Woman kills own child : పుట్టిన కొన్ని క్షణాల్లోనే.. బిడ్డను చంపేసిన తల్లి!

Woman kills own child : పశ్చిమ్​ బెంగాల్​ రాజధాని కోల్​కతాలో దారుణ ఘటన వెలుగులోకి వచ్చింది. పుట్టిన కొన్ని క్షణాల్లోనే.. బిడ్డను చంపేసింది ఓ మహిళ. ఇందుకు ఆమె చెప్పిన కారణం విని పోలీసులే షాక్​కు గురయ్యారు.

అసలేం జరిగిందంటే..

సంబంధిత మహిళ కోల్​కతాలోని కస్బా ప్రాంతంలో నివాసముంటోంది. కాగా ఈ నెల 22న ఆమె తన ఇంట్లోని బాత్​రూమ్​కు వెళ్లింది. అక్కడే ఆమెకు ప్రసవం అయ్యింది. ఆ వెంటనే.. బాత్​రూమ్​లోని అద్దాలు పగలగొట్టి, అప్పుడే పుట్టిన మగబిడ్డను బయటకు విసిరేసింది. అద్దాలు పగలిన శబ్దం విన్న స్థానికులు ఆ ప్రాంతంలో గుమిగుడారు. నేల మీద పడి ఉన్న శిశువును చూసి షాక్​కు గురయ్యారు. వెంటనే శిశువును ఆసుపత్రికి తరలించారు. ఆ తర్వాత కస్బా పోలీస్​ స్టేషన్​కు సమాచారం అందించారు.

Mother kills child in Kolkata : ఘటనాస్థలానికి వెళ్లిన పోలీసులు.. సంబంధిత మహిళను విచారించారు. ఆమె చెప్పిన మాటలు విని షాక్​కు గురయ్యారు.

ఇదీ చదవండి:- Maid kills old woman : పనిమనిషి ఘాతుకం.. ప్రియుడు- దత్తపుత్రుడితో కలిసి వృద్ధురాలి హత్య!

"నేను గర్భవతిని అని నాకు తెలియదు. నాకు పీరియడ్స్​ కూడా​ ప్రతి నెలా రెగ్యులర్​గానే వస్తున్నాయి. కడుపులో బిడ్డ ఉందన్న విషయం నాకు తెలియదు. ప్రసవం తర్వాత బిడ్డ అరుపులు విని భయపడిపోయాను. అందుకే బయటకు విసిరేశాను," అని ఆ మహిళ తమకు చెప్పినట్టు ఓ పోలీసు అధికారి వెల్లడించారు.

West Bengal crime news : "మేము వెళ్లేసరికి.. ప్రసవం కారణంగా ఆ మహిళ కింది భాగంలో రక్తం కారుతోంది. ఆమెను కూడా ఆసుపత్రికి తీసుకెళ్లాము. ఆమె ఆరోగ్యంగానే ఉంది. కానీ ఘటన జరిగిన మరుసటి రోజు.. బిడ్డ మరణించింది," అని ఆ అధికారి వివరించారు.

ఇంట్లో ఎవరికీ తెలియదు..!

ఈ విషయంపై పోలీసులు మహిళ కుటుంబసభ్యులను సైతం ప్రశ్నించారు. ఆమె గర్భవతి అన్న విషయం తమకు కూడా తెలియదని వారందరు చెబుతుండటం గమనార్హం. మద్యానికి బానిసైన మహిళ భర్త కూడా ఇదే విషయం చెప్పాడు.

ఈ ఘటనపై కేసు నమోదు చేసినట్టు పోలీసులు వెల్లడించారు.