Maid kills old woman : పనిమనిషి ఘాతుకం.. ప్రియుడు- దత్తపుత్రుడితో కలిసి వృద్ధురాలి హత్య!-elderly woman found dead in mahashtra s malad maid lover arrested ,జాతీయ - అంతర్జాతీయ న్యూస్
తెలుగు న్యూస్  /  National International  /  Elderly Woman Found Dead In Mahashtra's Malad; Maid, Lover Arrested

Maid kills old woman : పనిమనిషి ఘాతుకం.. ప్రియుడు- దత్తపుత్రుడితో కలిసి వృద్ధురాలి హత్య!

Sharath Chitturi HT Telugu
Apr 23, 2023 11:30 AM IST

Maid killed old woman : ప్రియుడు, దత్తపుత్రుడితో కలిసి ఓ మహిళ.. ఓ వృద్ధురాలిని చంపేసిన ఘటన మహారాష్ట్రలో చోటుచేసుకుంది. వృద్ధురాలి ఇంట్లో పనిచేసే ఆ మహిళ.. ఆమె డబ్బుపై కన్నేసి.. ఆ ఇద్దరితో ప్లాన్​ చేసి ఈ ఘాతుకానికి పాల్పడింది!

పనిమనిషి ఘాతుకం.. మరో ఇద్దరితో కలిసి వృద్ధురాలి హత్య!
పనిమనిషి ఘాతుకం.. మరో ఇద్దరితో కలిసి వృద్ధురాలి హత్య!

Maid kills old woman in Maharashtra : మహారాష్ట్రలో నేరాలు రోజురోజుకు పెరిగిపోతున్నాయి. ముంబైలోని ఓ ప్రాంతంలో ఓ 69ఏళ్ల వృద్ధురాలు దారుణ హత్యకు గురైంది. తొలుత ఆమె ప్రమాదవశాత్తు మరణించిందని భావించినా.. అది హత్యేనని పోలీసులు తెలుసుకున్నారు. చివరికి.. ఆ వృద్ధురాలి ఇంట్లో పనిచేసే మహిళతో పాటు మరో ఇద్దరిని అరెస్ట్​ చేశారు.

ట్రెండింగ్ వార్తలు

ఇదీ జరిగింది..

మేరీ సెలిన్​ విల్​ఫ్రెడ్​ డికోస్టా అనే వృద్ధురాలు.. ముంబై మలాడ్​ వెస్ట్​ ఒర్లెమ్​లోని న్యూ లైఫ్​ కో-ఆపరేటివ్​ హౌజింగ్​ సొసైటీలో నివాసముంటోంది. ఆమె ఇద్దరు కూతుళ్లు కువైట్​లో స్థిరపడ్డారు. మేరీ.. తన మనవడు, 26ఏళ్ల నీల్​ రాయ్​బోలేతో కలిసి జీవిస్తోంది.

Maid kills old woman in Malad : కాగా.. గురువారం సాయంత్రం నీల్​.. మేరీకి కాల్​ చేశాడు. కానీ ఆమె ఫోన్​ లిఫ్ట్​ చేయలేదు. రెండు, మూడుసార్లు ప్రయత్నించిన తర్వాత.. పొరుగింటి వాళ్లకి కాల్​ చేశాడు. వాళ్లు వెళ్లి.. మేరీ ఇంటి తలుపు కొట్టారు. ఎంత కొట్టినా డోర్​ తీయకపోవడంతో వారికి అనుమానం వచ్చింది. వెంటనే తలుపును బద్దలు కొట్టి లోపలికి వెళ్లారు. మేరీ కోసం వెతికారు. చివరికి షాక్​కు గురయ్యారు!

ఓ బాత్​రూమ్​లో బకెట్​లోని నీళ్లల్లో మేరీ తల ఉండటాన్ని గుర్తించారు. వెంటనే నీల్​కు ఈ విషయం చెప్పారు. నీల్​ ఫోన్​ చేయడంతో స్థానిక డాక్టర్​.. మేరీ నివాసానికి పరిగెత్తాడు. మేరీని చూసిన డాక్టర్​.. ఆమె ప్రాణాలు కోల్పోయిందని ధ్రువీకరించాడు. కొన్ని గంటల తర్వాత మేరీ మృతదేహాన్ని పోస్టుమార్టం కోసం షతాబ్దీ ఆసుపత్రికి తరలించారు.

Mumbai crime news : ఘటనపై సమాచారం అందుకున్న పోలీసులు.. మేరీ ప్రమాదవశాత్తు మరణించి ఉంటుందని భావించారు. కుటుంబసభ్యులు కూడా ఎలాంటి అనుమానాలు వ్యక్తం చేయకపోవడం ఇందుకు ఓ కారణం.

ఆ తర్వాత.. పోలీసులకు మేరీ కుటుంబసభ్యుల నుంచి ఫోన్​ వచ్చింది. 'ఇంట్లో రెండు ఫోన్స్​, రెండు వాచ్​లు, ఒక బంగారం గొలుసు కనిపించడం లేదు,' అని వివరించారు. ఇది ప్రమాదవశాత్తు జరిగిన ఘటన కాదని అధికారులకు అనుమానం మొదలైంది. ఈ క్రమంలోనే స్థానిక సీసీటీవీ ఫుటేజ్​లను పరిశీలించడం మొదలుపెట్టారు. కొంతసేపటికే.. మేరీ హత్యకు గురైందని వారికి తెలిసింది. నిందితులను పోలీసులు గుర్తించారు!

