Today Rasi Phalalu: నేటి రాశిఫలాలు : పనుల్లో ఇబ్బందులున్నా.. వాటిని వెంటనే పూర్తి చేస్తారు

Today Rasi Phalalu : నేటి రాశిఫలాలు (31-12-2022) ఎలా ఉన్నాయో ఇప్పుడు తెలుసుకుందాం.

సంవత్సరం: శుభకృత్ నామ, అయనం: దక్షిణాయనం, మాసం: మార్గశిరము వారం: గురువారం, తిథి: కృ. చతుర్దశి నక్షత్రం: జ్యేష్ఠ తేదీ 31.12.2022

ఈరోజు మేషరాశి ఫలాలు

మేషరాశి వారికి ఈరోజు అనుకూలంగా ఉన్నది. చేసే ప్రతి పని కలిసి వస్తుంది. ఆర్ధికపరమైన లాభములు, సౌఖ్యము కలుగుతాయి. ఆరోగ్యం పట్ల శ్రద్ధ వహించండి. సూర్యారాధన చేస్తే మంచిది. వృత్తి, ఉద్యోగ, వ్యాపారస్తులకు అనుకూలంగా ఉంటుంది. ఖర్చులు నియంత్రించుకోవడం మంచిది. గొడవలకు దూరంగా ఉండటం మంచిది. ఆవేశ పూరిత నిర్ణయాలకు దూరంగా ఉండండి. ఎదుటివారితో మాట్లాడేటప్పుడు ఆచితూచి ప్రశాంతంగా వ్యవహరించడం మంచిది. మరిన్ని శుభ ఫలితాలు పొందడం కోసం శివాష్టకం, దుర్గాష్టకం పారాయణం చేయడం మంచిది. నువ్వులనూనెతో దీపారాధన చేయండి.

ఈరోజు వృషభరాశి ఫలాలు

వృషభరాశి వారికి ఈరోజు అనుకూలంగా లేదు. ఆరోగ్య, కుటుంబ విషయాల పట్ల జాగ్రత్తలు అవసరం. కుటుంబంలో వాదనలు, సమస్యలతో కూడిన వాతావరణం ఉంటుంది. మనస్తాపము, అనారోగ్యం కలుగే అవకాశముంది. మానసిక ఒత్తిడి ఎక్కువగా ఉంటుంది. ఉద్యోగస్తులకు అనుకూలంగా ఉంది. వ్యాపారస్తులకు మధ్యస్త ఫలితాలున్నాయి. ఎన్ని సమస్యలు ఏర్పడినప్పటికీ.. మీ శ్రమతో, ఆలోచనతో ధైర్యంగా ముందుకు వెళ్లి విజయం పొందుతారు. మరిన్ని శుభ ఫలితాలు పొందడం కోసం శనికి తైలాభిషేకం చేసుకోవడం మంచిది. నువ్వులనూనెతో దీపారాధన చేయండి.

ఈరోజు మిధున రాశి ఫలాలు

మిధునరాశివారికి ఈరోజు అనుకూలంగా ఉంది. ఖర్చులు నియంత్రించుకుంటే మంచిది. ఇష్టమైన వస్తువులను కొనడానికి ప్రయత్నం చేస్తారు. సౌఖ్యము పొందుతారు. పనుల్లో చికాకులు, ఇబ్బందులు ఏర్పడుతాయి. శారీరక శ్రమ పెరుగుతుంది. కొన్ని ముఖ్యమైన పనులు పూర్తి చేస్తారు. ధన లాభము కలుగుతుంది. ఆరోగ్య విషయాలు, కుటుంబ వ్యవహారాలలో జాగ్రత్త వహించడం మంచిది. సమస్యలను, ఒత్తిళ్లను నేర్పుతో అధిగమిస్తారు. మరింత శుభ ఫలితాలు పొందడం కోసం శనికి తైలాభిషేకం చేసుకోవడం మంచిది. నువ్వులనూనెతో దీపారాధన చేయండి.

