Electoral bond : 'ఎలక్టోరల్​ బాండ్ నెంబర్లు ఏవి?' ఎస్​బీఐకి సుప్రీంకోర్టు నోటీసులు..

Electoral bond numbers Supreme court : ఎలక్టోరల్​ బాండ్ల విషయంలో స్టేట్​ బ్యాంక్​ ఆఫ్​ ఇండియా (ఎస్​బీఐ) కష్టాలు కొనసాగుతున్నాయి! తాజాగా.. ఎస్​బీఐకి నోటీసులు జారీ చేసింది సుప్రీంకోర్టు. బాండ్లకు సంబంధించిన డోనర్లు, డబ్బులను రిడీమ్​ చేసుకున్న రాజకీయ పార్టీల వివరాలను వెల్లడించినప్పటికీ.. బాండ్​ నెంబర్లను ఎందుకు చెప్పలేదని? ప్రశ్నించింది. బాండ్​ నెంబర్లు వెల్లడించకపోవడంతో.. తమ తీర్పును పూర్తిగా అమలు చేయలేదని ఎస్​బీఐపై ఆగ్రహం వ్యక్తం చేసింది సుప్రీంకోర్టు. డోనర్లు, రాజకీయ పార్టీల మధ్య లింక్​గా వ్యవహరించే ఎలక్టోరల్​ బాండ్​ నెంబర్ల వివరాలను పబ్లీష్​ చేయాలని తేల్లిచెప్పింది.

'బాండ్​ నెంబర్లు ఎందుకు బయటపెట్టలేదు?'

రాజకీయ పార్టీలకు ఫండింగ్​గా ఉండే ఎలక్టోరల్​ బాండ్లు రాజ్యాంగ విరుద్ధమంటూ.. గత నెలలో ఆ వ్యవస్థని రద్దు చేసింది సర్వోన్నత న్యాయస్థానం. 2019 ఏప్రిల్​ నుంచి అమ్మిన ఎలక్టోరల్​ బాండ్ల వివరాలను.. మార్చ్​ 8లోపు వెల్లడించాలని ఎస్​బీఐకి ఆదేశాలిచ్చింది. అందుకు సమయం పడుతుందని, జూన్​ 30 వరకు గడువు కావాలని కోరిన ఎస్​బీఐకి సుప్రీంకోర్టు షాక్​ ఇచ్చింది. మార్చ్​ 12 సాయంత్రం 5 గంటల లోపు పూర్తి వివరాలు ఎన్నికల సంఘానికి చెప్పాలని స్పష్టం చేసింది. ఆ వివరాలను.. మార్చ్​ 15లోపు.. ఈసీ తన వెబ్​సైట్​లో పెట్టాలని ఆదేశాలిచ్చింది.

ఇదీ చూడండి:- Election Bonds: ఇచ్చినోళ్లు.. తీసుకున్నోళ్లు ఓకే... ఎవరు ఎవరికి ఇచ్చారో మాత్రం తెలీదు, ఎస్‌బిఐ చిత్రాలు..

Electoral bond numbers SBI : సుప్రీంకోర్టు చెప్పినట్టే.. మార్చ్​ 12న.. డోనర్లు, రాజకీయ పార్టీల వివరాలను వేరువేరుగా.. ఈసీకి ఇచ్చింది ఎస్​బీఐ. ఆ వివరాలను.. ఎన్నికల సంఘం, మార్చ్​ 14న తన వెబ్​సైట్​లో ప్రచురించింది.

కానీ.. డోనర్లు, రాజకీయ పార్టీలకు లింక్​గా ఉండే ఎలక్టోరల్​ బాండ్​ నెంబర్లను ఎస్​బీఐ షేర్​ చేయలేదు. ఈ విషయాన్ని గుర్తించిన సుప్రీంకోర్టు.. ఎస్​బీఐపై ఆగ్రహం వ్యక్తం చేసింది.

SBI Electoral bonds latest news : "స్టేట్​ బ్యాంక్​ ఆఫ్​ ఇండియా తరఫున ఎవరు వచ్చారు? ఎలక్టోరల్​ బాండ్​ నెంబర్లను ఎస్​బీఐ వెల్లడించలేదు. ఎందుకు? ఆ వివరాలను ఎస్​బీఐ కచ్చితంగా బయటపెట్టాలి," అని సుప్రీంకోర్టు ప్రధాన న్యాయమూర్తి డీవై. చంద్రచూడ్​ నేతృత్వంలోని ఐదుగురు సభ్యుల ధర్మాసనం.. శుక్రవారం విచారణలో భాగంగా తేల్చిచెప్పింది.

ఈ వ్యవహారంపై తదుపరి విచారణను సోమవారానికి వాయిదా వేస్తున్నట్టు ప్రకటించింది. సీజేఐ డీవై. చంద్రచూడ్​ నేతృత్వంలోని ధర్మాసనం.

'బాండ్​ నెంబర్లతో ఏం తెలుస్తుంది?'

Electoral bond data : ఎన్నికల సంఘానికి ఎస్​బీఐ ఇచ్చిన డేటాలో.. డోనర్ల పేర్లు- బాండ్స్​ని రిడీమ్​ చేసుకున్న పార్టీల పేర్లు వేరువేరుగా ఉన్నాయి. ఫలితంగా.. ఏ పార్టికి, ఎవరు- ఎంత ఇచ్చారు? అన్న విషయంపై క్లారిటీ రాలేదు. ఇక.. ఎలక్టోరల్​ బాండ్​ నెంబర్లు బయటకి వస్తే.. డోనర్లు- రెసీపియంట్​ మధ్య లింక్​ ఏర్పడుతుందని తెలుస్తోంది.

సుప్రీంకోర్టు తాజా ఆదేశాలపై ఎస్​బీఐ ఎలా స్పందిస్తుందో, ఎలక్టోరల్​ బాండ్​ నెంబర్లను పబ్లీష్​ చేయడానికి ఎన్ని రోజుల సమయం తీసుకుంటుందో చూడాలి.