Noodles viral video : నూడుల్స్​ను ఇలా తయారు చేస్తారా? ఈ వీడియో చూస్తే ఇంకెప్పుడు తినరు!

Noodles viral video : 'పురుషులందు పుణ్యపురుషులు వేరయా' అన్నట్టు.. 'స్ట్రీట్​ ఫుడ్స్​నందు నూడుల్స్​తో చేసే ఐటెమ్స్​ వేరయా' అంటూ.. రకరకాల నూడుల్స్​ను లాగించేస్తూ ఉంటారు ఫుడ్​ లవర్స్​. స్ట్రీట్​ సైడ్​ ఫుడ్​ అంటేనే ఆరోగ్యానికి మంచిది కాదు. ఇక రోడ్​ సైడ్​ చేసే చైనీస్​ హక్కా నూడల్స్​ ఇంకా ప్రమాదకరం! ఈ నూడుల్స్​ క్వాలిటీ కొన్నిసార్లు అస్సలు బాగోదు. కానీ నోటిని అదుపు చేసుకోలేక తెగ తినేస్తూ ఉంటారు. ఇక ఇప్పుడు.. రోడ్​ సైడ్​ వినియోగించే నూడల్స్​కు సంబంధించిన ఓ వీడియో సామాజిక మాధ్యమాల్లో వైరల్​గా మారింది. ఈ షాకింగ్​ వీడియో చూసిన తర్వాత.. ఈ స్ట్రీట్​ ఫుడ్​ను తినాలంటే ఒకటికి రెండుసార్లు ఆలోచిస్తారు మరి!

నూడుల్స్​ను ఇలా తయారు చేస్తారా?

ఓ నూడుల్స్​ తయారీ చేసే ఫ్యాక్టరీలో ఈ వీడియో తీశారు. దీనిని చిరాగ్​ బర్జాత్యా అనే ట్విట్టర్​ యూజర్​ పోస్ట్​ చేశాడు. "చివరిగా మీరు షెజ్వాన్​ సాస్​తో కలిపిన రోడ్​ సైడ్​ చైనీస్​ హక్కా నూడుల్స్​ను ఎప్పుడు తిన్నారు?" అని కాప్షన్​ ఇచ్చాడు.

Noodles making process : ఈ వీడియోలో.. కొందరు నూడుల్స్​ను తయారు చేస్తూ కనిపించారు. పిండి పదార్థాలను మెషిన్​లో వేయడం, వాటిని కంటైనర్​లోకి పెట్టడం, తర్వాత బాయిల్​ చేయడం, ఆరబెట్టడం వంటి పనులు చేశారు. నూడల్స్​ తయారీ చేసే ప్రక్రియ బాగానే ఉన్నప్పటికీ.. వారు తయారు చేసిన విధానమే ఆందోళనకరంగా ఉంది! ఎక్కడా పరిశుభ్రతను పాటించలేదు. చేతులకు గ్లౌజ్​లు వేసుకోలేదు. కంటైనర్​లు, మెషిన్​లు చాలా దారుణంగా ఉన్నాయి. మట్టితో కూడిన ఫ్లోర్​ మీద ఆ నూడుల్స్​ను పడేస్తున్నారు. వీటినే స్ట్రీట్​ ఫుడ్​గా వినియోగిస్తూ ఉంటారు మరి!

నెటిజన్లు షాక్​..!

సామాజిక మాధ్యమాల్లో ఈ వీడియోను చూసి చాలా మంది షాక్​ అవుతున్నారు. 'ఇంత పరిశుభ్రంగా నూడుల్స్​ను తయారు చేస్తున్నారేంటీ?' అని కొందరు సెటైర్లు కూడా వేస్తున్నారు.

Noodles making viral video : "ఢిల్లీలోని అన్ని కిచెన్​​లలోనూ ఇదే విధంగా 100శాతం పరిశుభ్రత ఉంటుంది. మీరు తినే పానీపూరీ, కుల్చా, భేల్​పూరీలను పెద్ద మొత్తంలో ఎలా తయారు చేస్తారో చూస్తే.. ఇక మీరు వాటిని తినడమే మానేస్తారు," అని ఓ నెటిజన్​ కామెంట్​ చేశాడు. "ఈ నూడుల్స్​ను రోడ్​ సైడ్​ ఫుడ్​పాయింట్సే వినియోగిస్తాయని మీకు ఎలా తెలుసు? 5 స్టార్​ హోటళ్లల్లో వినియోగించే నూడల్స్​ను కూడా ఇలాగే తయారు చేస్తారేమో?" అని అనుమానం వ్యక్తం చేశారు మరో యూజర్​. 'నేను నూడుల్స్​ ఎప్పుడు తిన్నా.. నాకు కడుపులో నొప్పి వస్తుంది. ఇదే కారణం అన్నమాట,' అని ఓ నెటిజన్​ పేర్కొన్నారు.

కొందరు మాత్రం.. ఈ వీడియోలోని ఫ్యాక్టరీని వెనకేసుకొస్తున్నారు. "నూడుల్స్​ను బాయిల్​ చేస్తే బ్యాక్టిరియా పోతుంది. హై టెంపరేచర్​ ఆయిల్​లో కుక్​ చేస్తే బ్యాక్టీరియా పోతుంది. టెన్షన్​ పడాల్సిన అవసరమే లేదు," అని ఓ నూడుల్స్​ లవర్​ రాసుకొచ్చారు.

సామాజిక మధ్యమాల్లో వైరల్​గా మారిన ఈ నూడుల్స్​ వీడియోను ఇక్కడ చూడండి:

How are noodles made : ఈ వీడియో చూసిన తర్వాత.. మీరు నూడుల్స్​ తింటారా? మానేస్తారా?