Lucky zodiac signs: 50 ఏళ్ల తర్వాత చతుర్గ్రాహి యోగం.. ఈ రాశులకు వరం, కోరుకున్నది జరుగుతుంది-chaturgrahi yoga after 50 years in pisces these signs get benefits ,రాశి ఫలాలు న్యూస్
తెలుగు న్యూస్  /  రాశి ఫలాలు  /  Lucky Zodiac Signs: 50 ఏళ్ల తర్వాత చతుర్గ్రాహి యోగం.. ఈ రాశులకు వరం, కోరుకున్నది జరుగుతుంది

Lucky zodiac signs: 50 ఏళ్ల తర్వాత చతుర్గ్రాహి యోగం.. ఈ రాశులకు వరం, కోరుకున్నది జరుగుతుంది

Gunti Soundarya HT Telugu
Apr 06, 2024 10:30 AM IST

Lucky zodiac signs: సుమారు 50 సంవత్సరాల మీన రాశిలో చతుర్గ్రాహి యోగం ఏర్పడుతుంది. ఈ సమయం కొన్ని రాశుల వారికి ఒక వరం. కోరుకున్న పనులన్నీ ఎటువంటి ఆటంకాలు లేకుండా జరుగుతాయి.

50 ఏళ్ల తర్వాత చతుర్గ్రాహి యోగం
50 ఏళ్ల తర్వాత చతుర్గ్రాహి యోగం (freepik)

Lucky zodiac signs: అనేక గ్రహాల సంచారం, చైత్ర నవరాత్రులు, సూర్యగ్రహణం, తెలుగు నూతన సంవత్సరాది ఉగాది పండుగ వంటి ముఖ్యమైన వాటితో ఏప్రిల్ నెలలో చాలా ప్రత్యేకంగా నిలిచింది. ఈ నెలలో ఒకే రాశిలో నాలుగు గ్రహాలు కలయిక జరుగుతుంది. ఫలితంగా అద్భుతమైన ఖగోళ దృశ్యం ఆవిష్కృతమవుతుంది.

మీన రాశిలో సూర్యుడు, బుధుడు, శుక్రుడు, రాహువు కలయిక జరుగుతుంది. దీనివల్ల చతుర్గ్రాహి యోగం ఏర్పడుతుంది. గ్రహాల రాకుమారుడు బుధుడు ఏప్రిల్ 9వ తేదీ ఉగాది రోజున మీన రాశిలోకి ప్రవేశిస్తాడు. అక్కడ ఇప్పటికే రాహువు, శుక్రుడు, సూర్యుడు సంచరిస్తున్నారు. మీనంలో ఈ నాలుగు గ్రహాల కలయిక వల్ల 50 ఏళ్ల తర్వాత చతుర్గ్రాహి యోగం ఏర్పడుతుంది.

సూర్యుడు, బుధుడు కలయిక వల్ల బుధాదిత్య రాజయోగం ఏర్పడుతుంది. అలాగే శుక్రుడు, బుధుడు కలిసి లక్ష్మీనారాయణ యోగాన్ని ఏర్పరుస్తున్నారు. ఇలా మీన రాశిలో మూడు రాజయోగాలు ఒకేసారి ఏర్పడుతున్నాయి. దీనివల్ల కొన్ని రాశుల వారికి మంచి ఫలితాలు లభిస్తాయి. సంపద పెరుగుతుంది. సూర్యదేవుని అనుగ్రహంతో ఆత్మవిశ్వాసం పెరిగి అన్ని పనుల్లో విజయం సాధిస్తారు. ప్రగతి పథంలో దూసుకెళ్తారు. పనిలో ఆటంకాలు తొలగి జీవితంలో సుఖసంతోషాలు నెలకొంటాయి.

ఇది మాత్రమే కాకుండా ఈ యోగం ఏర్పడటానికి ఒక రోజు ముందు ఏప్రిల్ 8న మీన రాశిలో సూర్యగ్రహణం ఏర్పడుతుంది. సుమారు 54 సంవత్సరాల తర్వాత సంపూర్ణ సూర్యగ్రహణం ఏర్పడుతుంది. మీన రాశిలో ఏర్పడబోతున్న చతుర్గ్రాహి యోగంతో ఏయే రాశులు ప్రకాశిస్తాయో తెలుసుకుందాం.

మిథున రాశి

చతుర్గ్రాహి యోగం ప్రభావంతో ఉద్యోగ, వ్యాపారాల్లో మిథున రాశి వారికి వాతావరణం అనుకూలంగా ఉంటుంది. కెరీర్ ఎదుగుదలకు ఎన్నో సువర్ణ అవకాశాలు లభిస్తాయి. సంపద పెరిగే అవకాశం ఉంది. వైవాహిక జీవితం సంతోషంగా ఉంటుంది. కుటుంబంలో శాంతి సంతోషాలు నెలకొంటాయి. ఉద్యోగస్తులకు పదోన్నతి లేదా జీతం పెరుగుదల ఉంటుంది. వ్యాపారంలో లాభాలు గడిస్తారు.

కన్యా రాశి

శుక్రుడు, సూర్యుడి కలయిక వల్ల కన్యా రాశి వారి సామాజిక ప్రతిష్ట పెరుగుతుంది. కెరీర్ ఎదుగుదలకు అనేక అవకాశాలు లభిస్తాయి. వ్యాపారంలో లాభాలు ఉంటాయి. ప్రభుత్వ ఉద్యోగాలకు సిద్ధమవుతున్న విద్యార్థులకు శుభవార్తలు అందుతాయి. తోటి వారితో ఏర్పడిన విభేదాలు తొలగిపోతాయి. భాగస్వామి సహకారం లభిస్తుంది. సంతోషకరమైన జీవితాన్ని గడుపుతారు.

ధనుస్సు రాశి

సూర్యుడు, బుధుడు, రాహువు, శుక్రుడు కలయిక ధనుస్సు రాశి వారికి అద్భుతమైన లాభాలను చేకూరుస్తుంది. జీవితంలో దేనికి లోటు ఉండదు. సంబంధాల్లో ప్రేమ పెరుగుతుంది. భూమి లేదా వాహనం కొనుగోలు చూసే అవకాశం ఉంది. ధన ప్రవాహానికి కొత్త మార్గాలు సుగమం అవుతాయి. మీ జీవిత భాగస్వామి నుండి మీరు అనేక సర్ ప్రైజ్ లు పొందుతారు. జీవితాన్ని సౌకర్యవంతంగా, విలాసంగా గడుపుతారు.

మీన రాశిలో చతుర్గ్రాహి యోగంతో పాటు బుధాదిత్య యోగం, లక్ష్మీనారాయణ యోగం కూడా ఈ రాశుల వారికి అదృష్టాన్ని తీసుకురాబోతున్నాయి. సుమారు 100 సంవత్సరాల తర్వాత మీన రాశిలో డబుల్ రాజయోగాలు ఏర్పడుతున్నాయి. జ్యోతిష్య శాస్త్రంలో ఈ యోగాలు అత్యంత శుభప్రదమైనవిగా పరిగణిస్తారు.

WhatsApp channel