Crime : చపాతీలు అడిగినందుకు కస్టమర్ను కొట్టి చంపిన హోటల్ సిబ్బంది!
UP crime news : ఆ రోజు అతని పుట్టిన రోజు. కానీ అదే అతనికి చివరి రోజు అవుతుందని ఊహించలేదు. పార్టీ కోసం చపాతీలు ఆర్డర్ ఇచ్చిన అతను.. అనంతరం జరిగిన గొడవతో ఆసుపత్రిలో చికిత్స పొందుతూ మరణించాడు. తక్కువ చపాతీలు ఎందుకు ఇచ్చారని ప్రశ్నించడంతో హోటల్ సిబ్బంది అతడిని కొట్టి చంపేసింది. ఈ ఘటన ఉత్తర్ప్రదేశ్లో జరిగింది.
UP crime news : ఉత్తర్ప్రదేశ్లో దారుణ ఘటన వెలుగులోకి వచ్చింది. చపాతీలు అడిగిన ఓ కస్టమర్ను హోటల్ సిబ్బంది దారుణంగా కొట్టి చంపేసింది.
ప్రశ్నిస్తే.. చంపేశారు!
చానెహత ప్రాంతంలో 30ఏళ్ల సన్నీ అనే వ్యక్తి నివాసముంటున్నాడు. ఆదివారం అతని పుట్టిన రోజు. సెలబ్రేషన్స్లో భాగంగా స్థానికంగా ఉండే ఓ రెస్టారెంట్లో 150 చెపాతీలు ఆర్డర్ ఇచ్చి, డబ్బులు కూడా చెల్లించాడు. కానీ రెస్టారెంట్ నుంచి అతనికి కేవలం 40 చపాతీలు మాత్రమే అందాయి.
అసలు విషయం తెలుసుకునేందుకు.. తన బంధువుతో కలిసి ఆ రెస్టారెంట్కి వెళ్లాడు సన్నీ. ఆ సమయంలో రెస్టారెంట్ ఓనర్ జీషాన్ అక్కడే ఉన్నాడు. ఈ క్రమంలోనే ఇరు వర్గాల మధ్య గొడవ మొదలైంది. సన్నీపై జీషాన్, అతని సిబ్బంది దాడికి దిగారు. కర్రలతో సన్నీని, అతని బంధువు బబ్లూను కొట్టారు.
తీవ్ర గాయాలపాలైన ఇద్దరిని ఆసుపత్రికి తరలించగా.. చికిత్స పొందుతూ సన్నీ ప్రాణాలు కోల్పోయాడు. బబ్లూ ప్రస్తుతం చికిత్స పొందుతున్నాడు. ఈ పూర్తి వ్యవహారాన్ని పోలీసులకు ఫిర్యాదు చేశాడు బాధితుడి తండ్రి.
రంగంలోకి దిగిన పోలీసులు.. ఘటనకు సంబంధించి ముగ్గురుని అరెస్ట్ చేశారు. పరారీలో ఉన్న జీషాన్ను పట్టుకునేందుకు గాలింపు చర్యలు చేపట్టారు.
ఈ వ్యవహారం రెండు మతాలకు సంబంధించిన వర్గాల మధ్య జరగడంతో పోలీసులు అప్రమత్తమయ్యారు. ఎలాంటి అవాంఛనీయ ఘటనలు జరగకుండా.. ప్రత్యేక భద్రతా ఏర్పాట్లను చేశారు.
సంబంధిత కథనం