(దక్షిణాఫ్రికా-అన్ క్యాప్డ్ ప్లేయర్), రషీద ఖాన్(ఆఫ్గనిస్థాన్), సామ్ కరన్(ఇంగ్లాండ్), లియామ్ లివింగ్‌స్టోన్(ఇంగ్లాండ్) లాంటి ఆటగాళ్లను ఎంఐ ఫ్రాంచైజీ తీసుకుంది. ఇప్పటికే ఎంఐ ఫ్రాంచైజీ మై కేప్‌టౌన్ వచ్చేలా, అభిమానులకు నచ్చేలా ఎంఐ కేప్ టౌన్ అని ఫిక్స్ చేసింది.

ఎంఐ కేప్ టౌన్‌లో భాగమైన ఈ ఆటగాళ్లు గత కొన్ని ఏళ్లుగా స్థిరంగా మంచి ప్రదర్శన చేస్తున్నారు. డేవాల్డ్ బ్రివీస్ 2022లో ముంబయి ఇండియన్స్‌ తరఫున అద్భుత ప్రదర్శన చేశాడు. ఈ టీ20 లీగ్ నిబంధనల ప్రకారం వేలానికి ముందే కొంతమంది ఆటగాళ్లతో ఒప్పందం కుదుర్చుకునే అవకాశముంది.