Nani visits Tirumala: సినిమా రిలీజ్‍కు ముందు తిరుమల శ్రీవారిని దర్శించుకున్న నాని: ఫొటోలు

సరిపోదా శనివారం సినిమా విడుదలకు వారం ముందు శ్రీ వేంకటేశ్వర స్వామి ఆశీర్వాదం తీసుకున్నారు నేచురల్ స్టార్ నాని. నేడు (ఆగస్టు 24) తిరుమల శ్రీవారి ఆలయాన్ని ఆయన దర్శించుకున్నారు. 

నానితో పాటు ఆయన భార్య అంజన, కుమారుడు అర్జున్, సరిపోదా శనివారం సినిమా హీరోయిన్ ప్రియాంక మోహన్.. శ్రీవారి ఆలయానికి వచ్చారు. వీఐపీ బ్రేక్ దర్శనం సమయంలో స్వామి వారిని దర్శించుకున్నారు.

నాని రావడంతో ఒక్కసారిగా ఆలయం వద్ద ప్రజలు గుమిగూడారు. ఫొటోలు తీసుకునేందుకు ఎగబడ్డారు. సరిపోదా శనివారం సినిమా ఆగస్టు 29న థియేటర్లలో రిలీజ్ కానుంది. 

సరిపోదా శనివారం మూవీకి వివేక్ ఆత్రేయ దర్శకత్వం వహించారు. ఈ మూవీ ట్రైలర్ ఆకట్టుకోవడంతో అంచనాలు భారీగా ఉన్నాయి. డీవీవీ ఎంటర్‌టైన్‍మెంట్స్ నిర్మించిన ఈ చిత్రానికి జేక్స్ బెజోయ్ సంగీతం అందించారు. 

తిరుమలకు గత రాత్రి కాలినడకన చేరుకున్నారు నాని. మెట్ల మార్గంలో కొందరితో ఆయన మాట్లాడారు. చాలా మందికి సెల్ఫీలు ఇచ్చారు.