ఈరోజు కర్కాటక రాశి ఫలాలు

కర్కాటక రాశి వారికి ఈరోజు అనుకూల ఫలితాలున్నాయి. ధనలాభము, వస్తు లాభము కలుగుతుంది. ఇష్టమైన వస్తువుల కోసం, కుటుంబ అవసరాల కోసం ధనమును ఖర్చు చేస్తారు. ఈ వారం మీరు చేసే ప్రయత్నాలకు శుభ ఫలితములు కలుగుతాయి. కుటుంబంలో కొన్ని సమస్యలు బాధిస్తాయి. ఆరోగ్య, ఆర్ధిక వ్యవహారాల పట్ల జాగ్రత్త వహించండి. చేసే ప్రతి పని అనుకూలిస్తుంది. ఉత్సాహముతో ముందుకు సాగుతారు. ఆర్ధిక విషయాలు అనుకూలిస్తాయి. నూతనంగా ప్రారంభించే వ్యవహారాలలో ఆచితూచి ముందుకు వెళ్లడం మంచిది. మరిన్ని శుభఫలితాలు పొందడం కోసం శనికి తైలాభిషేకం చేసుకోవడం మంచిది.

ఈరోజు సింహ రాశి ఫలాలు

సింహరాశి వారికి ఈరోజు అనుకూలంగా ఉంది. చేసే ప్రతీ పనిలో విజయాలు పొందుతారు. అనేక సమస్యలను పరిష్కరిస్తారు. ఆరోగ్య విషయాల పట్ల శ్రద్ధ వహించండి. ధనలాభము, వస్తులాభము, సౌఖ్యము కలుగుతుంది. ఉద్యోగస్తులకు, వ్యాపారస్తులకు లాభము కలుగుతుంది. కుటుంబ సౌఖ్యము, ఆనందము పొందుతారు. విద్యార్థులకు అనుకూలమైన రోజు. మరిన్ని శుభ ఫలితాలు పొందడం కోసం శనివారం రోజు శనికి తైలాభిషేకం చేసుకోవడం మంచిది. నువ్వులనూనెతో దీపారాధన చేయాలి.

ఈరోజు కన్యా రాశి ఫలాలు

కన్యారాశి వారికి ఈరోజు అనుకూలంగా ఉంటుంది. బేధాభిప్రాయములు, ఆవేశపూరిత నిర్ణయాలు తీసుకుంటారు. అయినప్పటికి విజయం పొందుతారు. ధనలాభము, సౌఖ్యము కలుగుతుంది. మీరు అనుకున్న ప్రతీ పనిని అనుకున్న విధముగా పూర్తి చేస్తారు. మాసిక ఒత్తిడి తగ్గుతుంది. ప్రయాణములు లాభిస్తాయి. స్త్రీ సౌఖ్యం కలుగుతుంది. శత్రువులపై విజయము పొందుతారు. ఆరోగ్య, కుటుంబ విషయాల్లో శ్రద్ధ వహించడం మంచిది. మరిన్ని శుభ ఫలితాలు పొందడం కోసం శనికి తైలాభిషేకం చేసుకోవడం మంచిది. నువ్వులనూనెతో దీపారాధన చేయాలి.

ఈరోజు తులా రాశి ఫలాలు

తులారాశి వారికి ఈరోజు మీకు చెడు ఫలితాలున్నాయి. చేసే ప్రతీ పనిలో చికాకులు, సమస్యలు ఏర్పడుతాయి. ఆరోగ్యం పట్ల శ్రద్ధ వహించండి. వృత్తి, ఉద్యోగ, వ్యాపారము, కుటుంబమునందు ఏదో ఒక సమస్య బాధిస్తుంది. వ్యాపారస్తులకు ఒత్తిడి ఎక్కువగా ఉంటుంది. విద్యార్థులకు మధ్యస్థ ఫలితాలు ఉంటాయి. మరిన్ని శుభ ఫలితాలు పొందడం కోసం శనికి తైలాభిషేకం చేసుకోవడం మంచిది. నువ్వులనూనెతో దీపారాధన చేయాలి.

ఈరోజు వృశ్చిక రాశి ఫలాలు

వృశ్చికరాశి వారికి ఈరోజు అంత అనుకూలముగా లేదు. కుటుంబంలో చికాకులు, సమస్యలు, ఆరోగ్యమునందు సమస్యలు ఏర్పడుతాయి. ధనలాభము కలుగుతుంది. ఉద్యోగస్తులకు పనిలో ఒత్తిడి ఎక్కువగా ఉంటుంది. అయినప్పటికీ.. అనుకున్న పనిని పూర్తి చేస్తారు. స్త్రీలకు నూతన వస్తు ప్రాప్తి కలుగుతుంది. వ్యాపారస్తులకు మధ్యస్త ఫలితాలున్నాయి. మరిన్ని శుభ ఫలితాలు పొందడం కోసం శనికి తైలాభిషేకం చేసుకోవడం మంచిది. నువ్వులనూనెతో దీపారాధన చేయాలి.