సీసీటీవీ ఫుటేజ్​లో ఏముంది..?

Old woman killed by maid : మేరీ మరణించిన రోజు.. ఆమె ఇంట్లో పని చేసే ఓ మహిళ.. సీసీటీవీ ఫుటేజ్​లో కనిపించింది. ఆమె పేరు షబ్నామ్​. కొంత సేపటి తర్వాత ఓ వ్యక్తి ఆమె వద్దకు వచ్చాడు. ఆ తర్వాత ఇంకో వ్యక్తి వారిద్దరిని కలిశాడు. ఆ వ్యక్తి ముఖానికి మాస్కు, తలకి క్యాప్​ పెట్టుకుని ఉన్నాడు. వీరు ముగ్గురు మేరీ ఇంట్లోకి ప్రవేశించారు. కొద్ది సేపటి తర్వాత ఇంట్లో నుంచి బయటకు వెళ్లిపోయారు.

సీసీటీవీ ఫుటేజ్​ ఆధారంగా షబ్నామ్​తో పాటు మొదట వచ్చిన వ్యక్తి షెహ్​జాద్​​లను పోలీసులు విచారించారు. 'మేరీ పిలిస్తేనే మేము వెళ్లాము,' అని వారిద్దరు చెప్పారు. పోలీసులకు వారిద్దరిపై అనుమానం పెరిగింది. అదే సమయంలో.. షెహ్​జాద్​​ను షబ్నామ్​ దత్తత తీసుకున్నట్టు పోలీసులకు తెలిసింది. ఈ క్రమంలో మూడో వ్యక్తి గురించి ప్రశ్నించడం మొదలుపెట్టారు. పోలీసులకు భయపడిన షబ్నమ్​, ఆమె దత్తపుత్రుడు.. నిజం చెప్పేశారు.

డబ్బు కోసం.. చంపేశారు!

Malad crime news latest : మల్వానీలో నివాసముండే షబ్నామ్​.. మేరీ ఇంట్లో 1997 నుంచి పని చేస్తోంది. ఆ కుటుంబానికి షబ్నామ్​ భోజనం వండేది, బట్టలు ఉతికేది, గిన్నెలు కడిగేది. ఇల్లు ఊడ్చే పనులు చేసేది. మేరీకి మసాజ్​ కూడా చేసేది.

కాగా కొంతకాలం క్రితం వాసై ప్రాంతానికి చెందిన మహమ్మద్​తో ఆమెకు పరిచయం ఏర్పడింది. అతను ఓ క్యాబ్​ డ్రైవర్​. అప్పటికే మహమ్మద్​కు ఓ కుమారుడు ఉన్నాడు. అతనే షెహ్​జాద్​! కొంత కాలం తర్వాత షెహ్​జాద్​ను షబ్నామ్​ దత్తత తీసుకుంది.

కువైట్​లో స్థిరపడ్డ మేరీ కూతుళ్లు తాన్యా, జెస్సికాలు వృద్ధురాలికి తరచూ డబ్బులు పంపిస్తుంటారు. ఇది తెలుసుకున్న షబ్నామ్​.. ఆ విషయాన్ని తన ప్రియుడు మహమ్మద్​కు చెప్పింది. చివరికి.. దత్తపుత్రుడు, ప్రియుడితో కలిసి ఇంట్లోని వస్తువులను దొంగలించాలని ప్లాన్​ చేసింది షబ్నామ్​.

Maharashtra crime news : ప్లాన్​లో భాగంగానే గత గురువారం సాయంత్రం, మేరీ ఒంటరిగా ఉన్న సమయంలో ఆమె ఇంట్లోకి చొరబడ్డారు నిందితులు. ఈ క్రమంలో.. దిండు పట్టుకుని మేరీ ముఖంపై పెట్టి, ఊపిరాడనివ్వకుండా చేశాడు మహమ్మద్​. మేరీ చనిపోయింది! వృద్ధురాలు ప్రమాదవశాత్తు మరణించిందన్న విధంగా చిత్రీకరించారు.

వృద్ధురాలిని చంపినా.. నిందితుల ప్లాన్​ సక్సెస్​ అవ్వలేదు. ఇంట్లో ఉన్న కబోర్డులను వారు తెరవలేకపోయారు. ఎంత ప్రయత్నించినా ఫలితం దక్కకపోవడంతో ఫోన్​లు, గోల్డ్​ చెయిన్​లు తీసుకుని పారిపోయారు.

ఘటనపై కేసు నమోదు చేసుకున్న పోలీసులు.. పనిమనిషి షబ్నామ్​, ఆమె ప్రియుడు, దత్తపుత్రుడిని శనివారం అరెస్ట్​ చేశారు.

IPL_Entry_Point

సంబంధిత కథనం