Guru Pushya Nakshatram: దీపావళికి ముందే గురు పుష్య నక్షత్రం- ఆరోజు ఏ పని తలపెట్టినా విజయం మీదే
Guru Pushya Nakshatram: అక్టోబర్ 31వ తేదీన దీపావళి పండుగ జరుపుకోనున్నారు. దీనికి ముందే పవిత్రమైన గురు పుష్య నక్షత్రం రాబోతుంది. అక్టోబర్ 24 పుష్య నక్షత్రం వచ్చింది. ఈ సమయంలో ఏ పని తలపెట్టిన అందులో విజయం సాధిస్తారు. కొత్త పనులు చేపట్టేందుకు అద్భుతమైన రోజుగా పరిగణిస్తారు.
గురు పుష్య నక్షత్రం అక్టోబర్‌లో దీపావళికి ముందు కనిపిస్తుంది. జ్యోతిష్య శాస్త్రం ప్రకారం పుష్య నక్షత్రం అత్యంత పవిత్రమైనది, శ్రేష్ఠమైనదిగా చెబుతారు. ఈ నక్షత్రంలో చేసే పనులు చాలా శుభ ఫలితాలను ఇస్తాయని, అందుకే ఈ యోగంలో షాపింగ్ చేయాలని చెబుతారు.
గురువారం పుష్య నక్షత్రం వస్తే దాన్ని గురు పుష్య నక్షత్రంగా పిలుస్తారు. ఈ సారి దీపావళికి ముందు అక్టోబర్ 24న కనిపిస్తుంది. పంచాంగం ప్రకారం, ఈ నక్షత్రం ఉదయం 11.38 గంటలకు కనిపిస్తుంది. అక్టోబర్ 25 న 12.30 వరకు ఉంటుంది.
దీపావళికి ముందు గురు పుష్య నక్షత్రం షాపింగ్ చేయడానికి, లక్ష్మీదేవి ఆశీర్వాదం కోసం చాలా మంచిది. అందువల్ల ఈ నక్షత్రంలో మనం కొంత షాపింగ్ చేయడానికి ప్రయత్నించాలి.
లక్ష్మీనారాయణుల ఆరాధనకు విశేష విశిష్టత
పుష్య నక్షత్రం ఆదివారం పడితే రవి పుష్య నక్షత్రం అని, గురువారం వస్తే గురు పుష్య నక్షత్రం అని అంటారు. సాధారణంగా గురువారం లేదా ఆదివారం పడే పుష్య నక్షత్రం ఉత్తమమైనదిగా పరిగణించబడుతుంది. దీనిని పుష్య రాశుల రాజు అంటారు. ఈ నక్షత్రానికి అధిపతి గురువు. అందుకే ఈ లక్ష్మీ నారాయణుని పూజ విశిష్టమైనదిగా చెప్పబడింది.
గురు పుష్య నక్షత్రం రోజున శ్రీమహావిష్ణువును పూజించి అరటి చెట్టు వేరుకు నీరు, శనగపప్పు సమర్పించాలని చెబుతారు. విష్ణువు, లక్ష్మీదేవికి పంచామృతంతో అభిషేకం చేయాలి. తులసితో పంచమేవ సమర్పించాలి. ఇలా చేయడం వల్ల లక్ష్మీనారాయణుల అనుగ్రహంతో సంపద పెరుగుతుంది.
గురు పుష్య నక్షత్రం వచ్చిన వేళ ఏ పని మొదలుపెట్టినా అది నిర్విఘ్నంగా పూర్తి అవుతుంది. అందుకే ఇది చాలా పవిత్రమైనదిగా చెప్తారు. లక్ష్మీదేవి ఆరాధనకు చాలా విశేషమైనది. కొత్త పనులు ప్రారంభించవచ్చు. అలాగే కొత్త కార్యాలయాలు, ఒప్పందాలు చేసుకోవచ్చు. ఇంటి నిర్మాణానికి పునాది వేసుకోవచ్చు. ఈ నక్షత్రం ఉన్న సమయంలో వ్యాపారం ప్రారంభిస్తే లాభాల పంట పండుతుంది.
గురు పుష్య నక్షత్రం ఉన్న సమయంలో గురు గ్రహం అనుగ్రహం ఉంటుంది. ఈ సమయంలో ఎటువంటి కొత్త పని అయినా ప్రారంభించుకోవచ్చు. ఇది శుభకాలంగా పిలుస్తారు. అందుకే దీన్ని అమృత యోగం అంటారు. కానీ ఈ సమయంలో వివాహ కార్యక్రమాలు మాత్రం చేపట్టకూడదు.
గమనిక: ఈ కథనంలో అందించిన సమాచారం పూర్తిగా నిజం మరియు ఖచ్చితమైనది అని మేము క్లెయిమ్ చేయము. వీటిని అవలంబించే ముందు, ఖచ్చితంగా సంబంధిత రంగంలోని నిపుణుల సలహా తీసుకోండి.