ఈరోజు ధనూ రాశి ఫలాలు

ధనూ రాశి వారికి ఈరోజు మధ్యస్తముగా ఉంది. ఆర్ధికపరమైన విషయాల్లో జాగ్రత్త వహించండి. ఖర్చులు నియంత్రించుకోవడం మంచిది. పనుల్లో కొంత ఇబ్బందులు ఏర్పడినా.. వాటిని వెంటనే పూర్తి చేస్తారు. ఇష్టమైన వస్తువులను కొనడానికి ప్రయత్నిస్తారు. ఉద్యోగస్తులకు, వ్యాపారస్తులకు మధ్యస్త సమయము. ఆర్ధిక సమస్యలు, పనుల్లో ఆలస్యం ఉంటుంది. గొడవలకు దూరంగా ఉంటే మంచిది. మరిన్ని శుభ ఫలితాలు పొందడం కోసం శనికి తైలాభిషేకం చేసుకోవడం మంచిది. నువ్వులనూనెతో దీపారాధన చేయండి.

ఈరోజు మకర రాశి ఫలాలు

మకర రాశి వారికి ఈరోజు మధ్యస్తముగా ఉంటుంది. అనారోగ్య సమస్యలు ఇబ్బంది పెడతాయి. పనుల్లో లాభము పొందుతారు. ఖర్చులు ఎక్కువగా ఉంటాయి. కష్టపడాల్సినటువంటి సమయం. ఒత్తిడి ఎక్కువగా ఉంటుంది. కొంత చికాకులు ఏర్పడుతాయి. ఉద్యోగస్తులకు కష్ట సమయము. వ్యాపారస్తులకు చెడు సమయము. చికాకులు అధికముగా ఉంటాయి. శత్రువర్గంతో ఆచితూచి వ్యవహరించడం మంచిది. ఏలినాటి శని ప్రభావం వల్ల చేసే ప్రతి పనిని ఆచితూచీ జాగ్రత్తగా వ్యవహరించడం మంచిది. మరిన్ని శుభ ఫలితాలు పొందడం కోసం శనికి తైలాభిషేకం చేసుకోవడం మంచిది. నువ్వులనూనెతో దీపారాధన చేయాలి.

ఈరోజు కుంభ రాశి ఫలాలు

కుంభ రాశి వారికి ఈరోజు మధ్యస్తమునుంచి అనుకూల ఫలితాలున్నాయి. ఉద్యోగస్తులకు, వ్యాపారస్తులకు కలిసి వస్తుంది. ఆర్ధికపరంగా అనుకూలిస్తుంది. ఏలినాటి శని ప్రభావం ఉన్నప్పటికి.. శుభఫలితాలు పొందుతారు. ఖర్చులు నియంత్రించుకుంటే మంచిది. చేసే ప్రతీ పని కొంత అనుకూల ఫలితాలు ఇస్తుంది. ఉద్యోగ ప్రయత్నం ఫలిస్తుంది. వ్యాపారములోని సమస్యలు తొలగుతాయి. స్త్రీలకు ఈరోజు అనుకూలంగా ఉంటుంది. మరిన్ని శుభ ఫలితాలు పొందడం కోసం శనివారం రోజు శనికి తైలాభిషేకం చేసుకోవడం మంచిది. నువ్వులనూనెతో దీపారాధన చేయాలి.

ఈరోజు మీన రాశి ఫలాలు

మీన రాశి వారికి ఈరోజు మధ్యస్తముగా ఉంది. ఆరోగ్య విషయముల పట్ల జాగ్రత్త వహించండి. పనుల్లో చికాకులు ఉంటాయి. కుటుంబ సమస్యలు వేధిస్తాయి. మానసిక ఒత్తిడికి దూరంగా ఉండండి. అనుకున్న ప్రతీ పనిని విజయవంతముగా పూర్తి చేస్తారు. ఉద్యోగస్తులకు, వ్యాపారస్తులకు కలసి వస్తుంది. కీర్తి, సౌఖ్యము కలుగుతుంది. మరిన్ని శుభ ఫలితాలు పొందడం కోసం శనివారం రోజు శనికి తైలాభిషేకం చేసుకోవడం మంచిది. నువ్వులనూనెతో దీపారాధన చేయాలి.

బ్రహ్మశ్రీ చిలకమర్తి ప్రభాకర చక్రవర్తి శర్మ

Contact : 9494981000