WPL 2024: డబ్ల్యూపీఎల్‍లో ఈ మార్క్ దాటిన తొలి ప్లేయర్‌గా ఢిల్లీ క్యాపిటల్స్ స్టార్

అంతర్జాతీయ మహిళల క్రికెట్‍లో చాలా రికార్డును నెలకొల్పిన ఆస్ట్రేలియా మాజీ కెప్టెన్ మెగ్ ల్యానింగ్.. ఇప్పుడు మహిళల ప్రీమియర్ లీగ్ (WPL)లోనూ సత్తాచాటుతున్నారు. తాజాగా ఓ ఘనతను తన పేరిట లిఖించుకున్నారు. 

డబ్ల్యూపీఎల్ చరిత్రలో 500 పరుగుల మార్క్ దాటిన తొలి ప్లేయర్‌గా ఢిల్లీ క్యాపిటల్స్ కెప్టెన్ మెగ్ ల్యానింగ్ రికార్డు సష్టించారు. 

నేడు (మార్చి 5) ముంబై ఇండియన్స్‌తో జరిగిన మ్యాచ్‍లో 53 పరుగులతో హాఫ్ సెంచరీ చేసిన ఢిల్లీ బ్యాటర్ ల్యానింగ్.. డబ్ల్యూపీఎల్‍లో 500 పరుగులను దాటారు. ప్రస్తుతం జరుగుతున్న డబ్ల్యూపీఎల్ రెండో ఎడిషన్‍లో ల్యానింగ్ అదరగొడుతున్నారు. 

ప్రస్తుతం జరుగుతున్న డబ్ల్యూపీఎల్ 2024 సీజన్‍లో ఆరెంజ్ క్యాప్ రేసులో రెండో ప్లేస్‍లో ఉన్నారు ల్యానింగ్. ఈ ఏడాది ఇప్పటి వరకు 5 మ్యాచ్‍ల్లో 201 రన్స్ చేశారు ల్యానింగ్. గతేడాది తొలి డబ్ల్యూపీఎల్ ఎడిషన్‍లో 345 రన్స్ చేసి.. ఆరెంజ్ క్యాంప్ దక్కించుకున్నారు ల్యానింగ్. 

డబ్ల్యూపీఎల్ 2024 సీజన్‍లో ఇప్పటి వరకు ఐదు మ్యాచ్‍ల్లో మూడు హాఫ్ సెంచరీలు చేశారు ల్యానింగ్. కాగా, ఆస్ట్రేలియా క్రికెట్ టీమ్‍కు రిటైర్మెంట్ ప్రకటించిన ఆమె.. డబ్ల్యూపీఎల్‍లో ఢిల్లీ క్యాపిటల్స్ జట్టుకు కెప్టెన్‍గా వ్యవహరిస్తున్నారు.